|
رد: ديوان الشاعرة أحلام مؤجلة ؟ تدري صباحك غير صبح المخاليق ........................ رايق بنكهـة بـنّ اشقر يمانـي الناس تغلي البن وسط الاباريق ........................ وبنّـك يفوح بجمر عوج المحاني رشفة برشفة لين تروي المعاليق ...................... ويذوب شهد الوصل شعر وأغاني ويزين معك الشعر واحلى الطواريق ....................."يسلم لسانك و ألف يسلم لساني " احلام |
رد: ديوان الشاعرة أحلام مؤجلة ؟ تدري وش اللي فاقدة بعد فرقاك ....................... صوتـك على هالصبح لمـّا تغنّي وضحكة شفاهك لو بتهمس انا اهواك ....................... وريحة يدينك يـوم فيها اتحضنّني اشتاق صوتك ضحكتك همسة شفاك ........................ اشتاق صدّك لو بصـدّك تجـَنـّي واللي خلق لي قلب ..كل همه رضاك .......................قادر يجيبك لـو بلحظـة ... تمنّـي احلام |
رد: ديوان الشاعرة أحلام مؤجلة ؟ ٩ على صورة "وطن" تغفا بي الاحلام وعلى خيبة ووجع تصحا معي الغربه تغيب احباب تتلاشى قصص واوهام وأصبر نفسي بجملة " معه ربـّه " يمرّ الوقت .... تتواتر خطا الايـّام على الناطر على العاشق على قلبه يقول اللي يحـّب الارض ماينـلام ترا فقد الوطن يالايمي .. صعبـه تعال ننام ياجرحي .... تعال ننام خلاص الحلم ضيّـعنا ونسـا دربـه كبرت بحيل عالحلم و مضت اعوام صغيرة كنت والاحلام .. لي لعبـه احلام |
حلم |
درب الفراق |
رد: ديوان الشاعرة أحلام مؤجلة ؟ مقاس الجرح مجلة مشارق الالكترونية اجمـع شظايا خيبتي وابني لك بروحي عـُذر بابـه بوجه الامنيات مقفّل .... ولاله طريـق ياعمـْر مر ولا رضا في غيبتـك يصبح عـمـُر خانك شعورك وانتهى عهد الحبايب والصديق بكـرة تموت احلامنا ...وبضمـّها ظلمـة قبـر بكرة نشيّب وحدنـا ... وبخيبة الدنيا نضيـق ياسرع ساعات الزمـن شـفها تجرجرنا وتمّـر كبـْرت مقاس جروحنا وماعادت الفرحة تليـق مايطعنه سيف الغدر من كان له صدرك ضهر وش حيلة اللي ينطعن بيدين ناسـه والرفيـق وقتك مضا .... ياخافـقي مالك لـوا لاتتظـر وقتك مضا ماقلت لك من حلمك الرثّ استفيق ابني بقايا خيبتي طوبه فقد ... طوبه صبـر ومن ليليّ المظلم على أشـلاء احلامي اويـق احلام |
رد: ديوان الشاعرة أحلام مؤجلة ؟ هـمّ السنيـن مابكيت وقلت متعب الا من هم السنين ................... ولا ارتكيت بثقل همي الا ابغى لي متـن وين راحوا من نبيهم .. صدق مات الطيبين ................. هو صحيح ان الـ مشاعر جفت بفعل الزمن ياشبابيك الاماني تفتحي الدرفة لـ مين .................. اسدلي كل الستاير واعلني الدعوة حـزن وياالغيوم البيض مرّي وامطرينا دمع لين ..................... نغرق بشبر المواجع في كفوفه ننطحـن ابكي .. نبكي فالنهاية انتِ عين وحنا عين ...................... لو تشاركنا سوا كثر الوجع يمكن يكـن عاتبيهم والطريق اللي رحل فيهم لـ وين ................... يقطع اوهام المسافة بهقوة يجوز ونظـن وأوقفي كنـّك يتيمة تدقّ باب المحسنين ................... واحرقي اعواد كبريت الامل قبل الوسـن يمكن بنوره تلاقي حـلم ضايـع من سنين ........................ويمكن بناره تدفي ضلع من برده يـون متعبيـن وكل خطوة تصيح فينا متعبيـن ...................... والوجيه الشاحبة تستهلك البسمة غبـن ضاقت صدور الاوادم من صدود الراحلين ................... مثل ما صدور المباني ضاقت بغدر المـدن والشوارع كم شكت من ثقل ارصفة الحنين ...................... كم عبر فيها غريب مضيّع دروب الوطـن والحمام اللي بنى بـ هام المآذن عش طين .................... هاجر يدور لـ حلمه ارض خضرا ما تمـن كان لي خاطر بـ قلبـك يالأماني لاتجين ....................... مابقا بصدري مكان الا بكفيكِ انطعـن كم سألتي تذكرين .. وتذكرين وتذكرين ....................... إيـه أذكر إيـه أحلم إيـه أشتاق وأحـن إيه أَصرخ ... وين راحوا كل لحظة وكل حين ...................... والصدى يدوي وتصبح كل اجزائي اذن إيه أَبكي ... لين تنبت من عيوني لي يدين .................. تحضن الباقي بروحي بعد ماخان الـ حضـن نشرت بصحيفة نجوم الشعر http://www.njoomalsher.net/poems/917...-19-31-44.html احلام مؤجلة |
رد: ديوان الشاعرة أحلام مؤجلة ؟ http://im59.gulfup.com/21P9ZB.jpg اذا مااوجعك صدرك تروح لمين!! ..................... اذا ماضقت من نفسك من يسليك اذا مامت من شوقـك تجيب منين ......................حياة تدب بعروقك ... وثمْ تحييـك اذا ماضاع درب النوم وسط العين ...................... تجرّب كل مخدّاتـك ولا ترضيـك!! اذا مااحتجـت للصحبة ،، وللطيبين ....... ...............ولاتلقا سـوا صـورة لهم تشقيـك من اللي يوقف بجنبك وانت الحين ....................... وحيد ومامعك صاحب هنا يواسيك تعيش الموت صبح وليل يامسكين ....................... واصابع هالزمان المـرّ تلعب فيك اذا مادنيتـك عيـّت تجـي وتزيـن ....................... بجـوف الليل ارفع بالدعا كـفّـيك معك ربك" فلا تيأس وقول آميـن ...................... إله الناس هو حسبـك وهو يكفيك احلام |
| الساعة الآن 03:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011