شبكة الشموخ الأدبية - رد : من أحلام للشاعرة دلال

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - رد : من أحلام للشاعرة دلال (http://www.alshmo5.com/vb/t37864.html)

رد : من أحلام للشاعرة دلال

اقتباس:

المشاركة الأصلية كتبت بواسطة دلال الشراري (المشاركة 319484)

يا أحلام ؟

الإهداء إلى العزيزة الشاعرة القديرة أحلام مؤجلة

- مشرفة منتدى الشعر الشعبي - في شبكة الشموخ الأدبية

يا أحلام من دوّر حبيب ٍ بيلقاه = يا كثرهم وأعدادهم مالها حدود
لاشك وين الصاحب اللي تمناه= اللي على وعده ويحفظ لك عهود
أهل المصالح والطمع والمهاداه= كل ٍ يبي يكسب من أحبابه الفود
حاشا النشامى قمة الطيب والجاه = يا أحلام ذولا صنفهم غير موجود
وإلا قليل وتايهن ٍ من ترجاه = والعمر ماهو دايم الدوم ممدود
والجمس يلقى بالمعارض ونبغاه= وبعض الأماني ما بها للرجاء زود

الشاعرة دلال نبات الشراري

صح لسانك اختي دلال
وشكرآ لجمال الشعر وجمال الحضور .

مرحب دلال وحيّ ملفاك حيـّاه
. . . . . . . . مرحب بنبض الشعر وبريحة العود
الناس واجد ياخويـّة وعــزّاه
. . . .؟ . . . . . للي يعيش وبين الاموات معدود
الصاحب اللي من بعد يوم فرقاه
. . . . . . . . ضاقت على هالروح بلدان وحدود
لو كان جمسٍ بالمعارض شريناه
. . . . . . . . . . او كان حلمٍ نقضي العمر برقود
ماكلّ زولٍ لو رحل او فقدناه
. . . . . . . . . يمكن يعوّض عنْه من كان موجود
والطيّب اللي طول الايام نرجاه
. . . . . . . . . . .مهما يطول الوقت لابدّه يعود

أحلام مؤجلة

وسلامتك