|
رد: وطن الحرف والحلم ... مرسى الأحلام http://im48.gulfup.com/HvdUlT.jpg من يشيلك اذا ماطحت عن حيلك ومن يشعل شمع عمره يضويلك ماغير الصاحب الوافي برغم اشغاله وهمه ولو قصر بوصلك يوم بظهر الغيب يدعيلك احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
ياعين لاتبكين ياعيـن لاتبكين هاذي مقاديـر .................. قسمـة ياعين وقدّر الله علينـا حنـّا بهالـدنيا مجرد مسـايير ............... فرقا الغوالي شي ماهو بيدينـا من كان حيٍ له ندّور معاذير .................. يمكن مع الايـّام يذكـر يجينـا واللي يموت وما لوصله مشاوير ................... نصـبر ولكن ما لذكره نسينـا احلام |
رد: وطن الحرف والحلم ... مرسى الأحلام الجروح اللي فتقـها الليل تنزف ...................... والسهر يشرب دمـاي ويرتويها من يمد كفوف للرحمة و يعطف ...................... ياخـذ جروحـي ويرحل مااابيهـا من يلمّ الموت بإيدينـه ويحلـف ........................مايخلـّي بي جروح ابكي عليها شفت كيف الهمّ يسكنني ويتلف .......................روح روحي لين تصفق راحتيهـا احلام |
رد: وطن الحرف والحلم ... مرسى الأحلام ياالله تمسّي مالك القلب .. بالنور مقبل ومقفي جعل دربه تساهيل ان كان قصر مابها شـكّ معذوور بكرة يتذكر .. والعوض بالمقابيل **** في القلب غصة تستثير المواجع مرت سنين وماتشافـى اثرها !! مادام منهو راح .. ماهو بـ راجع ليه انتمسـّك بالحياة وكدرهـا ؟؟ **** اذا ماصحت من قهري يارب تهون من اللي يجاوب لصوتي يقول آمين يارب الناس ودّعنا أمانينا بكاف ونون عسا نقضي العمر يالله مرتاحين ***** غابوا حبايب من حياتـي كثيـرين وانتي الحبيبة ليه غبتي معاهم !! ادعي على الفراق ويـردّ .. آآميـن باقي صورهم ، والحنين ، وغلاهم **** ليت الاماني تجي مرة على الهقوة ونعيش تالي العمر أفراح ويـّاكم وليت العيون الـ جفتها لذة الغفوة لامرّ فيها نعـَس .. تحلم بملقاكم ****** ماعاد صدر الشمالي يوسع الضيقة ياقلب يكفي تجيب لضيقتك اعذار راحت سنينك وحلمك صعب تحقيقه ما جاك غايب ولا مـرّ الحلم زوّار احلام |
رد: وطن الحرف والحلم ... مرسى الأحلام اسم أحلام مؤجلة اذا ذكر هذا الاسم يحضر الابداع الرقي الاحساس تركيبه راقية من صفات مميزه نادره دائمأ ذواقه في الحروف لك احترامي وتقدير |
رد: وطن الحرف والحلم ... مرسى الأحلام اقتباس:
شكرآ من القلب فما نثرته بصفحتي ليست مجرد كلمات بل هي زهور انتشى القلب بعبيرها .. وشذاها تحياتي ياعطر اسعدني ثواجدك دمت وسلمت |
رد: وطن الحرف والحلم ... مرسى الأحلام ناموا وخلونا سهارى ،، مجاريح .......................... الله يسامح ماخذونا بحضنـْهـم ياحضن يشبه حضن ذيك المراجيح ........................ وقت الطفولة وش كثر مرجحتهم راحو اتركونا مواجه الشمس والريح ........................ وسود الليالي ماارحمتنا وخذتهم احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام وش تذكرين يااختي ياللي تشبهين صورة لوجهي من سنين وش تذكرين غير الوجع .. وغبار درب الراحلين ودموع في عيني اليسار واحزان في عيني اليمين وش تذكرين راحوا وماتوا الطيبين ماعاد في باقي وفا وشح الدفا .. وحتى الشتا من بعد غيبتهم سكن قلبي سنين وانا هنا اكتب شعر .. للغايبين **** انت غني وانا اسمع وانتثر مابين صوتك واللحن ودي اجن واقول لك يخرب بيت اللي عشق ان ماعشق مثلك بشر صوته مطر ... حضنه وطن ويخرب بيوتك ياشعر *** عندك خبر كل الاماني بغيبتك ماتت زمان ومابين ضلعيني لها حفْرت قبر **** وش علينا دام كل الناس تنسا ومن نوده مايهمه الانفسه ليه نبكي وليه نشكي والزمن طبعه اناني خلنا مثل الاوادم مانحب ولانعاني وش علينا دامهم خلوا يدينا لو نخون وحيل نقسا صباحي انت لا اكثر.. صباحي معك يتغير يصير اشهى يصير انقى يصير احلى من السكر واحلى من خربشة طفلة حبت طفل بالروضة ورسمت قلب بالدفتر ***** صباح الليل ياهووو ليل زاد الهم صباح اوجاع عيت من امس تلتم صباح الساهر المغرم ولايدري متى يغفا ولا الساعة تتكتك من وجع والا تشكي ياعمر بك ،،كم ؟؟ *** لا تضيق لو خذلك الناس وأخلفت الطريق كل درب وله بداية وكل هم وله نهاية ووسط همك مد يدك .. وقول محتاح لوجودي وابشر بأوفى صديق **** تدري وش اسباب موتي كل ما مريت يمّي دارت الدنيا ومالت واختنق بالحلق صوتي وهاج دمي ليه ماتفهم سكوتي مرة وتقرب لصدري تحضنه حيل وتسمّي ****** احلام |
رد: وطن الحرف والحلم ... مرسى الأحلام قلت انا بعض الابيات ورد عليها الشاعر محمد ابراهيم آل ميليد وكانت ابيات جميلة تتابعت ثم انتهت صح لسانك ايها الشاعر احلام ياحـيّ صـوتـه يحيي الروح فينـي لو قال "مرحب" جاب قلبي من اقصاه وان قال لي .. لبيـه ياماي عينـي ذابت عروقـي من دفـا همسـة شفاه ياليتنـي لو يـوم خـذته بيدينـي واعلّمه هاالشـوق وشهي سوايـاه !! ويذوب قلبي من هـواه وحنينـي اللـه ماأحـلى نكهـة الحـب .. ويـاه محمد ابراهيم نغمات صوته سر بيني وبيني ودي اصيح وصوت ليلي فلا امداه دمع الفراق ودم قلبي هجيني مدري دموعي تشفي الجرح ودواه احلام الشمس تشرق لو اشوفه بعيني والعمر يكمل في مقابل محياه منية خفوقي لو يحن ويجيني يسعد حياتي في حضوره ولقياه محمد ابراهيم يامنيتي ياغايتي ياضنيني سر الهوى في بير والخافق غطاه لو راد غيرك بالهوى يغتويني كسرت مجدافه وعثرت بخطاه احلام ياكبر حظي لاانكتب في جبيني هذا حبيب القلب واللي تمناه اشهد بان العمر قربه يزيني واشهد بان القلب مخلوق لرضاه محمد ابراهيم بيحت لك سدي وابيح كنيني انت الحبيب اللي فلا غيرك اهواه ما ابيك تسمع زفرتي مع ونيني بعدك عذاب ن قطع القلب وشواه |
رد: وطن الحرف والحلم ... مرسى الأحلام آذوب وجـد وآتبخر من الشـوق .............................. واصعد سما الاحلام مثل السحابه ويحين وقت البوح بالليل و يروق .............................. أهطل مع الابيات شعر ، وعتابه اعبـر حدود الحلم و آامر برفـوق .............................. دار الحبيب اللي .. جرحني غيابـه واسأل تراب الدار ماشفت معشوق ............................... درب الفراق المر مبطي غدا بـه ويرد صوت الباب بإحساس مخنوق ................................. راح .... وتركنا للحنين وعذابـه وارجع كلي حزن والقلب محروق .............................. امشي بدرب الحلم واطرد سرابه احلام |
رد: وطن الحرف والحلم ... مرسى الأحلام مقاس الجرح مجلة مشارق الالكترونية اجمـع شظايا خيبتي وابني لك بروحي عـُذر بابـه بوجه الامنيات مقفّل .... ولاله طريـق ياعمـْر مر ولا رضا في غيبتـك يصبح عـمـُر خانك شعورك وانتهى عهد الحبايب والصديق بكـرة تموت احلامنا ...وبضمـّها ظلمـة قبـر بكرة نشيّب وحدنـا ... وبخيبة الدنيا نضيـق ياسرع ساعات الزمـن شـفها تجرجرنا وتمّـر كبـْرت مقاس جروحنا وماعادت الفرحة تليـق مايطعنه سيف الغدر من كان له صدرك ضهر وش حيلة اللي ينطعن بيدين ناسـه والرفيـق وقتك مضا .... ياخافـقي مالك لـوا لاتتظـر وقتك مضا ماقلت لك من حلمك الرثّ استفيق ابني بقايا خيبتي طوبه فقد ... طوبه صبـر ومن ليليّ المظلم على أشـلاء احلامي اويـق احلام |
رد: وطن الحرف والحلم ... مرسى الأحلام يااحلام نامي وش بقا بتالي الليل ...... غير الوجع مع ذكريات اللي راحوا عينك تهـلّ الدمع بالحيـل بالحيـل ...... وعيون غيرك بالمنام استراحوا !! -------- يااحلام نامي يمكن .. الله يجيبه ...... في حلم ليلك بين رمشك والاهداب وشهي سواة اللي مفارق حبيبه ....... ماغير يحيا الحلم لو كان كذاب !! ----------- تعدّت ساعـة حـْضورك ثوانيهـا ....................... وتراخت عن حساب الوقت بفراقك يعيث العقرب الـ ساكن محانيهـا ........................ بعرق الصبر في صدري ويشتاقك ------- لو قال صبّح اقول الصبح بعيونك ..... انت الصباح وعيونك بهجته والضي صبحي كئيب وممل بحيل من دونك ........ مرّ بصباحي عشان يزيد نور شوي ------ غمضي عيونك مابقا حيّ سهران ...................... حتى المتيم نام لملم ... جراحه نامي طويل الليل والقلب تعبان ....................... الله جعل بالنوم للناس .. راحه ----- غمضي عيونك مابقا للسهر حيل ....................... يمكن يمروا بين غفوه .. وسهوة معهم قبس من نور يضوون هالليل ........................ معهم سهرنا هيل .. والحلم قهوة ------ نامي ترا كثر السهر مايفيدك ....................... لوتسهرين سنين وش عاد نافع ماهو بيدّ الحلم وإلا ... بإيدك ......................... منهو بكيفه راح ... ماعاد راجع احلام |
رد: وطن الحرف والحلم ... مرسى الأحلام الشاعر هليل الجلاوي سجلت رقم الزين عندي محمد مير البلا لا دق يطلع (حبيبي) مدري جهازي للعباطه تعمـد ولا جنونٍ صابنـي بيغدي بي احلام مؤجلة ياخوف قلبي لو محمد تعمـد ايدق صدفة مير مـرْتك تجيبي وتحس دمك في عروق تجمـد والقاك حاجز عند اقرب طبيبي الشاعر هليل الجلاوي السلم فعتيبه .. صعيبٍ يغمد العيب جرمٍ فوق ماهوب عيبي ما تقرب الحرمه جهازي وتنمد ايدينها لمجـاوب اسمٍ غريبـي احلام مؤجلة ان كنت واثق عاد ربك تحمّد وقول الشكر لله هذا نصيبي الله امـرك وثم .. سنة محمـد توفي وتخلص من بعيد وقريبي احلام |
رد: وطن الحرف والحلم ... مرسى الأحلام قلت: ضميت صدرك غلا وقربته لصدري ***** فتحت عيني وأنا ... آضم الوسادة أحيان وسط الحلم ياكثر ماأهذري ***** وضم الوسايد غلا أصبح معي عادة قال: محلاه ضم الغلا والشوق لو تدري ***** ولو كان واقع ترا يحلوّ بزيـاده لمسة يدين المحب ع البال لو تطري ***** زادت حلاة اللقا .. لو طعمها ساده قلت: مر بجفـون النعـس بالله من بدري ***** آخاف يمضي الحلم ويفوت ميعاده ياأجمل أماني العمر خلك على خبري ***** موطن خفوقي الغضي مسكنه وبلاده قال: رشي على وسادتك باقي شذا عطري ***** وشبي بليل الهوا أشواق وقـّاده وان حان وقت السهر بكتبك في شعري ***** أجمل قصيدة غـزل لاهان قصـّاده قلت: منك القصايد ..ترا بالليل لو تسري ***** اسراب عشق وولـه للجنح هداده تاخذ معاها القلب ببن السحب تجري ***** وحروف بوحي تجي للشعر منقادة قال: الله لو تنظري في قلبي وتقري ***** اللي انكتب لك هنا من دميّ مداده مكتوب انت الفلا .. واحلامي وعمري ***** وانتي جنـون الهوا رقّتـه وعـنـاده قلت: تعال طاب اللقا مليت من صبري ***** محتاج لك خافقي .. ياكل اعياده ياحلو ليلي معك ياكثـر مايغـري ***** تعال وافرش لنا الاحلام سجاده قال: اركب بساط الحلم في جوي وبحري ***** ومابين نجم السما القاك كالعاده واسرق سنا بسمتك وازرعك في نحري ****حب وقلايد وله واشواق وعباده قلت: نوخ بساط الحلم .. وقت اللقا محري ***** سلّمت لأمر الهوا .. القلب وقياده كلي حلالك ولا غيرك ابد يطري ***** العشق مرة .. كما موتك والولادة احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام ولايدرون لنا كان الوفا عادة تعودناها ولو خانوا ابد نبقا مثل ماهم يعرفونا .... وزيادة ابد مانخون ابد مانخون **** احس ببرد .... يخلي ضلوعي تتكتك وتتجمع هنا بصدري ... وتكتم زفرة انفاسه گأن الريح تلعب بي وضلوعي جرد .... وقلبي تجمد احساسه ومطر عيني .... هطل واشتد ***** ومهما طالت الغربة تظل احلام رجعتنا .... لأول دار ضمتنا لحبايبنا تعبنا حيل .... من رحنا وتركناهم واملنا لو مجردحلم ... نلقاهم ويدرون إننا احنا .... مثل مااحنا لاخر نبض نهواهم **** اتخيلوا يموت الشعر .... والبيت اوزانه تطيش اتخيلوا حنا البشر....وشلون نتنفس عشق وشلون بالدنيا نعيش !! **** انا عنّي ولو طولت بغيابك اجيلك دوم متعنّي لأني من زمان ادري .... بأني اول وآخر من الباقي من أحبابك ومن يوفي إذا خانوا ومنهو يزين لاشانوا انا اللي كتبني الله نصيب الخير بكتابك ---- من الفاضي يجي ويونس احلامي وافضفض له حكي بصدري من الباقي بتالي الوقت ماأتغير على خبري حسافة مابقا صاحب .. يلمّ جروح احبابه ويمسح دمعة الاشواق لو في وحدتي تطري -------- انا منكم.. وانا فيكم كذايعني تخلوني اناديكم واناديكم ولاكنكم تسمعوني عليم الله لو مرة تمنيتوا لقاي بيوم اخلي الناس والدنيا والبي صوتكم واقول ...من عيوني انا ااااااجيكم ****** رجع صوتي وكنت من الصغر اصرخ انا مشتاقة احبابي ولا حد رد انا جرحتني الغربة وطالت سكة غيابي تعبت بجد ابي ارجع .. ابي ارتاح كفاية نص عمري راح ***** اذا مريتوا بأحلامي تدوسون الجرح فيني .... توجْعوني امانة يا تجون بجد او مع جرحي النازف .... تخلوني صعبة تاخذوا قلبي .... وتنسوني ابيكم تاخذوا الباقي والا نفضها سيرة وترجعوني ***** صباح الحب صباحي قلب كان يظن أنّه قلب ♥ ينبض بالصدر ويحب صغير بأول الخطوة حرمه الجرح من فرحه من الراحة من الغفوة تمطط داخل اضلاعي عرف ماللحزن داعي مادام الله له راعي ***** ماعليهم هم يعيشون العمر عرضه وطوله ماشغلهم حزننا او شمعنا الـ قرب ذبوله هم يحاتوا مااظن بيوم حنّوا ... وحاتوا مثلي!!! و ارجعوا له ماعليهم راحوا مبطي وشالوا ضي الليل معهم والمصيبة عاثت الريح بشمعهم وانطفا يوم المفارق واللي مثلي نادى ... نادى ولااسمعوه ولا سمعهم ياه مااكبر وجعهم ****** لاتشتكي بكرة ايتغير كل شي .. واللي مضا يصبح حكي واللي يجي احلى كثير ..مثل المطر.. بشرى وخير لاتشتكي مادام قلبك بعده حي ... هاتي يدينك في يدَيّ ويلله اضحكي ... يلله اضحكي لاتشتكي ***** اعيش شلون اذا راحوا وخلوني واشوف شلون وهم لي الشوف وعيوني واحس بإيش مادام اغلى المشاعر هُم .... ياقلبي ليش !!! حزينه حيل خلوني ....متى يحنون؟؟ وايام العمر تجري متى يعودون .... وهم اوطانهم صدري اعيش شلون اذا راحوا وخلوني !!! احلام |
رد: وطن الحرف والحلم ... مرسى الأحلام ويقول هاتي سمعينا قصيدك ......................... واحساسك اللي في حروفك نثرتيه تدرين فيني ليه اتابع جديدك ........................... دايم احس اني الحبيب الـ قصدتيه ****** تجي أتصنـّع الغفوة وتوعدني .............................. تمرّ بحلمي الليلة ... و تغنيلي واقول الله وش جابك و يعننني ............................... تفاجأت بوجودك في حلم ليلي ***** جيتك وقلبي من عنا البعـد مجـروح ......................... ودي بضمة شوق تبري ... جروحـي لا أحتجت لاحضانك انا .. وين بااروح ........................... وانت البعيد اللي بوصلـه شحوحـي ****** لاتحسب اني في غيابك حزينة ................................... اللي خذاك يجيب غيرك مكانك لكن ياغالي شفت وشهي الغبينة .................................. إني خسرت أحباب واجد عشانك ****** كم قلت لك تعبان وتقول... بتهون ................................ وكم قلت لك مشتاق .. وتقول بعدين الله يسامح كل مخطي بهالكون .................................. وانا مسامح قسوة أحباب مقفين **** اللي يحبك مو بحاجة تفاصيل ............................... يفهم شعورك وبمجرد اشارة العشق رغبة واهتمام ومواصيل ............................... وإليا فقدته راح عمرك خسارة **** ياللي رحلت وماذكرت الحبايـب .............................. الله يسامح ياحبيبي خطاويـك غايب ومعك الفرح والنور غايب ............................ وينك تعبت بحيل .. وانا اناديـك **** ابرسلك سلامي ومعه اشواقي ............................... واكتبلك باحساسـي ولهـت كثيـر اذا ماجـاك مرسالـي ،، واوراقـي ........................ تنهد من قلب واسأل "عساني بخير" ***** وطاحت من ورا قلبي صور واشلاء ذكراهم ...................... بعد ماكانوا لي احباب ..علي اغلى من عيوني حسبت ان الزمن يوقف إذا عشته ... بلياهم!! .......................... يصير فراقهم عادي .. ولا كنـْهـم يهمـّوني **** من يمسح دموعك لو غابوا احبابك ............................... ويمدّ لك صدره لو ضاق بك صدرك من يذكر وعوده ويدق ابوابك ........................ ماعاد لك صاحب باقي على خبرك **** ويقول شوفك لو يساوي ملايين .................................ابيع عمري لجل بيتك.. أزوره واقول خلي الحكي نبغا براهين .............................عطني كذا مليون واعطيك صوره احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام احــيان #احيان_احس اني ابي لاتكلمت ......................... احضن حروفك شوق حيل بايديني واقول ليت الله ماحلل الصمت ......................... عشان تقضي العمر وانت تحكيني ----- #احيان_أحس اني وحيدة وحزينه .......................... كني شجر واالحين موسم جفافي وتضيق بي اضلاع صدر المدينة .......................... وموج الامل مامر يسقي ضفافي ------ #احيان_احس اني بدونـك بلا روح .......................... مثل الشجر لافارق الماي والشمس واقول تكفا ... خذ حياتي ولاتروح ........................... ويرد درب البين وينك مشى امس ----- #احيان_احس اني اسيرة متاهات ........................... وطرد السراب اصبح لقلبي هواية تاهت خطاي وابعدتني المسافات ............................ امشي وارجع والقا نفس البداية احلام |
رد: وطن الحرف والحلم ... مرسى الأحلام الشاعر الاستاذ فايز الزعل مدير تحرير مجلة وضوح يا تجى بالذوق وتعلن احترامك ......................... والا تعلنها فراق وما عليك..! انا ماطلبتك ياالغلا الا اهتمامك .......................... ليه تبخل بالعطا وتقصر يديك الاستاذ فايز من عرفتك وأنا ضايع في زحامك ...................... كنت أبي راحة ولكن ضعت فيك..! انا مايريّح خاطري الا كلامك ............................ وانت تدري كل لحظة احتريك الاستاذ فايز كم جرحت القلب في رميت سهامك ................................. كل جرحٍ يبتديك وينتهيك..! انا الجراح اللي هي بسبة غرامك .............................. ليتها بقلبي ولامرة ... تجيك |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام أثبت حضوري...في أجمل وطن...! هاقد عدت أطلب حق الاقامة..واللجوء... بعد غياااب...كان رغما عني.. لك ورووودي....وتقبلي تواضع مروووري ا ب ت سام |
رد: وطن الحرف والحلم ... مرسى الأحلام اقتباس:
الف اهلآ بالنور ويعلم الله ان حضورك يسعد القلب واشتاقه واتمناه دومآ وابدآ كوني بخير واتمنا من الله ان يفرج عليكم في الشام وان ينصركم بنصره ويحفظ لكم احبابكم شكرآ ياغلا وتأكدي ان هذا الوطن لن يمنحك اللجوء فـ حسب بل سيمنحك الجنسية والاقامة الدائمة من القلب .. ♥♥ أهلآ كبيرة |
رد: وطن الحرف والحلم ... مرسى الأحلام جهود تستحق الثناء يعطيك العافية ودمت متألقا على الدوام هذا وتقبل مني أغلى تحية ... فيلسوف الكويت __________________________________________________ لا تنظر إلى صغر المعصية ... ولكن انظر لعظمة من عصيت |
رد: وطن الحرف والحلم ... مرسى الأحلام جهود تستحق الثناء يعطيك العافيه ودمت متألقا على الدوام تقبل/ي مروري... |
رد: وطن الحرف والحلم ... مرسى الأحلام ماجف ريق اللي سهر للحين ياساده مازال يرفده الدمع وتفيض وديانه مازال يحضن له حلم ويظنه وساده يكتب قصايد للعشق والناس غفيانه اول شطر في حبكته مهموم كالعاده وآخر شطر لو يوصله تتكسر أوزانه يشحذ عقارب ساعته كم تكه زياده وتأبى الدقايق لاتمرْ عجلى على شانه احلام مؤجلة |
رد: وطن الحرف والحلم ... مرسى الأحلام من غابت عيونك وانا معي وحدي أَسألني وشلوني وش هو تغير بي وتجاوب ظنوني قلبك مثل ماهو لكن بهت لونك *** مستحيل يمر ليلك كله هم وانت باقي مابكيت عادي ابكي من يشوفك خلي حزنك وكل همك مع دمع عينك يسيل ****** تضحك يجن الليل وتذوب الأشعار واصير بـ شفافك زهور وقصيدة وتبكي يحن الليل وتموت الأقمار واصير لـ عيونك .. قصيدة جديده **** يارب الضي .. رب النور انا لي خاطرٍ مكسور عجزت اخفي تناهيدي واضم اضلاعي بإيدي عجرت اضحك بوجه الناس عجزت اظبط شوي الدور واقول بخير انا مسرور **** ابيك بسر بسولف لك عن الاشواق واشكي لك جروح البعد واهمس لك انا مشتاق امانة مرّ وابي ردك بدون حروف ابي ردك .. يكون عناق ***** قل لي متى تقدر تجي ؟ وان ماقدرت.. بالحلم مرّ مشتاقة لك واخاف ما يبقا عمر ردّ ببرود: مدري متى !! إدعي يجيب الله مطر ***** اقول بحزن ماحنيت يقول الا كثر ايامي واكثر واقول احلف عشان اعرف يقول الله يشهد لي باني اشتقت لعيونك ورب البيت احلام مؤجلة |
رد: وطن الحرف والحلم ... مرسى الأحلام http://im51.gulfup.com/DwEb8n.jpg ليه البكا !!! مازال عمرك بأوله للحين ماذقت الحزن للحين ماعرفت التعب ليه البكا !!! من كان مثلك لو بكا يبكي على اكل ولعب يبكي على ضمة حضن مايبكي من هم وغبن ليه البكا !!! هو قلبك الطفل انغلب؟ |
رد: وطن الحرف والحلم ... مرسى الأحلام عسا من بكّى احبابه على فراقه …………………………… يذوق من الوجع نفسه ولايبـرا عليه الفرح بالحسرة وخفاقـه ……………………………… مريض وصحتـّه بالمال ماتشرا ***** ياشوق قل له كيف شوقي ذبحني …………………………… وقل له حكوا اهل النميمة علينا بين الخلايق دمع عيني فضحني …………………………… يمكن يحـنّ .... ولا يطول علينا ***** من كان صدّه هو جزاك ونصيـبك ………………………… خلـّه لربـّه .. وادعي الله يجازيه واللي انكتب لك كود يومن يصيبك …………………………. ماتنفع الحسـرات والا المشاريـه ****** وش حيلة المشتاق لاجاه هالليل ………………………………… عينه سهيرة والمواجع تحوفــه تلفان لبّ القلب ماعاد له حيل ………………………………… يشكي لربه من عناه وظروفـه ****** على دروب الوفا بالوعد مامروا حبايبنا ……………………… وكان الموعد الاول هناك بيوم نلقاهم ورود احلام رجعتهم سقيناها بسحايبنا ……………………… .قضينا سنيننا نشتاق للملقا ونظماهم ****** قالت عشقت وهدّني الشوق والليل ……………………………… ..قلت الخلايق كلـّبوهم ... غلابـة هذا الهوا أول دروبه غرابيل ………………………………… .وآخر دروبه .. إنكسار وكآبـة **** تمنيت المطر والخير ... وأول امنية شوفك وجودك اغلى من اغلى اماني العمر لو تدري إذا ماأشتاقت كفوفي للمسة حب بكفوفك أمدّ جناح احلامي واضمّ طيوفك لصدري ****** ماللمحبّ بتالي الليل لا اشتاق ……………………………… غير النواح وغير عدّ القصايد ماطاب نومه من همومه ولاراق …………………………… مسكين ماله غير ضمّ الوسايد ******* اكثر "ثلاثة" توجع القلب ياصااااح …………………………… فقدك و شوقي وذكريات الغوالي منهو جمعها شلون بالله يرتاح !! …………………………… عزي لقلبه ،،، من هموم الليالي ****** مقدر على النسيان طبعي جبانه ………………………… وأضعف من اني رغم جرحي اخليك عندي انا ... النسيان مثل الخيانة ……………………………. كنّك تبيع بْـ رخْص انسان شاريك |
رد: وطن الحرف والحلم ... مرسى الأحلام http://im52.gulfup.com/H4w9aL.jpg ياوجوه العابرين احملوا قلبي الحزين وارحلوا به للمنافي مايهم الوجهة وين كان وافي وكان صافي وفيه طبع الطيبين قبل ماالدنيا تدوسه وقبل ماحظه يشين احملوه بعيد كافي مات فيني مرتين |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام اقتباس:
شكرآ لعطر حضورك الذي انار الصفحات كن دومٱ بخير دعواتي |
رد: وطن الحرف والحلم ... مرسى الأحلام اقتباس:
شكرآ لكرم حضورك الذي انار الصفحات دعواتي |
رد: وطن الحرف والحلم ... مرسى الأحلام لا تعدّتنا الأماني .. وماكسبنـا ………………………… غير حزن ، وانكسارات ، وكآبـة نُعتبـر في هالحيـاة إنـّا رسبنـا ………………………….. ولاعرفنـا للسـؤال أيـّة إجـابـة نختلف وقت النتايـج في نسبنـا ………………………………ونتّفـق انـّا بشـر ..دايم غلابـة كم درسنا وكم تعبنا وكم حسبنا …………………………… وما بنا واحد قدر يظبط حسابه **** عشـان خاطـر هوانا لا تعاتبني …………………………… خلي خفوقي كذا عايش على النية انسا خلاص الحكي ..ولاعاد تتعبني …………………………...مادام صار الغلا قصة ... ومنسية ****** ماطاب خاطر من يحبك ويغليك ................................. للحين ناطر وامنياته يشوفك حتى بعز النوم يحلم يلاقيك ………………………………. بالله مره يوم تسمح ضروفك **** من يسلفني حبيبه بس شهر …………………………….. ابغا اعرف صدق احساس الغرام . وابغا اشعر اني لو اكتب شعر ………………………………… ماتكون اشعاري مـْجرد كلام *** غالي علينا ونعزّك ودنا بشوفك ………………………… طول صدودك نبيك تحسّ او تفهم يكفينا نسكت نسامح نعذر ظروفك ……………………… ..وانت بصراحة بخيل بحيل مابك دم ******** سقا الله يوم به كنـّا لكم احباب ……………………………… لقانا كان ... هو أكبر أمانيكـم تعلمتوا الغدر والهجر دون اسباب ……………………………..عسا الله بالذي جانا .. يجازيكم ********* لاتشكي الحال منهو بحالتك داري ؟! …………………… .. الجرح جرحك وصعب يحس به مخلوق ياللي جرحك الهوا .... الا على طاري ……………………… وشلون تصبر على كثر الوجع والشوق ****** لاتشغل البال هاذي الدنيا ماتسوا بكرة تغادر ولا تاخذ معك حاجه ريّـح ضميرك وخاف الله في الخلوا يكفيك ربك عن اللي انت محتاجه ****** غلطة الشاطر بعشرة وانت غلطاتك كثير يعني اضرب كل عشرة من رصيدك مرتين والنتيجة زيد فيها وضاعف الرقم الاخير حينها تفهم تبي لك لجل ترضيني سنين ***** في بسمتك عالم من السحر والنور عالم عجيب اتضيع فيه … الاوادم . كن الورد يكشف عن صفوف بلور ويقول للعشاق .. منهو يقاوم ؟؟ ***** في بسمتك دنيا غريبة وحكايات ماقد سمعها يوم انسٍ ولا جان . ماتنوصف للناس بالشعر هيهات خاتم زمرد خلفه صفوف مرجان **** ياصباح الشعر… والـ قاله فديته فدوته قلبي ولجله كم تعنى ؟؟ لو قدرت بيوم اوصل له ببيتـه كنت اعلْمَه كيف الاحساس ايتغنى ***** ّ"العيـ ❤️ـد" اقبل بارك الله عليكـم يالله عسـاه يعود دايـم على خيــر جعـل السنيـن اللي تدور وتجيكـم خيـر ، وسعـادة ماتزول وتباشيــر احلام |
| الساعة الآن 01:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011