سيوف الغدر !!!

يا صاحبي شوف البشر كيف خلوك = في دنيتك مهموم وحدك تعاني
قد قلت لك شفهم تمادوا وغشوك= وإنته تعاملهم بجد وتفاني
ما غير من حكي ٍ بلا فود يعطوك = بس إنتبه واصحى معاية عشاني
تابع معاية شوفهم وين ودوك= وأسمع تراني ناصحت لك تراني
ما تشوف من زود الغرابيل يهدوك= وسيوف غدر ٍ ترتكز بالمحاني
خلوا جمايلك العديدة وباعوك = وأصبحت والله في نظرهم أناني
لا حول شفهم بالقفا حيل ذموك = خلوا علومك بين قاصي وداني
ما تذكر إنك جيت عاني وردوك= ولا حصل لك غير جيتك عاني
ما تذكر إنك جيت شاري وباعوك = ويا للأسف حطوك بأقصى مكاني
لو في يديهم كان للشوك جروك = والإ دنولك من جديد الكفاني