عيد يا فكر الموّلع ...عيد .... عيد

يوم شفت الزين مقبل من بعيد =صاب مذهول الفكر صمت الكلام
زولها ما هو على عيوني جديد =حتى قلبي فز يمه في هيام
واقفه وأنا على العلم الأكيد =إن في نظراتها حب وغرام
وعادت الذكرى معي وأنا أستعيد =في شريط الذاكره عشرين عام
عيد يا فكر الموّلع عِيد ... عِيد =دمّر المشتاق واعدمني عدام
إنبش الماضي معاها زِيد ... زِيد =عاشق ٍ في حال مثلي ما يلام
صدفةٍ ماهي على سابق وعيد =ساقها الله والتقينا بإحترام
ألتقينا واللقا يوماً سعيد = في مطار الجوف يوم الحظ قام
أقبلت والرمش بالنظرة عنيد =وبادرتني بالتحية والسلام
وأسألت عن حالتي هل من جديد =كيف حالك يا عسى حالك تمام
كنت أحسب أني على الفرقأ شديد =وحالتي في خير من دون الغرام
وذبت أنا من شفتها ذوب الجليد =لأشرقت به شمس من بعد الغمام
آه ليت أيام ماضينا تعيد =تنقش الماضي بواقعنا وشام
ماضياً ليته على الحاضر شهيد =ليت ماضينا على الأفراح دام
سلوتي لامن ذكرتك بالقصيد =في لقانا بالبداية والختام
أكتبك والفكر يصرخ عِيد ... عِيد =ياعسى الدنيا بلا حبك حطام