|
انا وشعري
|
تنهيدة حزن تعودنا الحزن من قبل نكبر لين ……………………….. غدا مثل الثياب .. اللي لبسناها ردونه حيف ماغطت لنا الإيدين ………………………….. وبرد الليل مايرحـم تولاّهـا !! وذاك القلب من مبطي نبت له عين ……………………… تهل الدمع من قسوة ... خطاياها وتشحذ لي من الغفوة وسن مسكين ………………………… يمر بحلم ... ماكنـّه تغشـاهـا كفاية … ننده بحسرة حبايـب ويـن …………………… دروب الهجــر تجبـرنـا لممشاهــا هنـا كانت منازلكم مابيـن .. وبيـن ……………………… وتيـن القلـب والاضـلاع مرساهـا احلام |
صباحية… صباحكم شوووووق على طاربــه تشـرق شمسنا بدري ………………………………………… وعصفور الولــه يطلق جنـاحينـه وانا لملمت باقي الشوق من صدري ………………………………….…. عشـان اخفيه بين رموشه وعينـه صباح الخير لاغلى شخص في عمري ……………………………………… صباحـي حـب يحـنّ لضمتـّه وينـه صبـاح الشوق واللهفـة وهو يدري ……...........................……. معــاه الصبــح ... يازينـه ويـازينـه اظنـنّ الـصبـح يمكن يشْـبهه مدري ……………………………………… حنانـــه كان يفــرق بينـه ، ، وبينـه صبـاح الخير يااجمل حلـم محـري ………………….……………… يجـي واقـع واعيش براحــة ايدينـه فداه العمر وحروفي وصدا شعري ……………...……………………… ربيــع الـعمـر بـه تزهـر رياحـينـه واطيّر له طيور الشوق من صدري ……………………..………… لأن الشوووووق بعـيونـه عناويـنـه احلام |
أبكار الاماني ياغريبـة ... كل شيّ يمرّنـا صدفة نخافـه .............. وان مسكنا بالصدف مرت خطاويها عجوله وشهي حيلة من لقى وقت الشتا مدّة لحافه …………….... ماتغطّي كل جسمه لو نوا مدّة رجولـه ياغريبه .. جاوبيني والحكي مابـه كلافـه ..………… . كيف شبنا قبل نحيا مرحلة عمر الطفولـه لو كبرنا حيل ليـن العمر لـوّح بإنتصافـه ……….. ليه نرمي عمرنا الباقي على دروب الكهولـه والسنين السبع مرت تشكي العمر وعجافه ..………………..مازرعنا سنبله خضرا بها تمنع أفولـه ليـه منهو يشترينـا .. بالغلا دايم نعافـه ……………… نتبع دروب اللي اقفا واللي مانقدر ننولـه ليه نبكي ليه نشكي ليه طيبتنا سخافـه ..……………. ليه نروي غيرنا دام المطر شـحّ بهطولـه ليه عنقود الحروف اللي نما وقرّب قطافه …………… يجبر الشاعر على جحد القصيد اللي يقولـه ياغريبة ماكبـرنا لكن الحلم .. وجفافـه ……………… ينحر ابكار الاماني بمعبد الطيبة الخجولـه صدقيني مابقا للحلـم في آخر مطافـه ……………… غير وجه بكل ذكرى يجرح القلب بسهولـه سامحيني لا افترقنا وضاعت حدود المسافه …………….. كل درب يودي للفرحه معك يصعب وصوله واذكريني قلب اكبر ذنب شاله في شغافـه ………………… لونه الابيض قبل سود الليالي يرتكوا له نشرت بمجلة حدث الالكترونية .. https://twitter.com/Ahlaami/status/5...533891072?s=09 مجلة النايفات الادبية http://alnaefat.net/mg/%d9%8a%d8%a7-...a%d8%a8%d8%a9/ |
رد: ديوان الشاعرة أحلام مؤجلة ؟ أرفع آيـات التهـاني والإعجـاب والذوق الرفيع لسيـدة أحلام فهي كتبت وتميـزت عن الكثير ولهـا نغمـة خاصة في الحزن مع إحترامي للأستاذ عبدالعزيز الذي فتح النـافذة وشجع تلك المواهب. |
رد: ديوان الشاعرة أحلام مؤجلة ؟ اقتباس:
شكرآ لك اختي الكريمة شهادة اعتز بها .. ويشرفني مرورك الرائع .ومني تحية للاستاذ الكبير الراقي عبد العزيز الفدغوش ومثلها لروحك دعواتي وودي |
خيبة عمر كلهم راحوا وانــا باقي بمكاني ……………………………… أحضن الذكرى وله وابكي عليها هو وجع ذاك الذي دكّ المحاني ……………………………… أو أثر خيبة عمر .. تبـّت يديها ياغياب اللي رحل ما ردّ ثانـي ……………………………… وين فيه دروبك وانا أجـيها !! من رحلت توقّف حساب الثواني …………………………… والزمان يبيع فيهـا .. ويشتريها ياغريب الروح لو مثلي تعانـي ……………………………… تعرف ان الروح لو باحت حكيها قالت ان الحلم مثل العمر فانـي ……………………………… ليه روحي تحلم بمن يحتويها !! ياغريب الروح ..لاتبكي عشاني …………………………….. وفـّر دموعـك لصدمـة تحتريها مابقا لأهل الوفا غير الاماني ……………………………… اودعوا (احبابهم) في راحتيها" وكل ذكرى عاثت بصبر المحاني ……………………………… ماأبيهـا ... ماأبيهـا ... ماأبيهـا . احلام مؤجلة |
قطار العمر نادي المنادي بصوت الحزن والخيبة .................................... هذا قطار الرحيل اللي حجزتوا به الدرب هم ووجع والسكّـة تغريبـه .................................. والعمر شنطة سفر والوجهة مكتوبـه هذا مفارق وطـن وأحلامه بجيبـه ..........................................يحلم يلاقي وطن يقبله بعيوبـه وهذا يشيل الوجع بالليل يسري بـه ...................................... وهذا مفارق اهل واحبـاب غدروبه ياقلب مرّ العمر وش عاد ترجي به ...................................... اسلك سبيل الصبر لو طالت دروبـه منهو جرحـْنا ورحل من يقدر يجيبه ...........................................لاحلّل الله غيابه او محـا ذنوبـه هذا قطار العمر صرّت دواليبـه ........................................غادر رصيف اللقا واحباب مروا بـه سبحان من سخَّره والريح تجري به ..................................... العمر سكـّة سفر والخطـوة محسوبـه احـ مؤجلة ـلام |
| الساعة الآن 03:35 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011