الانتظار

يابو وليد الدمع من ناظري هــــــل=والعين ماحدن عن بلاها نشـــــدها
والمشكله ماني محصل لها حـــــل=كبرت على فكري وكثرت عقدها
والمنتظر من ربع ساعه يبى يمل=يبى يحسب الثانيه من نكــــــدها
يقضي حياته بين ياليت ياعـــــل=ثواني الساعات يحصـــي عددها
وانا انتظرمن هولوضعي تزهــل=والنفس مركيها على اقصى جهدها
والقلب عن درب السنع تاه مــادل=وش عاد لوقلبي جروحه جحدها
مرت سنه والثانيه هلالها هــــــل=والثانيه مدري وش اللي بعدهــا
والموعد اللي بيننا يافتــــــــى زل=ولادري متى هـالناس توفي وعدها
لاجاء منه مندوب ولاكتاب مرسل=كلمه نطق فيها وهو ماعتمـــــدها
مدري نحاه الوقت والوضع مجل=وتاجيل حل الوضــــــع امر ودها
والا جعل باب يجيـــــــــــبه مقفل=وضيع براهين العقود وســـــندها
ولاهمه ان القلب يرضى ويزعل=ولاهمته كبدن بوضــــــعه لهدها
وقلبي صببورلكن الالوصع طول=ويامر صبر اللي عيونه فقـــــدها
لاشك رح يمه وبلـــــــغه واسأل=قله عسى حاجة رفيــقه وجدهـــا
ولو هي كلافه يالسنافي تجمـــل=باللي يسامر لليلته مارقــــــــدها
قله متى حـــــالا بحال يتــــــبدل=ويارد عدودن سابقــــن ماوردها
ويرتاح قلبن من عنى الود مغتل=ومتى اجي واحل ضيف بلادهــا
ان كان عنده حل خله يعجـــــــل=والا يروح للناس حلي بيــــــــدها
والا ترى هرجه سنا الشمس بالظل=والا سحابة صيف نسمع رعـــدها
واختم كلامك بالحقائق ولــــــه قل=ان كنت رجلا ؟؟؟؟؟؟الوجه عدها