|
رد: وطن الحرف والحلم ... مرسى الأحلام http://im44.gulfup.com/qNXKsw.jpg لا تعدّتنا الأماني .. وماكسبنـا ………………………… غير حزن ، وانكسارات ، وكآبـة نُعتبـر في هالحيـاة إنـّا رسبنـا ………………………….. ولاعرفنـا للسـؤال أيـّة إجـابـة نختلف وقت النتايـج في نسبنـا ………………………………ونتّفـق انـّا بشـر ..دايم غلابـة كم درسنا وكم تعبنا وكم حسبنا …………………………… وما بنا واحد قدر يظبط حسابه |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام http://im59.gulfup.com/XfWhYD.png متى متنـك تقوّا والحمول ثقـال !! تشيل اكبر من عزومك معك ربـّك صغيـر وماعبـر حلمـك لعب اطفـال متى كبـْرت بك الدنيا ودارت بـك !! وصرت اكبر من سنينك "صبي حمّال" وحمل الفقر ، والعازة ، ملى قلبـك تعـَب ينحـر بـك البـاقي من الآمـال قـدر مجهـول ينتظـرك عـلى دربـك |
رد: وطن الحرف والحلم ... مرسى الأحلام بدون شعور .. حضن اضلاعه بيدّه يخاف الروح تتشظى وسط صدره وتتهاوى ضلوعه بعدها بالدور من يلمّه وذاك الموت خلاه وسرق أمه ..من يضمّه… بكا مقهور ****** كلهم راحوا بعيد ..وحتى انتي… ليه رحتي؟ يارفيقة عمري كله بسألك بعد الغياب المرّ عني ياترا عشتي السعادة واسترحتي ؟ ***** مادريتو… خلّص الصبر اللي فينا من رحلتو… السعادة مانبيها ولاتبينا ولو سألتو قلنا حنا بخير لكن .. ربنايعوّض علينا بكرة يمكن ينبت لجنح الامل .. ريش ويجينا ------ ينادي بصمت وكن الدمع في عينه ينادي عنه انا يارب السما تعبان وجرحي كبير … انا الاحزان ونصف انسان تعب من خيبة الدنيا ونادى الموت… وقّف ينتظر حيران وعمره يفوت **** قم صحي الاحلام خل نبتدي السهرة خل نسبق الايام آخاف من بكرة يمكن يموت الحلم ياسيدي وللعلم بكرة إذا جانا … وعدّا وخلانا ماترجّعه دعوات أو دمع او آهات ولاترجّعه عبرة هذا العمر .. مرة ----- انا طيبة ومثل اول قوية باس اشيل الهم واتحمّل وفيني قلب يحبك خلف اضلاعي ولو ابطيت مايزعل وفيني جرح مايبرا واوجاعي هي اوجاعي ... لا تسأل حبيبي مابقا داعي ------ يقول الله ياحلمي كبرتي حيل وأرد بحزن انا مازلت بك طفله كبر جرحي كبر حجم الوجع فيني ومرّ الليل طبع فوق القلب قبلة… وخلاني مثل ماخليتني اول حلم غامض بلا تأويل ****** لو كان لي خاطر ... تكفى معي خلك بي حكي متناثر ...لو تجمعه قل لك مشتاق لك بالحيل وبامشيلك بهالليل وان طل نور الشمس جاك وحضن ظلك لاتجرحه يكفيه مجروح ويكابر ----- ونقول مرّ شفناه بالعتمة هنا .. طيفه عبر يلمع مثل نجم السما كنا نظنه حلمنا شايل بجيبه فرحنا كنا نظن وللاسف عدا ولا ناظر بنا معقولة يعني حلمنا شاب وكبر ويعاني من ضعف النظر ***** ياسيدي تحت الصدر غيمة وفا واحساس غير جرب واطرق عاالضلوع تمطر دفا .. وحب وصفا وتقول لك مع هالصبح الله يصبحك بغلا .. وبكل خير |
رد: وطن الحرف والحلم ... مرسى الأحلام ابتسم للصبح خلي البال رايق ……………………………… ما مضا بالأمس عدا لايهمك ينجلي حزنك وهمك في دقايق ……………………………….. لو تصبح كل يوم بوجه امك *** ابتسم للصبح مافي حزن دايم ………………………….. وابتدي صبحك على فنجال قهوة . وصحي محبوبك معاك ان كان نايم ……………………………… .تدري لمات الحبايب حيل حلوة *** ابتسم للصبح مافي حزن باقي ………………………………… بابتسامة تملك قلوب الخلايق انت مسلم طيب الأخلاق راقي ……………………………… عبّر ببسمتك عن هاذي الحقايق ***** ياعمّ صبـّح حلاة الصبح في شوفك …………………………….. يزداد طعمه حلاوة لو علينا تطل . تدري لو انك تضم الكف بكفوفك …………………………… والله لـ ينبت على يدي مزارع فل ****** ياعمّ صبّح عشانك من امس صاحين ………………………… ننطر دوامك متى يبدا وتسري له . خلف الستارة قضينا ليلنا يازين …………………………… لو مر طيفك ورا الشباك نومي له |
رد: وطن الحرف والحلم ... مرسى الأحلام انا ماكنت احسبها صحيح وخانني وقتي …………………………………… اثاري الوقت مايرحم ولايعطي فرص واجد هقيت انه معي يصفا وغيمه دايم يشتي ………………………………… عطيت ومدتي جزلة ولكن هالزمن جاحد ****** اتناثر على خدودالحنين وانحدر واطيح …………………………… مثل دمعه حزن ثكلى تحاول كفكفة ماها متى تهديلها منديلك الوردي عشان تزيح ………………………………… اثرحزن السنين الماضية ودمعٍ تغشاها ****** انا خلقني الله نفسي عزيزة ……………………………………… لاعفت اية شي عفته نهائي يعني الصراحة وبعبارة وجيزة …………………………………… انت الوطن وآنا فقدت انتمائي ******* تبغا الدليل انك معي داخل الروح ………………………………………… تعال فتّش في ضلوعي .. وتلقاك لاتخاف لو يصدفك بي قلب مجروح ………………………………………… جرحي خويي .. جاني بفعل يمناك ******* اللي يحبك كيف يرضا يبكيـك …………… لو كان صادق يفتديك بحياتـه من تطلبه عينيك طايع .. يلبيك…………...هذا الذي والله يسوا غلاتـه ****** ياسيد الاحساس يامنبع الذوق .………… غالي وتبقا لو مضا العمر غالي . لك مبسمٍ لو يلمحه جنس مخلوق ......... يصعب عليه النوم عشرة ليالي ******** كثر الوجع .. واثار سود الليالـي ……………… سرقت لذيذ النوم من عين مغليـك . شوفه تمنا .. ليت حزنه شمالـي …………….. مثله ويوسع كل جرح بأياديـك ******** |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام http://im78.gulfup.com/fU2257.png ياخـوي البرد مايرحم صغـر سـنّي ………………… امانـه ضمنّـي لصدرك ودَفـّيني دبيبـه ينهش ضلوعي واصك سـنّي ……………… وعرق الصبر في صدري نزف فيني رهيـف غطاي ياخـوي واحسّ اني …………………… .نعبت بحيـل من دنيـاي عـَفّيني ماغيـر ايديـك ... ياغـالي ينسّـنّي …………………… ودفـا صدرك عن العالـم يكَـفّيني |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام لو تسمحين لو تسمحين افضفض الحسرة انين ..وابكي على صدرك قهر وانزف على كفوفك حنين من كم سنه وحدي هنا.. لا من طرا لي مامضا اتبعثر وانزف وجع… لين الوجع من حرّ دمعاتي يلين لو تسمحين اتوسد ايدينك وله… واقول وينك من سنين ؟؟ العمر قرب ع الرحيل … بالله لا تتأخرين شفتي الغياب وجمرته احرق ضلوعي من يسار وامتد للضلع اليمين لو تسمحين عودي هنا .. ماباقي غيرك لي انا من يوم راحوا الطيبين تهنا على دروب العمر خطوة قهر وخطوة عنا واللي ارحلوا عن حيّنا ماعاد يشتاقوا لنا بالله لا تتأخرين …… بالله لاتتأخرين احلام |
رد: وطن الحرف والحلم ... مرسى الأحلام مجاراة جميلة بتويتر بيني وبين الشاعر الرائع عبدالله العساف.. اتمنا ان تنال رضاكم ونقلتها هنا للحفظ والذكرى قلت انا… @Ahlaami نموت بصمت مافي حد يبكينا ………………………………… ولا عابر يمر فينا يدق الباب ياعمر الـ راح من قبضة ايادينا ……………………………… كذا نرحل وحيدين وبلا اصحاب @alasaaf2 رسوم أثارهم داخل مآقينا ؟ …………………………… على رغم الدموع اتراود الاهداب لقينا في شواطيهم منافينا ؟ …………………………… نروح وكل بحر لأبوابهم ينساب @Ahlaami يادنيا ليه للفرقا … ..تركتينا …………………………… خذيتيهم ولا همك وجع وعتاب كبير الجرح يادنيا .. تشوفينا ……………………………… لنا موطن ولكن عدّنا اغراب @alasaaf2 سؤالك كم بكت منه اشافينا ؟ ………………………… اذا مرت على بال الحكي الانياب خطاويهم جفت سكة خطاوينا ؟ …………………………. وعلى جال السكك مامرو الغياب @Ahlaami سكك ثكلى بلا وجهة تودينـا …………………………. وشوارع خانت الخطوة بلا اسباب مسافات البعد مبطي العبت فينا …………………………… الين القلب من حزنه عليهم ذاب @alasaaf2 وظلينا هنا ..للاهنا فينا ؟ ……………………………… مداراتٍ تدور ولهفةٍ ترتاب نسا النسيان مامر ابأراضينا ؟ …………………………… وبقا ثغر الحنين لبعدهم يغتاب @Ahlaami هنا وهناك .. وش تنفع امانينا ………………………….. وهذا العمر كم ضيّع لنا احباب نعيش بصمت لو هالصمت يشقينا …………………………… متى عابر حلم يفتح لنا الابواب @alasaaf2 شموع احلامنا اتذوب وليالينا ............................ تصافح طيبنا بنكرانها الماهاب وينطر غيمة الاحلام وادينا ………………… ..ويسيل البعد ..بعد ويزهر الاسهاب وسلامتكم |
رد: وطن الحرف والحلم ... مرسى الأحلام لاتسلني ليه عيني لاحضر طاريك تمطر …………………………… الحزن ضيفي وانا تدري بعيوني حاتمية تنحر الفرح وتعزْمك كل ماعالبال تخطر …………………… ارتكي فيها وتقهوا من سيول الهاشمية ******** عزاه لعيون الـ عشَقْ .. بالليل سهرانه …………………………………… محدن سأل عن حزنهـا واللي نثر ماهـا . هم اتركـوها للسهر والبنـت عشقـانـة …………………………….…… والحين قالوا :" للخلا هالبنت وش جاها" ****** كلٍّ يغني علـى لـيلاه … ياليلـى ……………………………… ويجر من مهجته صوت الوجع وينوح . واللي مفارق وطن ماظنتي يسلى ……………………………… لاصار في غربته ضايع ومابه روح ***** لاتطري الحب .. وانت لعهدنا خاين ………………………………… خله لأهله .. وهم ادرى به وابخص الغدر ماله عذر واضح لنا وباين ……………………………… ماعاد نبكي على من عهدنا ارخص ***** لو كلّ طعنـة بالظهر منها تطيـح !! ………………………………………… ماكنت عشت اللي انكتب لك من عمر تدري طعونك لو يجي الوقت الصحيح ………………………………………… أكبر مُحفّز لجل تـقـوا .. وتستمر ****** ياساقي الورد غابت غيمتك مبطي ………………………………… والورد عمره قصير ويذبل بسرعه . ماعاد هو همنا منهو بنا المخطي ……………………………….. بكرة نحل الخلاف ان كان لك رجعه **** غربة خذتنا بدون دفتر عناوين …………………………….… تاهت خطانا بين زحمة اوادم وحلم الرجوع الـ مات من دون تأبين ………………………………..ماكان له احباب ناخذ عزاهم ******* النوم للي خالي البال مرتاح ……………………………… ماذاق حزن وغدر او بات ضايق ما همته دنياه والحظ ماطاح ……………………………… يحضن لحافه ماشقا بالخلايق ***** سبحان منهو قسَمْ رزقه واعطانا …………………………… من غير حولٍ ولا قوة كثير الخير منهو خلقنا … أبد حاشاه ينسانا …………………………ادعيه دايم عسا يرزقك رزق االطير ****** خايف بعد طول البطا لو لمحتك …………..…………… انسا وجود الناس واركض واضمك واقول اسف لو بصدري جرحتك .............................. هاذي ضلوعٍ ناحلة … لا تهمك ***** وش عذرهم داموا على الارض واحياء ……………………………… .. ليه احرمونا وصلهم واتعبونا حنا فقدنا ناس واوطان واشياء ………..……………………… ياليت مرة نلقا ناس افقدونا ****** أشرق بالدمع واعجز اناديهم …………………………………….. ابيهم يوقفوا لحظة اودعهم وامد خطاي ملهوفة واباريهم ……………………………………..خذوني ماتصل لحدود مسمعهم وذاك القلب المعلق باياديهم ....................................... يبوس ايديهم يحاول يرجعهم ****** واللي رفع بالكون سبع على سبع ………………………………… مااخون عهدن لك قطعته ولو خنت ولو شال قلبك نصف طيبي او الربع ………………………………… ماكنت يوم بعين قلبي .. كذا هنت ******* دخيل الله تخفف طعنك بصدري ……………………………………… ..نزف اخر عرق فيني وصلت الموت . تعبت اداوي جروح القلب وادري ……………………………… .… اذا تشافت يظل غدرك بها منحوت . |
رد: وطن الحرف والحلم ... مرسى الأحلام اذا صامل على الفرقا …. خذ شعوري عشان انساك وخذ عيني اخاف ان رحت ... تستاحش وتتمناك **** وبـ لحالك تلملم باقي آمالك .. ترتبها برفوف الأمس وتطفي الشمس بشمالك تبي تغفا…ونومك ماتهيالك وبـ لحالك… تموت بصمت وترثي حروف أشعارك ولاعابر حلم زارك وتذبل بك الحواس الخمس وتمد ايديك .. لـ ضلوعك … وتغتالك ****** مادامك تعرف الغيرة… وبك احساس علامك تترك الـ حبك يدور من يعوض عنك .. بين الناس!!! ترا القلوب لا اشتاقت … تستاحش من الليل…. ومن الوسواس ****** ودنيا تدور وانا قلبي قلب عصفور صغير الحجم .. لكنه كبير شعور ابد مايحتمل صدمة .. ومجرد كلمة او ضمة تعيث بعشقه المستور تقيـّد له جناحينه… بأماني بور ***** عساه .. يفارقك غالي … وتحس شلون وجع من فارقه غالي … بلا سبّة !! تحس بقيمة احبابك . ... ولو يخطون يعلمك السهر الفراق ياصعبه على ابواب الصبر … توقف سنة مغبون وتدري قلوب احبابك ماهي لعبة ***** صباح الخير … وردّت لي المراية بحزن "صباح النور" وعيني قالت لعيني .. وحشتينا ضحك وجه المرايا … وجاوب البلور افا يااحلام … نحاكي بعض … جنّينا **** ومرونا بدون احساس .. جرحونا وتعدونا وحنا الناس… الـ ياما بكيناهم ... اذاغابوا والـ ياما عذرناهم لو اخطو ولو صابوا خسارة كيف مرونا …… ولا قالو الف لاباس **** انت نايم ..ياعسا نوم العوافي.. ياسعد منهو بحلمك يوم عدّا فدوتن لك.. كل من بالليل غافي وكل ساهر ينظم الشعر ويعدّه في غيابك.. حرمت ضمة لحافي لجل ماازاحم طيوفك ع المخدة **** وغني لي ... هدوء الليل يزعحني احس الذكريات تصير اوادم ….تعبث بليلي واحس الدمع يحرجني واكفكفه بمناديلي غني لي … وعلى جرة مواويلك احس الليل .. يدّ تطبطب على صدري وتدعي لي **** تعبت انطر ... ورا شباك ذكرانا ابيك تمر وترمي لي… صباح الخير كالعادة يردّ القلب… قرب لي.. بقولك سر صباحي انت مشتاقة ... كثر هالدنيا وزيادة ***** هات يدك .. دفي احساسي بدفاها من زمان احلم بلمسة… من يدينك ياحلااااااااها **** هات صوتك تدري بصمتك اضيع وقول أسمي .. لجل يسري في عروقي الف معنى للربيع ****** واسمع يدّ تدق الباب واقول الله يسعدهم ... لفوا احباب اقوم افتحلهم بابي واحضنهم والا مـ افتحه ... كنّي مخاصمهم واسابق خطوتي والقا ..الهوا حرك غصن طايح ودق الباب احلام |
رد: وطن الحرف والحلم ... مرسى الأحلام كلمتك كالسيف تعكس للبشر نوع احترامك ارتقي بالقول .. تفلح ماعلى الجاهل ملاما مسلميـن اخلاقهم تظهـر اذا ردّوا كـلامك لو يخاطبهم سفيهآ … مروا وقالوا سلامـا ***** حسافة مابقا صاحب يايمة من بعد عينك يجي ويمسح دمع عيني وبأحضانه يدفيني . كثير الناس من حولي ولكن ياالغلا وينك عليم الله لو مليون غيرك… مايكفيني ***** ليت الدروب اللي خذتهم قريبة واسج رجلي كل ما اشتقت لقياك ياعونة الله من يفارق حبيبه وشلون يقوا نار شوقه وذكراك **** ماسمعتك عيدها الفين مرة وكل مرة مااسمعك واقول عيد . قول احبك قولها يكفيك شره حب غيري من قريب ومن بعيد *** يصير اهواك ماأسأل وش التالي !! وهل عشقك مباح ومايجيب ذنوب . واظل اسأل واجاوب حالي لحالي ولو به ذنب ماظني انا بااااتوب **** تمر ببال احلامي .. و تحيـّرني وامثل مع وجودك لعبة التطنيش . تعبت بحيل من ذكراك .. حررني ابي أنساك و أنساني عشان نعيش **** حب الوطن ماهو مجرد مظاهر رقص وقصايد بالشوارع وتفحيط . الحب روح وصدق واحساس،طاهر ينبع كذا من قلب من دون تخطيط ****** تكسر بيوت الشعر … كلـّن يهلل كلـّن يقول الله ، هالروح صحـّت ان غردت الفين "جاهل" يطبـّل وشلون لو احيان غلطت وكحـّت **** كثر ما منكسر فيني حلم واحباب كثر ما قلت من قلبي مسامحهم . انا خاطر من الـ بكرة ابد ماطاب يجون احباب مثل اول واصافحهم ***** ان كان همك ياهوا البال مشقيك عادي ياغالي لو تجيبه لصدري . فدوة لهمـّك صدر منهو يحاتيك بدري عليك الهـّم ياشوق بدري ***** لاتقول رايح صاروا الناس بالليل ماتدري ان الليل "ستر العشاشيق" . لاتخاف حكي الناس والقال والقيل محدن يشوفك وانت بين المعاليق احلام |
رد: وطن الحرف والحلم ... مرسى الأحلام http://im84.gulfup.com/GVRb4t.png احيان ... ينبت من حنيني " فم " ……………………… أبكـم وحلقي مابقـا به صـوت يمـه .. واجفـل مابقا لي " أم " …………………… واشرق بدمعي واعترض عالموت اصرخ وادفـن فـ الحنايـا " هم " ……………………… واموت فينـي … والصبر تابوت يمه ويجاوبني الفراق " بـ سم " ………………………. وآجوع شوفك والمواجع قـوت |
رد: وطن الحرف والحلم ... مرسى الأحلام وجاي الحين تـسألني نسيتيني !! ………………………………… انا تنسانـي الدنيا ،، اذا انسـاك جبرني الوقت ،،وش يطلع بيديني ……………………………….. اعيش العمر مع غيرك .. واتمناك ****** عذري معي اني كسيرة جناحين ……………………………… انثى تأجَّـل كل حلمي لـ بكـرة كل امنياتي تركن برفّ "بعدين" …………………………… تطلع عليها الشمس وتعيش مـرة **** ان كنت رايح لا أوصيك فيني ……………………………….. احزم خفوقي في حقيبة وسافر . اخاف بعدك مـ يتحمـّل حنيني …………………………….. يموت فيني شوق والشوق كافـر ****** من قال مايعطيك منهو فقد شي !! …………………………… هـذا انـا فاقـد احبك… "واحبـّك" . مادمت انت بخير عايش معي وحي ………………………… باقي الامور تهون .. خلها "لـ ربّك" **** ويجيبني شـوقـي لبابـك واعاتبـك ……………………………… وينك .. تعبت بحيل من يوم اقفيت ؟ وش جابك بهاالليل ؟؟ تسأل وأجاوبك ……………………………… .لولا غلاتـك ماتعبـت .. وتعنيـت !! ***** محتاجة قبلة تهدي القلب لاضاع …………………………………… لو طال دربـه او تعثر مسيره قربت شبري ارتجي مدة ذراع ………………………………….. من لدن رب الامنيات الكسيره ***** . يشاغبني ويسألني وش اللي يعجبك فيني ……………………………… انا يعجبني احساسك وجودك روعتك زينك سكوتك بسمتك روحك وصوتك لو تناديني …………………………….. صراحة كل مابك "غير" من راسك لرجلينك ***** ابكي عليهم لين تذبل عيونك ……………………………….. نادي عليهم .. لو بهم حي يسمع لو لك غلا بالقلب مايتركونك ……………………………….. واللي يحبك صدْق لابدّ .. يرجع ****** ماهز ضلع الوجع الا قصيدة شوق ………………………………… جابت طواري غلاك وبيحت سدي واللي خلقني انا من غيبتك مخنوق ………………………………… وهاذي المواجع ابد ماهي على قدّي احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام اقتباس:
شكررآ يانقاء تشرفت بهذا المرور الفاخر دعواتي |
رد: وطن الحرف والحلم ... مرسى الأحلام سكر ابواب الحنين وطفي الذكرى ونام ……………………………………… مابقا للشعر حيل يضمك ويسهر معك مانفع معك البكا وشلون ينفعك الكلام ……………………………….. وفر احساس القصايد ما بهم من يسمعك ***** لاتسأل الحزن وش جابك على ابوابي ………………………………… يمكن سؤالك يبكّيـك… ويبكّـينـي من غبت عني وانا محتاجة احبابـي ……………………………… والحزن .. ياما لعب ياصاحبي فيني ****** روحٍ ، ، وريحان .. بالجنة ياريحانة ……………………………………… نلتي الشهادة وفزتي بجنة الرضوان يخسا المجوسي اذا يحسبك خسرانة …………………………………… انتي كسبتي شرف ماتملكه ايران #ريحانة_جباري ****** دايم احس اني كسيرة جناحين ………………………………… انثى و تأجَّـل كل حلمي لـ بكـرة كل امنياتي تركن برفّ "بعدين" ……………………………….. تطلع عليها الشمس وتعيش مرة ***** تبي تعشق ويسكن بـ الصدر انسان …………………………………..تبي تنسا لأن الآدمي نسـايّ واذا مريت دربي او ذكرت الـ كان ……………………………...... تحمل تلتفت يمي وتزيد بكـاي ****** بالصوت انادي تعالوا ... مابقا بدري ………………………………… وادري سمعتوا ولكن مابكم احساس تدرون وشهو سبب احزاني وقهري ………………………………… ان المحبة "قدر" تقسم لناس وناس **** كل تنهيدة تجي لو نفتح البوم الصور ………………………… موجعه بالحيل تسلب كل صبر واحتمال في صورهم عمر ضاع وعمر مايرضا يمر ………………………… جامدة وتنبض حياة و مشرقة بلون الظلال ***** يالله عسا تدور الليالي ونلقاك ……………………………… نفس الحبيب اللي عشقنا طباعه ماغيـّرك مرّة زمانك ... ونسّـاك ………………........…. من يفقدك وان غبت لو ربع ساعه ****** صوتك قصيدة عشق وحروفها توت …………………………….... وانا علي اذوق ..حبـّه بحبـّه ان ماخذاك الصوت والشعر للموت ……………………………….. لاعاد تكتب شعر لجل الـ تحبّه **** صاحبي لاتقطع بحبل المواصل او تشد ………………………………… الوسط لو هو دخل في اي امرٍ زيّـنه كل شي زاد عن حده ترا يقلب لضد ……………………………….. وان عشقت بيوم افصح عن شعورك بيّـنه **** من راح عنّا جعل دربه سهالات ………………………………… بكرة يدور الوقت ننسى جنابـه من فضل ربي قد نسينا الذي مات ………………………………… واللي رحل لبعيد وابطا غيابـه ******** خايف يجيني يوم وأنسى ملامحك …………………………………… واقول اذكر كااااان اول حبيبي!! طال الغياب بحيل الله يسامحك ………………………………….. لين الغريب اليوم اصبح نصيبي **** يالله ترزق صاحبن ... كنت اغليه ………………………………………… عفو وشفاعة يوم نصب الموازين وقبرن يضمّه ياعسا الغيم يسقيه ……………………………………… وتنبت على تربته ورد ، ورياحين **** من منطلق حنا حبايب من سنين …………………………………….. جيت اعتذر لك عن صدودك بدالك مادام حنا قلب ♥ مقسوم لاثنين ……………………………….. سوّي ياغالي ماتبيه وبدا ... لك ****** حنا اللي ضيعنا العمر بين الصور بين الورق ……………………………… .. نكذب ونعرف هالكذب زي العمر حبله قصير نكتب شعر نوصف وجع والقلب بالشوق احترق ……………………………… نفرق بأنـّا لـو كتبنا مايكون ... إلا لـ خيـر **** عايش بجوّه وأنا جوّي مطر ورعود ……………………………………… يغفا وعيني طوال الليل .. سهرانة اللي أحبه ولا كنّه معي موجود ……………………………………… خلّه يولّي ولا أزعل على شانه ****** من كفوف الشوق خذني ولمني ………………………………… شوفني في غيبتك مملي جروح لاتظن الوصل وحده .. همني ……………………………………. كل همي بعد وصلك لاتروح **** لاتشكي اسرارك ترا الليل فضاح ………………………………… ينبش خفاك ويبني منّه قصيـدة واللي يعد الشعر وشلون يرتاح ………………………………… مادام طاري من يحبّ بـ جديـده ***** الله يسامح غيبتك ذاب القلب منها ………………………………… توجع ضلوعي والصدر ملهوف يحضنها لو يوم مريت بحلم تعال صحيني ………………………………… ودي اعاتب غيبتك واحكي معك عنها ****** كم لي اقول العمر مرة… ابيكم ……………………………… اخاف لو هالعمر يرحل بلاكم قولوا تعال .. ومن عيوني اجيكم ……………………………… قولوا نحبك جعل روحي فداكم ****** لاتقول كيف الحال وانت ادرا بالحال …………………………………… ماني بطيب ان بغيت الاجابة احلام ثكلى ومابها شي ينقال …………………………………… وايام تمضي في هدوء ورتابة |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام كلهم راحوا وانــا باقي بمكاني ……………………………… أحضن الذكرى وله وابكي عليها هو وجع ذاك الذي دكّ المحاني ……………………………… أو أثر خيبة عمر .. تبـّت يديها ياغياب اللي رحل ما ردّ ثانـي ……………………………… وين فيه دروبك وانا أجـيها !! من رحلت توقّف حساب الثواني …………………………… والزمان يبيع فيهـا .. ويشتريها ياغريب الروح لو مثلي تعانـي ……………………………… تعرف ان الروح لو باحت حكيها قالت ان الحلم مثل العمر فانـي ……………………………… ليه روحي تحلم بمن يحتويها !! ياغريب الروح ..لاتبكي عشاني …………………………….. وفـّر دموعـك لصدمـة تحتريها مابقا لأهل الوفا غير الاماني ……………………………… اودعوا (احبابهم) في راحتيها" وكل ذكرى عاثت بصبر المحاني ……………………………… ماأبيهـا ... ماأبيهـا ... ماأبيهـا . احلام مؤجلة |
رد: وطن الحرف والحلم ... مرسى الأحلام http://im61.gulfup.com/u4VdQJ.png ابسأل بس واتطمن عسا قلبك معك طيب! ! لقيت احباب بالغربه يعوضونك عن احبابك لقيت ببعدي الراحة و شـخصٍ مثلي حبيـّب ينسـيك الوجـع والهم ... مايبكي من غيابـك ابسأل كيفها الدنيا عسا فرحك بها قريـّب!! تباشـير الفـرح دايم تجي ... وتدق ابـوابـك وبدعيلك اله الكون عن درب الشقا تجنّب ولا قلبك تعنّا يوم ... اوضـيم الزمـن نابـك |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام نادي المنادي بصوت الحزن والخيبة .................................... هذا قطار الرحيل اللي حجزتوا به الدرب هم ووجع والسكّـة تغريبـه .................................. والعمر شنطة سفر والوجهة مكتوبـه هذا مفارق وطـن وأحلامه بجيبـه ..........................................يحلم يلاقي وطن يقبله بعيوبـه وهذا يشيل الوجع بالليل يسري بـه ...................................... وهذا مفارق اهل واحبـاب غدروبه ياقلب مرّ العمر وش عاد ترجي به ...................................... اسلك سبيل الصبر لو طالت دروبـه منهو جرحـْنا ورحل من يقدر يجيبه ...........................................لاحلّل الله غيابه او محـا ذنوبـه هذا قطار العمر صرّت دواليبـه ........................................غادر رصيف اللقا واحباب مروا بـه سبحان من سخَّره والريح تجري به ..................................... العمر سكـّة سفر والخطـوة محسوبـه احـ مؤجلة ـلام |
رد: وطن الحرف والحلم ... مرسى الأحلام تمد الارض يديها لصـدر الغيم ولهانـه ....................................... بديع الجو في عرعر والنسمة شمالية عطاشى عروقنت ونحلم بغيم يجود هتانه .........................................اذا لاح بسما هالليل .. للامطار مارية ****** لو غبت عنا رغم انفك ومجبـور ............................... حنـّا على عهد الوفـا محترينـك وان غبت ناسي والا بابع ومغرور .............................. غيب بحريقة .. مانشدناك وينـك ***** ابسأل بس واتطمن عسا قلبك معك طيب ........................................ لقيت احباب بالغربه يعوضونك عن احبابك لقيت ببعدي الراحة وشخصٍ مثلي حبيـّب .......................................... ينسيك الوجع والهم مايبكي من غيابـك ابسأل كيفها الدنيا عسا فرحك بها قريـّب ............................................. تباشير السعد دايم تجي وتدق ابوابك وبدعيلك اله الكون عن درب الشقا تجنّب ............................................... ولا قلبك تعنا يوم اوضيم الزمن نابك ****** أسألك باللـه لو طـاااال الغيـاب ........................................من يلـمّ جروح احبابـك هناا !!!! لـو فتحت لحلم وصلك اي بـاااب ............................................كلّ بـاب بمدخلـه هـمّ وعـنـااا مابقـا بالروح للفرحة حسـاااب ...............................................نمش ي بطوع الزمـن " الله لنا ****** ما فـاز غير مكبرين الوسايد ......................... ناموا وخلوا للخلايق عناها مافكروا بالشوق ناقص وزايد ....................... ولاهمهم الايام واللي وراها وعندي السهر بالليل اصبح عوايد .................. والعين شح النوم فيها وجفاها ياللي سهرت الليل والشوق كايد .......................ارحم عيونك لايتزايد عماها ***** ادري كبرت سنين من يوم غابوا .................................ومرايتي من امس فيها .. تجاعيد مدري سواد الشعر والليل شابوا .................................. والا المراية .. خرفت جابت العيد **** افكر فيـك .. اي والله افكر فيـك ..................................... وش اللي يشغل التفكير غير " أنتـا " تقول اجيك ما . .توفي ..لمن اشكيك ! .......................................حبيبك عالوعد ناطر تجـي .. إيمـتـا ؟ ****** من ليلة امبارح كان الوله يركم .........................................داخل سما روحي غيمات مطارة لو حرك الذكرى طاري حكا عنكم ....................................... طاحت من عيوني كم غيمة منهارة ***** لي الله من بعد عينك تعبني شوقي وحزني .......................................... دموعي مانشفت ليلة ولا نفعت مناديلي بكيت كثير وادري الدمع ماينفع ولا يغني ........................................ عن اللي لجلهم ابكي مساي وصبحي وليلي احـ مؤجلة ـلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام بيتين ..لي ورد عليه الشساعر الصديق متعب المنيعي .. صح لسانه. قلت : تقول انك تبي ترجع ومر العمر متى موعد رجوعك وآنا انتظره وقفت بباب اوطان الوله والصبر الين الصبر ملّ بحيل من صبره قال : رجعت وكان طعم الانتظار المر على بابك طرقت وجاوبت نبره توكل روح لاترجع خلاص الجمر كلى الموعد ولاباقي سوى العبره" قلت : رحلت وكن حلمي بك ابد مامر رجعت بخيبتي واحلام منكسره ولا باقي سوا ذكرى وحنين وشعر اعيشه والأمل يمكن تجي بكرة !! احـ مؤجلة ـلام |
رد: وطن الحرف والحلم ... مرسى الأحلام عدّي على درب العشق مشتاقة لوجـودك ..................................... عندي حكي في خاطري وأبغاك تسمعني . كل يوم اشعل شمعة الأحلام ووعودك ........................................ما قلت لك ليل الحلم ماعاد ينفعـني! ! **** ياليت لو كلمة اسف تقدر تخيط الجرح ................................يمدي جرح قلبي برى من كثرة اعذاري . خلك على صمتك .. أنا مليت كثر الشرح .................................قصيت جنحان الحكي واطلقت اشعاري . ***** ياخي عادي لو طلبت الروح ترخص .......................................لايردك لو تببيها الا ..... لسـانك وان خذيت الروح مني وش بـ ينقص ......................................هي خلقها الله في صدري {عشانك} ***** تعالوا مابقا فيني صبر ..يتحمل الفرقا ...................................... ولاعاد الصدر قادر يشيل يشيل احزانه لوحده . عيون القلب من رحتوا تهلّ وبالدمع غرقا ......................................... أخاوي الليل والهقـوة تجيب القلب وتـرده ***** وشلون لو هالشوق زارك بهالليل ................................... وانتا بديرة والحبايب بديرة ماينفع الجوال والا المراسيل .................................والشوق زايد والاماني كثيرة مالك جدا ماغير جر المواويل .................................. واحزان ترثع بالقصيد وتثيره **** حطوا على باب المواجع علامة ...................................... وقالوا هنا مسكنك اخطي بيمينك . قلت السلام وردّ مامن سلامة ......................................... مادمت ذقت العشق الله يعينك ***** موعد رجوعه مضا ياعيني ارتاحي .................................... كم لك وانتي على هالحال سهرانه بـ آلم شعري وحلم القلب وجراحي ................................... واحضن وسادة بسيل الدمع غرقانه ماعاد يا هالحزن غيري بشر صاحي ......................................... كلن لقاله وليف ينام بأحضانـه وانا أضمّ البرد والليل ووشاحي ........................................وآهيم خلف الأمل وآدق بيبانـه **** من اولها فقدتك قبل ماألقاك .............................. يااغلى الناس ماابخل مواصيلك تعبت غياب لك أشتاق واتحراك ............................... ولاجيت بحلـمْ او جت مراسيلك ***** تعاهدنا اناوالليل نتخاوى مدى الأيام ...........................ومن خان العهد منا عسا أيامه تخونه وعدني مايجي إلا وجيبه منترس أحلام ......................وعدته أكتب أشعار الغزل ولشوق لعيونه ***** يمسي علينا المسا وإحْنا مثل مااحْنا .................................برده يزيد الوجع ... والهم متكاثـر ذكرى تعدي بنا .. وذكرى تمرجحنا ............................... .. وطيوف تعبر بنـا وتضيق الخاطـر ***** يالايمين القلب بالهون بالهون .................................... قلبي ضعيف ومايتحمل ملامه مرت ثمان سنين والقلب مطعون .....................................وجرحه تزايد لين وصّل عظامه ****** اليوم ذكرى عيد مولد جروحي .................................. تمّت ثمان سنين الفين مبرووووك اشعلت شمعي والقصايد وبوحي .....................................وارسلتهم لعتاب بابك يهنّـووووك **** ألتجي لك ياإلهي قلب متعبته ذنوبه ..................................... ينحني لك لين ترضا عرق عرق وضلع ضلع جيت بابك لاترده جيت ذنب وجيت توبة .....................................خطوة امشيها بخوف وخطوة امشيها بدمع ***** اللي خلق لك قلب قادر يخليه ................................... كله حنان واهتمام ومشاعر نظرة تجيبه مثل ماهي توديه ................................ونظرة تجيب اقصاه ويصير شاعر احـ مؤجلة ـلام |
رد: وطن الحرف والحلم ... مرسى الأحلام http://im76.gulfup.com/XMTGYU.png بليل الشتا .. مابيننا اي اختلاف انتَ يضمك صدرها وانا يضمْ صدري لحاف ماعلى قلبك عتاب ولا على قلبي خلاف احـ مؤجلة ـلام |
رد: وطن الحرف والحلم ... مرسى الأحلام فرشت لك صدري غلا يامدور الراحة .......................... واخترت ... تتغلا علي وقلبك تمنـّه ماتدري ذنوب البشر اولها { تفاحة } ............................يغريك شيطانك بها .. وتفارق الجنة ***** جيت ابيك بسالفة ..بس مالقيتك ...........................وين اروح ان غبت اكثر ... وين اروح . كم ندهت .. ورد صوتي باب بيتك ..............................كلهم راحوا .. متى ناوي ترووووح . ***** قالوا بكيت من الوله يوم غبنا !! ............................. وقالـوا سألت النـاس عنـّا ودورت الحين جاي الحين .. الحين شبنا .............................. وينـك من اول ماسـألت وتذكرت **** لو جف نبع الحنان بصدرك وكانت ............................... كف المواصل عن المدّات مبتوره ماجف فيني أمل لقياك او هانت ............................... ذيك الليالي عسا ذكراها ممطوره ***** تبغا الصراحة .. همومي كفت ووفـّت ................................ ماني بـ ناقص فـراق يزوّد همـومي كل المشـاعر جفاها غيمك .. وجفـّت .............................. حسبي عليه الهجر طال وسرق نومي **** وتقول عادي سحابة صيف وتعدي .................................. يابـُعد صيفك علينا .. والشتا تـوه تسري السحابة .. بعيد وعيت تهدي ............................... لا شفت صيفك .. ولا قلبي صفا جوّه ****** ويقـول لبـّـا .. وانا كلـّي فـدا لبـّـا ................................ تاخذ خفوقي ومن سجن الضلوع يطير يحتـااااار وردي على أيْ خـدّ يتخبـا !! ...................................ياقلبي افرح .. وكل لبـا وانت بخيـر **** جابني كثر الحنين وجيت سـاري ...................................... افتح ابواب الضلوع وقول اهـلا غربتي طالت وانا مشتـاقة داري .......................................بين ضلعينك .. حياه وعمـر احلا ***** كلن يغني على" ليلاه " باشعاره ............................... يابلشـة الشـعر من ليلي وعمـايلـها لو طاب نومه وغطا الجرح بـ وزاره ............................. تشعـل حروفـه جمـر لحظة ..تمايـلـها احـ مؤجلة ـلام |
رد: وطن الحرف والحلم ... مرسى الأحلام يطربني الشعر لاصار الحرف راقـي .................................. نابع من احساس شاعر يكتب شعوره الحرف نبتة وكلْ شـاعر لها ساقـي ............................... .... لافاح طيبـه يثيـر احساس جمهـوره ***** الصبح اطلق من الاضلاع عصفـوره .................................. غنى لشمسه " صباح الخير ياجارة " قومي *ياسلمى" معاهم كملي الصوره .................................شوفك اماني بلون الصبح .. وبشارة ****** يسعد صباحك اشرقت شمس كانون ..................................... رغم الشتا والبرد ترسل دفاها سبحان منهو سخر الشمس بـ الكون ...................................... تجري بتقدير الإلـّه لـ مداهـا ***** خرافية صباح الخير من فمك خرافيـة ........................... اذا مالمست الشفة كذا بغنج ومزاجيّة يصير الجو من حولي قصايد شعر موزونه ..........................تغنيها السما والشمس تحضنها بشفافية ******* صباح الخير ياما ناس قالو لي صباح الخير .............................. ولكن من بهم مثلك بكل الحب ينطقها صباحي غير يادنيا لها طعم بوجودك غير ..........................صباحي ابتسامة حب من مبسمك مشرقها ******* احبك كثر ماتشرق بصبحي كل يوم الشمس ............................. واحبك كثر مايطري على بال الغريب اهله كثر مامر في عمري احاسيس بحواسي الخمس ...............................كثر مااعذرك وآقول مايبطي وعلى مهله ******* واحكيلي عن اللي صار بغيابي وكذا قساك .................................... كذافجأة نسيت بغيبتي عنك تفاصيلي اجيك بكل اشواق الغلا مغرم بك والقاك ................................ تصدّ بوجهك وتبعد ووجه الهجر يومي لي ****** غني عتابا ، او هجيني ، ومواويل .................................... ماتفرق الألحان .. صوتك منايـا غني يذوب احساس ليل التعاليل ..................................... وآذوب مثل الشمع وانته معايـا ***** صاروا جميع الناس ياناس شعّار .................................. ونقاد مايدرون معنى الصحافة . الله يعز الشعر بأقلامهم صار .................................... حوسة كلام وابتذال وسخافـة *** ان كان مدة يدينك .. بالغلا تبخل .................................. باامد يد الوصال ومااتبع ظروفي مليت اغفر خطا الاحباب واتوسل ................................ تصدْق وعودك ولو مرة معي توفي ***** للحين نايم وانا اللي ماغمض جفني ................................. الله يسامح عيونك ... خانت عيوني تدري بجرحي وحجم اشواقي وحزني ................................وشلون ترضى تنام الليل من دوني !! ***** منهو قدر يامشغل البال يشغلك ..................................وابكا عيونك مثل مـ احنـا بكينـاك هاك الكلام اللي يْتعدا ويوصلـك ...................................لو باقي فينا { قلب } كنـّا عطيناك ****** لاتشكتون الليل. . ياما شكوه احباب ............................... الليل مابه حيل .. يحمل ذنب وعتاب الذنب ذنب الناس لو فارقوا هالناس ............................. وذاك الوفا والحب غادر مع اللي غاب ***** مشتاقة لك شوق اليتيم اللي فقد امـّه .............................. ماعاد له بين البشر من يرتمـي بحضنـه لا مر به ليل الشتا ومحـدن معه ضمـّه ................................ ماخاف من برده ابد .. خايف لهب حزنه احـ مؤجلة ـلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام حين تضيع منا أجمل اﻷحﻼم,,,,, وتتسرب أمانينا من بين أصابعنا ﻻنستطيع امساكها أو الحيلولت دون انقضاءها ببطئ ممل وروتين قاتل حين يتساوى لديناا الفرح والحرن ,,,,,, ويصبح النهار امتدادا لليل يشبهه باهت المﻼمح .... جامد القسمات ..... قاتم كئيب حينها ندرك بأن تلك الصور التي تعكسها مرأتنا ليست سوى قشرة تغلف جسدا أجوف قد فارقته روحه ...... وأحشائه الى مكان مجهول وقد صبغ اﻷلم لونه وأستل الدمع عيناه ليضع مكانهما حفرتين من وجع ﻻنور لهما وﻻحياة ونعرف حينها بأن العابرين بقربنا لم تغريهم وجوهنا المفزعة على اﻻلتفات .. ومدنا بعبارات العزاء ولم تدفعهم طيبة القلب التي ماتت على ارصفة المصالح واﻷنا للسؤال عن احوالنا أو الدعاء لنا .. لنبقى كما تعودنا أن نكون ,,,,,, وجوها مازالت تنظر في المرايا لتلعن حظها بصمت كلما لمحت شبح الدمع ,,,,,, والتجاعيد |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام تمرنا لحظات ضعف لحظات حيرة نتسائل هل مايحدث حقيقة أم أن اليأس قد بدأ يصور لنا خيالات لانعي كنهها تنتابني هذه اللحظة موجة مشاعر أعجز عن وصفها أو صياغتها في كلمات رغم أني أعيش بالكلمات فحين اكتب نثرآ تتدفق مفرداتي كالسيل وحين أكتب شعرآ تهطل تعابيري كالمطر وحين أريد أن احدثك وابثك احلامي تتحشرج الحروف في حنجرتي وتتعقد حبالي الصوتية يتوقف الهواء عن التدفق من مجرى التنفس فتختنق حروفي وتخر صريعة قبل أن تصل لساني فأنااا أمرأة تحترف الكلمات وانت رجل تموت بحضرته الكلمات أحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام تجي*نكفر بقانون البشر ,,,, ونطير* تجي نعلن تمردنا !!!!! ونعلن لحظة التغييــــر تجي*ننسا* هذاااااااااااااااااك العالم بكبره ولانهتم ,,,, وخلّي اللي يصير* / / / يصيــــر تجي*نعلن* ولادة طفلنا الأول* بدنيـــا ,,,, غير* وبقدومه ,,,, عســـــا هالحظ يتحول ؟؟ قدوم الخيـــــــــر تجي*نحلم ,,, بأنــّــا نطيـــــر بلا خــــوف وبلا تبريــــر |
| الساعة الآن 07:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011