شبكة الشموخ الأدبية - معذور صدرك دكه اليوم داكوك (جديد)

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - معذور صدرك دكه اليوم داكوك (جديد) (http://www.alshmo5.com/vb/t37071.html)

معذور صدرك دكه اليوم داكوك (جديد)

السلام عليكم ورحمة الله وبركاته

جديدي للتواصل

+

معذور صدرك دكه اليوم داكوك=لا صار قلبك كل هم ٍ يدكه
يا خوي هوّنها وبع ناس باعوك=واشتر وفيّا بالهوى شاع صكه
ترى تويتر ما يجي منه مبروك=وبعض البشر ودك سليمه تصكه
النفس اماره تمشّيك تكتوك=وصرت الخفيف اللي فضوله يزكه
اخذ صحيح الهرج والزعل متروك=يا خوي قلبك كل بنتٍ تهكه
قلبك خضر تركض ورا البنت مملوك=لعبٍ بك الخفرات و العرس تكه
لا لا يغرّك كل من هامك اللوك=ترى البشر انواع واشكال سكه
ذاك البخت يغريك في حسن وسلوك= حتى يجيبك في ذبابيب نكه
تهديه ورد و يزرع ابدربك الشوك=وياغافلين ..الله لكم صعب شكه
يكتب شجونه ميرعينه على البوك=واليا تمكّن صرت راسك تحكه
أخذ النصيحة من كلامي وانا اخوك = وتزين بعد أيام لو شفت ضكه
اتعب مع الخلان بالود لاجوك=وخلك وفي ود البزارين مكه
انسى تويتر وأجف تغريد وانكوك= وأهجر غثاه وفكة ٍ منه فكه
وان كان جاء للقلب يا اخوك داكوك=اصبر وتفرج كل ضيقة و دكه

سامي احمد الدحيلان