قصيد الحب

ياليلتي ليلتهـا في حـزة النـوم=من فرحتي والله شرد نوم عينـي
اسمعتني صوتك وهبّلت بي يـوم=ما غير أسمع صوت حب وحنيني
ياني سعيد ٍ والحزن راح ملـزوم=دام الفرح صوت السعد بات فيني
صابر ثلات اسنين مكتوب مقسوم=ما أسمعه صوتك وراحت سنيني
أهديت لك حبي من القلب مفهـوم=وهذا حصل ولا طرى لـك تجينـي
أكتب قصيد الحب عاشق ومغروم=واللي فهمته مـن ودادك .. تبينـي
كنّي فريس ٍ بين الآوهام مهمـوم=ما لي عمل ما غير أفرك يدينـي
يا زين .. لولا صورتك كانت اعلوم=كان الهوى كله ولا شي شينـي
شعارنا .. الاخلاص .. ما نقبل اللـوم=انته رفيق الدرب وانتـه ظنينـي
ما نفترق .. دام المواعيـد بنظـوم=يا الله عسانـا باللقـآ مهتنينـي

سامي احمد الدحيلان