هنااك بـ سـالف الأيام لي حلـم ، وغلا ، وعهـود
تبعثـر نـزفها المنهـك قصـايـد تشقي طروقـي

وإذا ماهبّـت الذكرى على أغصاني هبوب النـود
جذوع الصبر تتمايـل .. وتحني شامـخ عذوقـي

وأرتّـب لك على رفـوف الولـه باقي صور ووعـود
أخاف من "البطـا" يسـرق تفاصيلك من عروقـي

وأمرجحني على حبال الأمل وحدي وأقول يعـود
وأولّـع شمعة الهقـوة وأحاول أحتضـن شوقـي

وأعيش بـ غيبتك عمري جفـاف وبالمطر موعـود
وأبلل يابـس "أفواه الظمـا" من رفرفـة موقـي

حبيبي والجفـا ثقله على كتوفي بـ ثقل "الطـود"
عجزت أحـْملْه بـ لحالي وأداري ضعفي وعوقـي

مثل ماجيـت لك عانـي .. وكفّـي بالوفا ممـدود
تمنّـيتـك تجـي نـور ،،، وصبـاح يتمّـم شروقـي

ومهمـا كانت أعـذارك أبيـك تكـون لـي موجـود
تجيني كلّ مااحتجتـك .. وهاذي أبسـط حقوقـي

كثر ماعشـت فيك وبك مشاريه وجفـا وصـْدود
دريت ان الأمل .. طفل وكبر بي يعشق عقوقـي
.
مادام ان القلوب أغراب "بعدك" والليالي سـود
نهايـة قصتـي حانـت "سـلام وبـرد" يـاشوقـي







احلام مؤجلة
تويتر .. Ahlaami@
سناب وانستغرام ..ahlaami2

المشاركة الأصلية كتبت بواسطة أحاسيس دافئة (المشاركة 341073) روعه شاعرتنا .. دام احساسك ونبضك غاليتي .. وبالتوفيق لك يا رب

الاروع تواجدك ياالغلا وماعليك زود

شكرآ لتشريفي بوجودك الطيب


كوني بخير

‏إيه أبيك بكل مابي من حنين
إيه هاتك غيب مقرون بدعاء

لاتقول انتي تبين او ماتبين !!
قول هاك القلب يحتاج إحتواء

هيت لك أوطان مفتوحة يدين
عيشها وصل وأحاسيس إنتماء

ضامي لوصلك ولو مرت سنين
هاتك بلا قيد .. أو كن ماتشاء

كن سحابة خير أو موعد ثمين
كإلتقاء الصيف في فصل الشتاء

كن كما الأطياف والنور المبين
فرحة العشاق .. في ليل اللقاء

إيه أبيك بكل عزم .. وكل لين
وكل رغبة عشق راقي وكبرياء

إيه هاتك .. كف ممدودة يمين
وهاكني أحلام من دون انتهاء

قصاص نمر النمر

للسيف حد .. وللعدالة موازين
لاحان وقته إمتثلنا .. ل كلامه
.
ياموطن التوحيد عطهم براهين
حنا دعاة السلم .. رغم الملامه
.
وبيد بن نايف سليل الميامين
نسقي عدو الدين كاس الندامه
.
ونرد صاع بصاع ضمن القوانين
ياللي تعادي الدين مامن سلامه


احلام مؤجلة

ابيات متواضعه بمناسبة اليوم الوطني
وهذا الوطن لاتوفيه حروف ولاتكقيه قصائد ودواوين



وش احكي عنك ياداري واغني بك
.............. عجز نزف القلم لايوصف الاحساس
عسا عيدك مثل أرضك مثل طيبك
............... بديع واخضر وبإسمك نعلّي الراس
قليل إن قلت ياعشقي وأماري بك
............... ياجنة ربي .... وأغلى من الأنفاس
يادار الطهر ... والتوحيد لايصيبك
............... أبد ضيق ولك عيالك واناااا حراس
ورا « سلمااان » .. للقمة نعلّي بك
............... وريث العز ، والعليا ، عريب الساس
وابن نايف بدرب الفخر يمشي بك
............... سعوودي والمجد دربه وغير الناس
وقف للي نوووا غدرك و تخريبك
................ وقف شوكة بحلق الشر والانجاس
وابن سلمان ... عاد اليوم ترتيبك
............... بأول صفحة التاريخ ، والنوماااس
وش أكتب عنك ياداري وعن طيبك
............. عجز نزف القصايد يوصف الاحساس


أحلام مؤجلة