ياندي الوجه ياللي ارتحل كنه سراب
لوينادي ماهقيته سامع لكلمة مجيب
كنه الشخص الضرير وصار فاقد للصواب
عاجزٍ عن حل امره كل عراف وطبيب
لو شرح حاله تلعثم زاد حاله في خراب
صابته الفين عله بعد فرقاه الحبيب
بعد ما كان المتيم وفي ميادينه خصاب
المحل سوى سواته بعد ما كان المهيب
الجفا كيف الجفا في حب حده للعذاب
والوفا طبع الحرار اللي بها نخوه وطيب
والمسائل حلها يزداد عقده في الغياب
والفرص مره وحيده اه يالحظ العجيب
الهوى ما له امل في جو يملاه الضباب
قالها رجلٍِ كبير السن في الدنيا لبيب
النصيحة لو تجيلك من قوانين الصحاب
حطها بين العيون وخلك الشخص النجيب
كون عادي مثل الاول طول هامات الهضاب
والحصان تجيه كبوه والرجل يخطي ويصيب
النصيحة هي كما المنشور في وجه الكتاب
من صديق ٍ لك وسولف ومن معاناتك قريب
معلى
hgkwdpi
الإهداءات
النصيحه 
العرض العادي
المواضيع المتشابهه الموضوع: النصيحه 
