ديوان الشاعرة أحلام مؤجلة ؟

وينك تجيني لانزف هالشوق فيني أمنيـــات
وينك تجيني حلم ياخذني من حدود القهــــر
******

وينك تجيني طيف يحمل في يدينه لي حيـات
لاهـزّنــي كثر الحنين وفات ميعاد الصبـــــر
******

كنـّـي أشوفك في خيالي في حكايا وذكريــات
في النور في فرحة طفل بالعيد لو قرّب يمُــر
*******

كنـّـي أشوفـك في الأماني والليالي المقبــلات
في محبرة ماتت عطش من حرفي وجف الحبر
******

شفني جمعتك من غياهيب الفراق ومن شتات
من شمعتي ذابت بــــرد واحساسها قايد جمــر
******

لملمت أجزائك أماني في هدب عيني تبـــات
كوّنت منك موطني وأهديتك لعمري عمـــــر
******

تسكــن تفاصيل الوجوه بكل نظرة والتفــات
في كل {لهفــــة} جابتك تترك على عمري أثــر

اسطورة العشاق


يقول الله ياحلمي شكثر مشتاق
......................... أضمك في يدين الحلم وأغفا بگ

اعدي بك ليالي البعد والاشواق
......................... شتا ضلوعي بليل البرد يدفا بگ

ايا اسطورة الاحساس للعشّـاق
......................... تعالي وضمّي اجزائي ورا ثيابگ

ياحلمي اللي يلملمني دفا وعناق
......................... ويجمعني بخط الكحـْل واهدابـگ

تعبت من الوله يكفي شبعت فراق
......................... وراجع ازرع ضلوعي على تـرابـگ

اسابق لهفة اللقيـا وامـدّ السـاق
......................... ونبض القلب يسبقني إلى ابوابگ

الين الناس تحملني على الأعناق
......................... أعيشك باقيّ سنينـي وأحيـا بگ



احـــ مؤجلة ــلام

غابوا وقالوا وش بدينا مقادير
غابوا كثير وحيل حيل اوجعوني

ياحزن ضلع القلب لـمّ المعاذير
ماعاد سيل الدمع يروي عيوني

راحوا وطالت بالمسافة مشاوير
لا هم خذوا الاوجاع والا خذوني

خلوا ضلوعي والنواظر مساعير
كل مايشب الليل شوق احرقوني

تهيج الذكرى في صدري وحرقتها
......................... بعزّ الليل من نومي تصحـّيني

يجنّ الشوق بعروقي و حزّتهـا
......................... يضيق الكون بعيوني ويعنـّيني

عباية امي السودا .. وكحلتـها
........................ تشابه لون ماباقي من سنينـي

بليل الفقـد اتحضـّن "مخدّتـها"
......................... وأقول بشوق يايمـّه وحشتيني

غراش الطيب من راحت وخلتها
......................... نثرت العطر بدّلتـه دمع عينـي

ثياب العيـد مخنـوقة بخزانتـها
........................ تصيح بقهر ..مايمدي لبستينـي

كثير احيـان تغريني لـ لمستـها
......................... وبدون شعـور أحضنها بيدّينـي

دخيـل الله ... ياجدران غرفتـها
........................ مابين أحـْجارك وبابـك تضمـّيني

على بـرواز ذكراها ، وصورتـها
........................ تدقـّي لي مساميـر وتعلـْقيني

اذا ماذبت من شوقي لشوفتـها
........................ ورا البرواز يايمـّه ... تلاقيـني

وتهمس لي بدفـا انغام ضحكتـها
........................ ترا بالزين ..... يابنتـي ورثتيني

فديت تراب رجليها .. وهامتهـا
......................... ياليت اقـدر ارجعـّها او تجينـي

عسا "الرضوان" عند الله جنـّتها
......................... وعسا الأيام عن حزني تلهـّيني

ياغرفتها .. ياكحلتها .. ياشيلتها
....................... وش اللي بعدها ممكن يعزّنيي



احلام

نشرت في صحيفة نجوم الشعر

ثارت أبيات القصايد وانتشى حبر الكتابه
...................وانحنى راس المعاني للورق قبـّل جبينه
لانت بكفـّي حروفه عانقت جرحي صبابه
..................تستثير شعور شوق الحرف وتداعب يدينه
تنتثر من دون قيـد بلا كسـور ولا رتابـه
................... تجتمع فيني ببراءة طفل في أوّل سنينه
ترتفع للغيم تغفـا في سما عمري سحابه
...... ........ تمطر احساس ومشاعر تروي به تربة حنينه
لو عبـر صدر المشاعر وجـه يشقينا غيابـه
....... ......... وجه امـّي والطفولة والشوارع والمدينـه
ووجه عاشق لا شكا لليل من لوعة عذابه
................. هلّـت عيون السهارى دمعها مع دمع عينه
وصوت شاعر دوزن الحانه على جرة ربابه
..................... لو يغني ردت الدنيا صدى شهقة ونينه
مرّ عابر في جيوبه حلم يطرد به سرابه
................. يصفق بحسرة وندم راحة يساره في يمينه
ياصباحات الطفولة اللي مضت حلم وغرابه
............... ويامساءات الشباب اللي رحل وأقفت سنينه
ماكبرنا حيل لكن عشنا احلام الغلابه
.......... .......... وانسرق منّا املنا وماتت البسمة غبينه
لو جفاف العمر طوّل من بيسقي له ترابه
................ والسواقي ماامطرتها غيمة الوصل الحزينة
اكتبيني ياالقصايد وافتحي للبوح بابه
.................... يمكن بدمع الحروف بيوم تنبت ياسمينه
والغياب اللي تركنا العمر عند عتاب بابه
....................... ننتظر ونقول بكره ياالأماني تفتحينه

نشرت بجريدة البلاد
صفحة ملامح صبح للاستاذ هليل المزيني
http://t.co/p75c6IZzBZ‎ http://t.co/mjGyTAKftn‎ http://t.co/8qdUookUoZ‎"

عـــزّاه .. ياوقــتٍ قلــَب كلّ مفهـــوم
الله يجيــر الناس ,,, ويعزّ الإســلام

ماعـاد نفرق بين ظالــم , ومظلــــوم
ولافيه من يزبــن خويــّه لو إنضــام

ناس ٍ تبيع الديــن ,,, وتقلل الســوم
وناسٍ ضمايـرها على ريــال تنســام

لاصار فينا الشيـخ ماهو بـ محشــــوم
وأشناب تسحـب لجلّ مرضاة أريــــام

ولاصارت الشيخة ورا ..حبّ الخشوم
وبعنا العراق وضاعت القدس والشام

وشلون أمجاد العرب ترجع تقــوم ؟؟
وحنـّا على الأطلال نبكـي من أعــوام

ودرب الطرب والفنّ تخطيط مرسـوم
وقـــدوة شباب اليوم راغب , وأحلام

مسلم نسى القرآن والذكــر والصـوم
وأفتى بجـــواز الحـجّ من غير إحـرام

يطربـه جــرّة عود وإعلام مسمـــوم
ويشغله هز الخصر عن وصل الأرحام

واقـع كـئيب وعيشـــةٍ كلّها همــــوم
وليلٍ طويـــل وكله أضغاث وأوهــام

عــزّاه .. ياوقــتٍ قلــب كلّ مفهــــوم
ياالله تجيـــر الناس , وتعزّ الإســــلام