إن نشدتم من هي هذي هذي هي بدر الليالي
ذكرها بالخير بادي مثل شمس ٍ في ضحاهـا
مبدعه شـعراً و نظماً واقعاً ما هو خيـالي
حققت مركـز مثالي مثل أنجم في عُلاهــا
درّة حروف المشاعر صاحبة تاج المعالي
والفراده والريـــــــاده وكل إبـداع ٍ تلاهــا
حرفهـا يبني صروح العز كان ولا يزالي
لا تبالي برآي حاسد سدّد الله كل خُطاها
سّـيده حرّه فطينه من أصل طيّب وعالي
صاحبة فكر وكياسه وبالعقل زايد حلاها
في شموخ القاف تروي ذائقتنا بكل حالي
حيثها للحرف بحر ٍ واللآليء من ثراها
ما نراها إلا تكتب كل ما يُثري المجالي
من شعور الصدق والا من أحاسيس ٍ تراها
تشعل الحرف البلاغي من صدى الحس المُسالي
ناحته صوره بهيّه تعجب اللي قد قرآها
هي أميره مستنيره للشعر أول وتالي
وكل شاعر تستثيره بالمعاني وما وراها
إسمها يُذكر وعالي كالعَلَم فوق الجبالي ذكرى الغالي للمعالي سيرها يسبق سواها نبضها يعلن تفرّد بالصياغه بْلا جدالي
وآرضها دايم تورّد زاهره يسحر شذاها
درّها المكنون راقي بالجواب وبالسؤالي ذاكرتنا تحوي ذكرى والغلا رجْع لصداها بين ( احساس السطور ) النرجسيه والظِلالي
الوعد (حضرة جنابه) نجمها يعانق سماها
وفي ( غيابك أظماني ) الشوق وجفف كل غلالي
تسأله ( إروي حنيني) ومن سواقيها سقاها
(مهرة ٍ تزهى لقرم ٍ) غالي ٍ دون الرجالي
عندها (إحساس شاعره) و يغربل محتواها
(صمته القاسي) كسرها والتجبر والتعالي
لكن (الذكرى الجميله) هي تداوي ما آعتراها
( سهم ظلمه ) صوّب القلب المتيّم بآعتلالي
وللحزن قالت ( علامك يا حزن ) دوم اتغشاها
وبعده قالت ( تعال أصير لك موطن ) و منزالي
ونقطعه ( غصن الخيانه ) وكل ما سبّب بلاها
شوقها زايد و ( مافي الشوق حيله ) لو يحالي
هو هواها و ( جت لأجل الشعر ) ولا غيره دواها
بينما ( حظوظي قليله ) وهذا هو حظي وفالي
قالت ( لمّني بجنون ) العشق ومقصدها غلاها
هيبته ( هيبة ملك ) في مختصرها وبالإجمالي
وفي ( صروح الحب ) تسكن واتّذرّى في ذراها
ولو تحقق ( حلمي الوردي ) زاده جاهي ومالي حيث ان ( الغالي ) لي منوه تعدل الروح وصداها ( لا تضيّعني) حبيبي فالهجر طوله عطالي
( لا ضرر ولا ضرار) الحكمه ذي ضاوي مساها
أما في ( نبض القوافي ) نعبّر شعور ٍ مثالي
وفي ( علامه فارقه ) تفرق سَعَدها عن شقاها
وآنا ( لعيونك ) كتبت حروف الغلا بطول بالي
وغار منها ( خفاش الظلام ) ويطعنها بقفاها
يا ( صباح الحب يا غالي ) صباحك هو منالي
وهذا هو ( بيت القصيد ) المعني في قمة عطاها
( هيبة الصمت) المُهيبه أرتجف منها.؟! مُحالي
ولكن ( ضعفي روعتي ) ما غير ضعفي من قواها
نزفها ( وجد الجراح ) وكل جرح ٍ له نضالي هذي شاعرتنا ذكرى نبع الحروف ومرساها ما أجامل في كلامي حرفها يبرهن مقالي
مكسب ٍ للشعر مثري والشعر فيها يتباها
والعذر إن كان حرفي مقصّر بوصف الكمالي
رغْم حرفي فيها قاصر ما يوفّي مستواها
’،
جوهر الراوي
`;vn hgyhgd Z ahuvm hgogd[ hgH,gn >>>!!! `;vn hgyhgd Z ahuvm hgogd[ hgH,gn >>>!!!
الإهداءات
ذكرى الغالي ~ شاعرة الخليج الأولى ...!!! 
العرض العادي
المواضيع المتشابهه الموضوع: ذكرى الغالي ~ شاعرة الخليج الأولى ...!!! 
