دخيلكم لاتنهروني وانا ابيه

الشعر يطربني وانا اطرب قوافيه = ابدع واسوي شي ماينتسوى
غزل .. عتب ... فخر .. حزن لو اناديه = جتني تلبي لي وانا بنت حوا
ياللي تكثر بالحكي والمشاريه = خليت حرفي بين ليتٍ ولوا
حرمة ولكن اسقي الحرف وارويه = ضلعي عوج وبحجتك لاتقوى
الله خلقني من يسارك وانا فيه = اهوى دفاك ومن نفسك اتهوى
عبدت ربي مااخالف مباديه = وفي كل خطوة قبل اخطي اتروى
احب شعري هايمة في قوافيه = طفلٍ وانا امه بالشعور يتطوى
دخيلكم لاتنهروني وانا ابيه = موتي محتم ان عطاني جفوا
من يوم انا طفلة وفكري يباريه = ياما الورق تحت الوسادة تلوى
وان باعني ماابيع لاوالله اشريه = واسوق مهره قلبي اللي تكوى
واسري بليلٍ له وشوقي يناديه = من بادي اوقاتي وله بي مروا
ماخانني يوم العواذل تنافيه = ياما سقاني من حلاته بنوا
واسدل علي بعذب الألحان واعطيه = عذب المشاعر بيننا عهد خوا