ديوان الشاعر عبدالعزيز الفدغوش

ياالله ياللي بغيب الايام عـــــــــــــــــلام =يامبدي ومعيد خلق الانـــــــــــــــامي
يامدبر باحكام تصريف الايـــــــــــــام=ياموجد سر الفضاء من عـــــــــدامي
يامسير كل الكواكب والاجـــــــــــــرام =حسب المقدر في بديع النظـــــــــامي
ياموجب بين الورى عدل الاحكـــــــام= يادايم مابه لغـــــــــــــــــــيرك دوامي
ياواهب كل الفضايل والانعـــــــــــــــام=باسماك ندعو ياعظيم الاســـــــامي
يالله تعز بعزتك دين الاســـــــــــــــــلام=وترفع بنوده ياعزيز المقـــــــــــامي
ترفع لواء التوحيد من فوق الاعــــــلام=شرق وجنوب وغرب قبله وشامي
يالله تفك الدين من خبث الانســـــــــــام=وتجلى بنورك مدلهم الظــــــــــلامي
يارب شتت رامي الحق بســــــــــــهام=يامن بسهمك والمـــــــــــقادير رامي
مافيه حي يلتجي لك وينضـــــــــــــــام=وعز بلا منهاج عــــــــــــزك هدامي
يارب تبعد عننا شبح الاسقــــــــــــــام=عطفك ولطفك في بلاد الســــــــلامي
يامضفي حسناك في دار الاكــــــــرام=جنب وطنا زارعين الاثــــــــــــــامي
ناس على زرع الفتن تعزف أنغــــــام=وتشن حملات الخطا بانتقـــــــــــامي
ضد المبادئ سخرت زيف الاقــــــلام=وترمي علينا طايشات السهــــــــامي
بين الاشاعه والاذاعــــــه بالاوهـــــام=تزيد موجات الفتن بانتظـــــــــــــامي
تنعت بلدنا بالتطـــــرف والاجـــــــرام=رغم الوضوح بنهجنا والمـــــــرامي
طرح التـــــعقل نلتزم به بالاعـــــــلام=ثوابت ماهي دليل انهــــــــــــــــزامي
نثبت دلايل صدق الاعمال بــــــارقام=وعن الصغاير نرتفع بالتســــــــــامي
بين المحافل مانــــــجاري للاقــــــــزام=مبدا شموخ عن رخيص الكـــــلامي
نسعى لغرس العــــــين والدال والـــلام=بين الورى وشعوب حام وســــــامي
على الشريعه مانـــــــساير لظـــــــــلام=ونرفض مبادئ مستحـــل الحــــرامي
نشجب نداء الارهاب بأشكال وأحجام=ولانستمع لأصوات زرع الخصامي
مانستمع بالدين لأهداف هــــــــــــــــدام=ولانستكين ولا نصافي حــــــــــرامي
على الوفاء ماضين شعب وحـــــــــكام=نرعى العهود ونلتزم بالـــــــــــوئامي
نذود عن حوض الوطن طبع والــــــهام=وبارواحنا من دون حده نحــــــــامي
في موجبه عطر الثرا دم الاجســـــــــام=نفنى بعز وجانبه مايضـــــــــــــامي
يبقى شموخ العز عام بثر عـــــــــــــــام=دام التفاني يرفعه للغمــــــــــــــــامي
مجد الوطن ميزان تحقيق الاحــــــــــلام=وابلغ معان التضحيه والغــــــرامي
حنا لوطنا ودين الاسلام خــــــــــــــــــدام=ولاهمنا تنديد جمع اللئــــــــــــــامي
تمت وصلوا عد ماطاير حــــــــــــــــــام =على النبي صفوة جميع الانـــــامي