|
رد: وطن الحرف والحلم ... مرسى الأحلام كل مافي الأمـر أنكـ امرأة بقلب زلـق ،فثبتي فـوقك من كلمات ومشـاعر ونحـن من يقرئك بشـراهــه . |
رد: وطن الحرف والحلم ... مرسى الأحلام اقتباس:
كم يسعدني أن أجد من يقرأني ومن يستسيغ بوحي وحروفي، اقسم اني أشعر بالسمو والفخر واتمنا ان أعانق كل من يمر هنا ويذكرني بكلمة طيبة كوني هنا دومآ شكرآ من الـ♥ |
رد: وطن الحرف والحلم ... مرسى الأحلام لامـرّ عيـدك أسأله ... عن خويّك وشلون بعدك يقضي العيد مرتاح ماغير يرجـف لو ينادوا سمـيـّك وأن جاه طاريك بسوالف لهم صاح ****** كل عام وانا وجرح قلبي حبايب وان مر فينا العيد نحضن وجعنا نشتاق لكن صاحب العيد غايب نبكي على ايام فيها اجتمعنا ***** ريحة شتا والصيف يسحب شليله يترك بقلبي ذكريات ،، ومواعيد ماباقي غير ايام يمكن قليلـة !! ***** والصيف يرحل ماخذن فرحة العيد مشتاق مثلي والا ناسي حبيبك مجروح مثلي والا عايش ومسرور كلْ حلم مرّ وفي منامي يجيبـك يرحل بطيفك من قبل طلعة النور ***** كانوا لنا اقرب من الرمش للعين واقرب من حبال الوريد .. وعروقه كانوا حبايب يشهد الله .. وغالين كانوا نخيل الودّ ... واحنا عذوقه **** وش حيلة المشتاق لاغاب خلّه غير الحنين وغير عدّ القصايد في وسط قلبه الف علّه وعلّه والشوق جمر وطول الأيام قايد **** ماكنت اول حبيبة بسالفة عشقـك ! ولاكنت اخر قصيدة بدفتر اشعـارك كذبك تساوى بتالي الوقت مع صدْقك ماعدت افْرق أبد ... جنتْك من نارك ***** يا شمعة الدار وينك ؟ دارنا ظلمه الليا عيّـا يروح .... وجـرحنا عيّـا تترك حبيبك ، هنا مجروح من همّه واحلام يوم اللقـا ... ماعاد تتهيّـا احلام |
رد: وطن الحرف والحلم ... مرسى الأحلام حزينة حيل ... ادري باين بعينك ورمشك مرّته غيمة شتا وأبْتل مسحتي الدمع والمنديل يدّينك وقلتي لأ.. طرفها الليل يوم اقبل #أكلم_نفسي حزينة بجدّ !! والا الشوق يوجع حيل غزا رمشك .. خذا نومك واحلامك ينام الناس وانتي والشعر والليل تضمّين .. الحنين .. وخيبة ايامك #أكلم_نفسي |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام اقتباس:
الأروع تواجدك شكرآ أرياف |
رد: وطن الحرف والحلم ... مرسى الأحلام للأمانة .. مابقا بدرب الوفا إلا سوانا قلبي ، وآنا وجرح نازف والبقية ليه تسأل!! وانت عارف مبطي خانوا .. واطعنوننا من ورانا -------- غريبة روح أنا بدونك وكلي جروح ودام الجرح من يدك أنا راضي وممنونك وأمانة لو قسا قلبك وبغيت تروح تخلي لي ولو صورة إذا ما هزّني شوقي أضم الصورة لصدري وأبوس الخد وعيونك -------- البارحة .. ماقلت لي لمّا مشيت وشلون لو أشتاق لك أقدر أجي .. عندگ وأقوووول : آنا بگيت ------ وش احكيلك اقول اشتقت لك للموت وانا اخجل اقول الحق لأني بنت .. ومالي صوت أخاف انده على اسمك وأشرق بك ------- وش احكيلك اقول أبطيت واتلفت .. اخاف الشمس تسمعني وتشكيني لنور الصبح ويحبسني ويمنعني ازور الليل .. واغفا به واحلم بك _-------- عاش العمر مقهور واقف على الأبواب ينطر يجيه الدور يحلم يجوا الغياب ياكثر ماتأمل بكرة يكون أجمل والعمر قدّامه لين انتظاره شاب وملّته أقدامه روّح وهو مكسور ------- العاشق المحروم مثلي ماذاق النوم صبحه وجع واشواق وليله يعد نجوم عايش مع الاوراق يرسم امل وحلوم وان غاب من يهواه كنّ الحياة هموم -------- ليه أجلت الوعد وتقول باكر انت تضمن بكرة يوصل والا تضمن انت توصل انا احساسي يقول ان بكرة حيل قاسي و حيل ماكر.. مايجينا -------- نزعل ليش وهذال للعمر ماهمّه يمر فينا ولايسأل ونمسكه بطرف كمّه نبي يشعر بنا مرة ويهدينا شويّة طيش ومانلقا سوا التطنيش--------- |
رد: وطن الحرف والحلم ... مرسى الأحلام يوم بان الوسم مروا وماامطروني واتركوني للضما ، و حرّ المواجع هم يعَرْفون "وغلاهم" لو يجوني نذر لأوقد من ضلوعي شمع والع نذر لأعطيهم عيوني ،، لو عيوني مثلي حلفت غيرهم لا ما تطالـع بس يجوني بعد غيبة ويحضنوني عقبها لو يذبحوني .... مااامانع |
رد: وطن الحرف والحلم ... مرسى الأحلام الجواهر ماتعوّض بالحصا والا التراب ......... والخوي اللي تعزّه صعب تلقاله شبيه ناس مثل الديم يهطل خير من كف السحاب ......... وناس مثل الهمّ غادر لو بقلبك تشتريه اكتشفت ان الاوادم بعضهم مثل الكلاب .... وبعضهم لو يبغا روحك ترخص الروح وتجيه كل ماقدره ربي حكمة مكتوبه بكتاب ......... إحتسب أجر التصبر ياقليبي وش عليه |
رد: وطن الحرف والحلم ... مرسى الأحلام http://im42.gulfup.com/LYF3G.jpg طقّ باب المحسنين ومدّ كفهّ يشحذ لروحه أمل قالوا قضينا حتى باب البيت صدّ وهزّ كتفه ردّ لو تلقاه ... لاتبخل عطينا قال يطلب ربه ويشكيه ضعفه غير بابك ياإلهي .... مارجينا ساقته رقة ... فؤاده لين حتفه يحسب قلوب البشر تشفق علينا |
رد: وطن الحرف والحلم ... مرسى الأحلام متى ماجيت .. أمانة مرّنا وسلـّم وقول اشتقْت لداري ياهوى داري انا والله ... گثُر ماأشتاق مااعلـّـم أخاف الناس تحسّ وتگشف أسراري واذا مابيوم .. عجزت تمرّنا گلـّـم "ألو مشتاق" ترا تطفْي بها ناري احلام |
رد: وطن الحرف والحلم ... مرسى الأحلام تموت احلاميّ بـ يمكن نلاقيكم وبكرة غير وتتفتح جروح الصدر من خذلان هقواتي تعبت بجدّ يادنيا يمين الله تعبت كثيــر وبيني وبين احلامي أصافح كفّ رمعاتي رسمتك للعمر بسمة ورا بسمة وديمة خير علام مزونها هلّت على أرضي بــ خيباتي أحلام |
رد: وطن الحرف والحلم ... مرسى الأحلام مهما قسينا نرجع نتوب ونحن .............. ومهما قسيتوا او جرحتوا نبيكم حنا من الطيبين بالحيل ونظن .................. لو تذبحونا ... مانتغيّر عليكم ***** احيان اسلى عن غيابك وأحيان اشره على الغربة وادعي عليها واحيان اخلط بعض صبري بنسيان وآقول لو له عندي حاجة يجيها ***** طيب تجي نكتب شعر عن قلب ذاب من الصبر انتا شطر وآنا شطر نكتب ويقرا العاشقين هم مثلنا نفس الهوا نفس الحنين عشاق من يوم اخلقوا ولآخرأيام العمر ***** مساك احلى من اللهفة بصدر الارض لابلّ الرمل هتان وتسرب برقة وود بشقوقه وعانق كل ذرة فيه ونفض احزان مبطي ساكنه صدره وأحيا يابس عروقه ***** يالله على كثر المطـر .............. تسعد قلوب أحبابنا وكثر السحاب اللي عبر .................. يسّر علينا غيابنـا حقق لنا ... ماننتظـر ................ واللي انكتب بكتابنا ****** غلاك عندي مايـْتقدّر بالأثمان مليار في مليون .. لو يضربونه ولو يقسمون الثلث للأنس والجان تتعب اصابعهم .. ولايحـْسبونه احلام |
رد: وطن الحرف والحلم ... مرسى الأحلام ناسن غلاهم داخل القلب مكنوز مثل الذهب داخل غياهب مغارة ماهو قصيدة شوق او صوت فيروز و لاهو سهم واملاك والا تجارة هو مثل عشق انسان من لابة عنوز حبه مكاسب .. حب غيره خسارة تسكن خفوقه لو جفا الوقت معزوز خيره تعـدّا باب داره .. لجـاره احلام |
رد: وطن الحرف والحلم ... مرسى الأحلام الجو هذا جو حضن .. وحبايب وأحساس دافي وانسجام ولطافة الله يعين اللي لها الحين عازب لاحسّ برد الليل يحضن لحافه ****** ليل وشتا واحباب راحوا ولا جو والشاهد الله مارقدنا ودفينا ياليل سو اللي بقلبي تبي سو يكفي حبيبي لو .. يحن وبجينا ****** نوم العوافي يابعد كل من نام غمض عيونك واستريح بمنامك كلها دقايق والتقي بك بالأحلام وانهل من احساسك ورقة كلامك ******* ليل الشمال الحين جوّه خرافي باقي وجودك تكتمل روعة الجو غيم وهدوء و ليل وشعور دافي وارضه توضت تنتظر طلعة الضو ****** الصبح سابق ظلمة الليل بالنور خطوة بخطوة لين فاز وغلبها ياالله يامرسي نبيك على الطور استودعك نفس ..ٍ تزايد تعبها ****** غيم وشتا والجو رايق وأمطار وذكرى حبايب اسعد الله مساهم لمة غوالي القلب مع شبة النار تسوا الوف من الذهب والدراهم ******* ياطير روح لمالك الروح خبّره مهما غيابه طال ماني بناسيه قله حبيبك مالقا اللي يصبّره ضاقت سماه وزود ضاقت أراضيه ***** الله على ضمة غلا تنعش الروح وتردلك ياقلب باقي اعتبارك مرت عليك سنين منبوذ مجروح من يوم اقفا منهوساكن جوارك احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام |
قلم رصاص السلام عليكم ورحمة الله كثيراً ماأمسك القلم بيدي ,, وأجده يتحد مع أصابعي ليصبح أصبعاً سادساً في يميني أحركه بأحاسيسي وعقلي وأحياناً أنقل ماأشاهد من صور. ,,,,, هنا ,,,,, ربما سأخالف المعهود في هذه الصفحات واترك الصور تتكلم عوضآ عن الحروف بعضٌ من ((شخابيط قلم رصاص )) أتمنى أن تروق لكم ***** http://www.m5zn.com/uploads2/2011/7/...32vtdw25h7.gif ***** http://www.m5zn.com/uploads2/2011/7/...36kdm4w7f2.gif ***** http://www.m5zn.com/uploads2/2011/7/...qq2hnnucn5.gif ***** http://www.m5zn.com/uploads2/2011/7/...48orsotbco.gif ***** http://www.m5zn.com/uploads2/2011/7/...7546wepija.gif ***** http://www.m5zn.com/uploads2/2011/7/...sfa38od456.gif ***** http://www.m5zn.com/uploads2/2011/7/...53n2xp00g6.gif ***** لروحكم الورد |
رد: وطن الحرف والحلم ... مرسى الأحلام يجفلني صرير الباب ..وأقول بخاطري انتَ ومعك أخبار غيّابي واتسابق انا وقلبي واقول احباب لفوا مثل المطر والغيم ودقوا بيدهم بشويش .. خافوا يزعجوا ابوابي وأضم الباب ملهوفة ولا القا سوا اخشابه الرطبة بكت من شهقتي ولمّت خيبة اتناثرت مني على بابي ***** وش عليكم !! مهما درب البعد طوّل .. نحتريكم مهما تقسوا او تغيبو نعتذر للقلب عنكم ولانلوم ولانعاتب عذرنا إنـّا حبايب وكل شي غالي علينا .. دام هو جانا بإيديكم وش عليكم !! ***** ممكن طلب انسا الزعل خلي العتب وخلنا نعيش العمر ماهو مرتين لاتقول كيف .. لاتقول ليش !! الله كريم مادمت يمي وفيك قلب .. صافي ويحب بكرة تزين ***** وش عذرهم جانا الشتا.. وهم مو هنا ونحتاجهم وش عذرهم أكبر انا .. وتمر سنة من دونهم لاعذر يوصل أو رسالة ولا اتصال يجيبهم الله يجازي قلوبهم يابخلهم **** ياصاحبي جانا الشتا وجانا مطر راهي وكثير .. ونقول خير والخير عندي رجعتك مثل الشتا ماغاب الا كم شهر والحين رد وانت علامك مارجعت يعني يصير! ***** الساعة كم الفين جرح .. والفين هم الساعة موت ورجل الثواني كسرت قدمها. . عيّت تفوت وعيني عليها.. .تبكي عشاني وابكي معاها من دون صوت **** يدق الليل شباكي وانا... استجدي الغفوة يقول انتي يامسكينة من تحاتين؟ تراه الصبح عالحروة متى تنامين؟ واقول ان جبتهم بالحلم انا اوعدك واحلف لك انام الحين **** يعني شلون كذا نقضي العمر اغراب وكل واحد وله ديرة كذا نبقا بلا احباب نبدّل قلبنا بغيره كذا ونموت بليا صوت ولانشكي وجع وغياب نقول لروحنا خيره ياقلبي فضها سيرة |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام كذا نقضي العمر اغراب وكل واحد وله ديرة كذا نبقا بلا احباب نبدّل قلبنا بغيره كذا ونموت بليا صوت ولانشكي وجع وغياب نقول لروحنا خيره ياقلبي فضها سيرة الله .. الله ياااأحلااام...!! مازلتي كما انتي كتلة من المشاعر الصادقة في حروف..! ولازلت أنا ..أنا...! أطلب حق..الاقامة ..وحق اللجوء... الى وطن حرفك ياأحلام..!! لروحك عبير الدنيا كلها فتاة الرمال |
رد: وطن الحرف والحلم ... مرسى الأحلام اقتباس:
سلمك الله من كل شر شكرآ لطيب التواجد ياغلا كوني بخير |
رد: وطن الحرف والحلم ... مرسى الأحلام اقتباس:
تعالي واسكني عيوني انا عشت العمر وحدي يعدي احيان وكثير احيان مايعدي ابي احيا ومعي احباب ابي اهلي شبعت غياب ابي اتطمن وارتاح اخاف من العمر لو راح اخاف اللي انا اهواهم يجيهم يوم ينسوني انا مثلك .. غريبة روح ادور موطن لقلبي شبعت احلام .. شبعت جروح وعثرات اسكنت دربي واقول تهون ياربي مصير الحظ يتغير والقاهم ويلقوني تعالي وانثري همك على همي نخبي الجرح وآضمك واطبطب عالوجع وأرقيكِ وآسمـّي تعالي ياخوية الحرف نتقاسم حمل الايام يمكن يوم عين القلب ينساها السهر وتنام ويعدّي فرحها صدفة مع الاحلام يمكن لو نكون اثنين احزان العمر ترحل يخلّوكِ ... ويخلّوني تعالي واسكني عيوني |
رد: وطن الحرف والحلم ... مرسى الأحلام البارحة ... يومك سريت خليتني مثل اليتيـم اللي فقد امـّه ونام .. يحلم بريحـة ثوبهـا دمعي هطل فوق الخدود والجرح في قلبي مقيم ضاقت علي كل الجهـات بشمالهـا .. وجنوبهـا ناديت ياقلبي انا .. تـعوذ من ابليـس الرجيـم لاتتبع دروب الغرام ... وتضيع وسط دروبها قمت آتهجد للصلاة واستغـفـر الله العظيـم من وسوسة نفسي التي تزايد علي ذنوبهـا احلام |
رد: وطن الحرف والحلم ... مرسى الأحلام http://im33.gulfup.com/m1No2.png ياداري لو شكيت البعد تبكي غربتي الجدران وشبابيكي من الحسرة امسحت عيني بستايرها على طول البطـا يادار ... مات بداخلي انسان وعاش بدنيـتي غيره غصـب عنـي .. يسايرهـا احلام |
رد: وطن الحرف والحلم ... مرسى الأحلام برد الشمال بحيل قاسي وأقسا من برد ديرتنا .. جفاك وظنونك علمني كيف الحين اعيش وانسا علمني كيف الشمس تشرق بدونك علمني لو هالليل عالناس امسا وشلون تغفا وانت خاين.... جفونك واللي خلق الجبال والريح وارسا حبك بقلبي ما خطر لي اخونك احلام |
رد: وطن الحرف والحلم ... مرسى الأحلام ايه كابر واعلن انك مايهمك.. لو رحل لبعيد عنك لاتأثَر .. بكره تنسا وتلقا غيره شخص اوفا..... قلب اطهر وتدري انه جرح مرّ وراح عابر **** وترف عيني واحس بخوف يكبربي وتقول امي اكيد انه خبر طيب يبي يجيني او انه غايب وراجع .. واصدقها وامد من الفرح للقاه ... يديني ****** اسكني بي مثل فرحي مثل احلامي وعيدي اسكني بي من وريدي ليا وريدي وان حصل يوم اختلفنا وطحتي من عيني غصب ماهو بايدي مد قلبي لك يميني ***** اسكني بي انا اوفا من خلق ربي عشانك انا اختك مااخونك لو زمانك صد لك وجهه وخانك ياصديقة لو تعبتي وشحت كفوف الحقيقة والوفا ضيّع طريقه لاتحاتي ... أزهميني ***** للحين آعدّ العمرْ واقول اي جايين هم واعدوني من زمن وللحين منتظره للحين آقول الصبر.. . باقي قليل سنين واللي اتتظر واشتاق لك .. يكمل معك عمره ****** على طاري الشتا والبرد وحشتونا .. . ومشتاقين بإيديكم .. تحضـْنونا .. إذا برد الشمال اشتد .. تدفونا ... احلام |
رد: وطن الحرف والحلم ... مرسى الأحلام مدوا يديكم وفا يكفي الزمن خوان .......................... يكفي نعيش الوجع والوقت مايرحم كنتوا حبايب لنا .. وبحسبة الاخوان ........................... لو مر فيكم حزن .. حنا اللي نتألم **** يمـّه صباح الخير .. راح بغيابك ............................. كم صبح راح ولابه الخير والنور! وجهك ، حنانك ، طيب ريحة ثيابك ........................... من فارقوا هالصبح ينعاد مكسور **** مريت دار الولف قصدي اشوف الحال ...................... وأسأل عن اللي رحل من عام ماشفته اثري خطير الهوا ولاهو طويل البال ........................... ابغا اسلّم نسيت ... وقمت عانقته **** اما نعيش العمر عاشق ومعشوق .............................. والا بلاش من اللعب بالمشاعر مايذبح العشاق اكثر من الشوق .............................. اليا سكن بالقلب ... خلّاه شاعر ****** ودي انام ومثل باقي المخاليق ............................. أحضن لحافي فوق صدري وادفا لكن.. دروب النوم دايم مغاليق ............................. هيهات عين اللي عشق يوم تغفا ******* هو برد ذاك اللي احسه وأعانيـه !! ........................... او هو شعور الفقد داخل ضلوعـي والا الوجع خيـّم .. وبانت مواريـه ........................... في وسط قلبي لين هيّض دموعي **** آموووت يعني من الوله بعد فرقاك ......................... والا اضم الجرح ... وابكي لحالي ! قل لي فديتك موعدي كيف تنساه ........................ قل لي لوحدي كيف اقضي الليالي ***** عسا ياطاري الفرقا يكون الموت ..............................نهاية و.. حلّ لأوجاعك ولا تلقاه عشان تحسّ بالعشاق كيف تموت .............................. وتعرف معنى المواصل وتتمناه احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام مسكين ياللي تغرف الهم وتكيل ................ من ماي عينك سيل حزن وصبابه يرميك حلمك بين حسـرة وتأجيـل ................ تمطر عيونك دمع مثل ..السحابـه سهران تشكي ضيقتك تالي الليـل ................ وتجر صوت الشوق .. شعر وعتابه واجد سهارى ... همـّهم بيـّد الحيل ............... أهل الهوا ياخــوك ... مثلك غلابـه احلام |
رد: وطن الحرف والحلم ... مرسى الأحلام http://im48.gulfup.com/PeQHS.png صباح الخير ياجاره متى للوادي تحنين !! متى بأحبابك تمرين !! تهنـّي القلب بزيارة ونعزف لك بصوت الناي وتغنين" بعدك على بالي" ولو طال الفراق سنين متى نكتب على الجدران "حنا ياهوا راجعين" لارض العشق واسراره لطفولتنا وبيوت الطين والحارة .. مااشتقتي لذاك البيت ولا قلتي وش اخباره صباح الخير ياجارة حنا ننتظر للحين متى لبلادك تعودين !! |
رد: وطن الحرف والحلم ... مرسى الأحلام وش عاد لو رحتوا كثيرين راحوا ....................... ياما .... وياما فارقونا حبايب !!! منهم مع الاموات مبطي استراحوا ....................... ومنهم مع الاحياء ناسي و غايب ------- ياحيف بزحمة الدنيا نسينا نعيش ...................... نسينا العمر لو عدّا فلا يرجع !! تمر سنينا وتمضي بـ كيف وليش .................... عبث محدن يجاوبنا ... ولا يسمع!! ---------- "مسا تشرين" جاي وفي جيوبه برد ........................يسوق الغيم والرحمة لسما بلادي مساه اللي يجمّعنا .. بليالي الوعد ....................... يجي مثل المطر دايم نقي وهادي ------------ كل الحكاية دق قلبي ،، وحبيت ....................... واشتقت لين الصدر ضاق بضلوعي بالله لو في يوم .. بالحلم مريت .......................... قرّب وكفكف في يدينك دموعي --------- ورا عوج الضلوع اللي بها دارك ..........................أحس بفقد يكبر بي ..يوجّعني بكل ليلة انا ،، والشوق زراوك ............................ ولكن "خيبتي" دايم ترجـّعني ---------- انا من اول سنيني لقيت الهم ساكن بي .................. يماشيني أخو دنيا .. ولاقصّر معي او خان اقول ارجوك لو ترحل عجز يتحملك قلبي ................... يردّ بحزن لاتقسي .. ترانا حسبة الاخوان --------- صدقيني نظرة الانسان تغني عن كلامه .......................والمعاتب مايفيدك لو بغـا الصدّ ونواه احبسي دمعك بعينك لملمي باقي الكرامه ...................من يبي الفرقا وبكيفه صدّ .. خليه بهواه -------- شفنا كبـرنا وشاب فينا املنـا **** وضاقت صدور الامنيات الكثيـرة سنوا سكاكين الخيانة لــ جملنا ****من يوم طاح ولا استمرّ بمسيره احلام |
رد: وطن الحرف والحلم ... مرسى الأحلام http://im69.gulfup.com/OUWXv.png تعال بكل اجزاءك انا ماابي تجي اقساط ............................... اذا تبغاني تجيني ياكلك ياالعوض بالله تجي خطوة تلاقيني على دربك قطعت اشواط .............................واذا اقفيت اقفينا ومن اللي "عافنا عفناه " |
رد: وطن الحرف والحلم ... مرسى الأحلام قال : تعال اقهويك الولــه لأخـر الليــل واسقي عــروقن ناشف الدم فيهـا كنت اتحرى من الضمى لمعة السيل شحّت غيومك ..... ماروتني يديهـا" قلت : جيت وسما الاشـواق غيـمٍ مظاليــل هلـّت مـزون الخير ... من جانبيـهـا القلب اخضــر والاماني تساهـيـــل مدّيـت كــفّ الوصل ..سلـّم عليهـا احلام |
رد: وطن الحرف والحلم ... مرسى الأحلام على درب الامل مـدّ الخطا يمكن ... تلاقي لك هناك .. "احلام ورديـّه" مابين الخوف والممنوع والممكن ... يموت الحلم .. من يدفع له الديـّة ***** انا ماعادني صغيرة كبرت كثير ... عرفت ان العمر لو راح يعني راح عرفت ان الزمان المرّ فينا يسير ... وكل خطوة تموّتنا .. بدون سلاح ****** عطينا من قلب من غير اي منـّة ... نظن الناس تستاهل مثل اول نمد الطيب مانبغي سـوا الجنـّة ... غير الله ..ما نرجي ولانسأل ***** انا طيبة وبأحسن حال لا تسأل ... وذا قلبي ورا ضلوعي على حاله اعيش واكل واشرب مثل اوّل ... واعالج جرحي الموجع .. بإهماله ****** وافرش لك ضلع صدري عشان تمرّ ... بكل خطوة تعديها ... أهلـّي بـك وانـذر لك اذا تعبت ضلوع الصـدر ... امد حبال ...شرياني وأعدّي بــك ****** ناديت بأسمه وردّ بشوق "ياعيونه " ... ذابت عروقي ودارت دنيتي فيني فدوه لعينه .. عيون اللي يحبونه ... وحده يساوي بهالدنيا .. نظر عيني ***** لو لهذا الشوق صوت وصاح وينك !!... سالت عيون السما وهبـّت عواصف ولو حصل له يوم تحضنـه بيديـنـك ... ذاب مثل الشمع احساس وعواطف **** لا تظلم الليل .. كنه هو فتح جرحك!! ... مبطي جروحك بوسط القلب مفتوحة مايجرح الليل .. او يقدر على فرحك ... هاذي القرادة سببها العشق وجروحه احلام |
رد: وطن الحرف والحلم ... مرسى الأحلام صباح الخير يايمـّه عساكِ ... الحين بالجنـّة مابين السدرة والكوثر سعيدة وخاطرك رايق عسا رب السما راضي " يايمه " عنـّك وعنـّا ويهوّنـها على منهو ... يعيش بغيبتك ضايـق **** يسـعد صباحك كل مالاحت الشمس ................ أحلى صباح يمر وانت معايـا ياعلّ هذا الصبح .. اجمل من الامس ................... واثنينا للعشق نصبح حكايا **** يسعد صباح اللي بهالليل سهران ***ولـيلة سعيدة لكلّ نايـم ورايــق النوم يجفـا كلّ عاشـق وولهـان *** االلي بسبب الفراق بالحيل ضايق ***** جو الشمال الحين رايق فؤاده ...................... والغيم فيه يدندن بعذب الألحان قرب يصير الليل سكر زياده .................. وعـرعـر تغازل كلّ عاشق وسهران ***** الليل يحلى في وجودك ... ولقيـاك .................... وينك تجي وتشوف وش كثر شوقي " ضمة غلا "مابين صدرك ويمنـاك ..................... يشهد علي الله ... تحيـي عروقـي ****** وينك... !! حبيبك له ليالي يحاتيك **** مشتاق .. وده لو يحسّ بـ حنانـك بالعـون فجأة لو بـ بـابه يلاقيـك **** يمكن يبوس أخشاب بابه عشانـك احلام |
رد: وطن الحرف والحلم ... مرسى الأحلام تدري صباحك غير صبح المخاليق ........................ رايق بنكهـة بـنّ اشقر يمانـي الناس تغلي البن وسط الاباريق ........................ وبنّـك يفوح بجمر عوج المحاني رشفة برشفة لين تروي المعاليق ...................... ويذوب شهد الوصل شعر وأغاني ويزين معك الشعر واحلى الطواريق ....................."يسلم لسانك و ألف يسلم لساني " احلام |
رد: وطن الحرف والحلم ... مرسى الأحلام تدري وش اللي فاقدة بعد فرقاك ....................... صوتـك على هالصبح لمـّا تغنّي وضحكة شفاهك لو بتهمس انا اهواك ....................... وريحة يدينك يـوم فيها اتحضنّني اشتاق صوتك ضحكتك همسة شفاك ........................ اشتاق صدّك لو بصـدّك تجـَنـّي واللي خلق لي قلب ..كل همه رضاك .......................قادر يجيبك لـو بلحظـة ... تمنّـي احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام قال : رآحوآ بسرعه / كنهآ سرعة الريح بس العرب من طيبهم / مَ نستهم الآرض عجزت لآ تشيل الطحآطيح تضآيقت من ثقلهم .. وادفنتهم !! قلت : راحوا ودرب البين مابه مصابيح الله ينـّور عاالقبور الـ/ حوتهم ليت القلوب اللي اتركوها مجاريح راحت معاهم بالظلام احضنتهم احلام |
| الساعة الآن 10:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011