ابك السهر من عادتي وأنته صغير=وأنته على الدراجه تلف ودور
لياضحكت امك من الفرحة تطير=وأبوك يتنومس لضحكتك مسرور
غير الترف تلبس لباس المشاهير=يزعل ويرضى لأجله عينيك جمهور
بين الاوادم لك معزه وتقدير=كلاً يقول اطلب ومطلبك مقدور
تكسب وتكسب ماحسبت المخاسير=تزورك العالم وللعالم تزور
وانا تصافقني هبوب المعاصير=اجازف العميان واجازف العور
حافي قدم ومشي مع الدرب وأسير=بين الجفا والغبن والظلم والجور
حط الرشاء فوق المحاله على البئر=أسق الدبش ورع الدبش عبد مأمور
انسان لكن عالمه عالم غير=مع عالمن ما عندها إحساس وشعور
احضر وغيب ولالي آيات تأثير =ماحدً سمع هرجي ولاردلي شور
يتيم جاهل منصفته المقادير=ماساعده حضه ولاصار له دور
اكبر ويكبر هاجس الشر بعمير=والذنب عند عمير ماهو بمغفور
اما كفخ وأبعد مثل كخفة الطير=ولا بقى طيراً بجنحانه كسور
لاصار شئ ولابقى شئ يصير=لاعمير لاناصر ولاخوه منصور
تمسين ياعرف الحقائق على خير=ويسعد صباحك كل ماشعشع النور