قفت وانا قفيت عنها وصديت= ودعتها قلت ارحلي وتركيني
وبعد ثلاث سنين ماعقب ماقفيت= ترسل علي تقول لازم تجيني
تقول انا عقب ترى ماتهنيت= بعدك عذاب الروح يانور عيني
اصبح على فرحه ولكن لامسيت= اخفي عن العالم بقايا ونيني
حاولت انا اسلى عنك لكن ازريت= طيفك ليا جا النوم دايم يجيني
اتخيلك قدام عيني لاسجيت= وليا انتبهت اقول وينه وويني
انته على كل الخلايق تعليت= واصبحت يالمحبوب مني وفيني
تدري بحبك يوم غيرك ماحبيت =ببقى بحبك لو تطول السنيني
وعقب الكلام وعقب منها توحيت= الدور دوري وسكتي وسمعيني
يابنت انا من جملة الحب مليت= يكفي عذابن فات لاتعذبيني
انا على الدرب على المحبه تعنيت= لكن خل السر بينك وبيني
انسي وانا بنسى ولو ماتناسيت= انسى مع الايام لو تذكريني
ولاتقولي لي وشفيك فيني ترديت= ماهو ردا حكم القدر صدقيني
كتبت لك مافي ضميري وغنيت= اعذب حروفً كاتبتها يديني
بودعك وروح من عقب ماجيت= وعقب الفراق اليوم لاتحتريني
مع السلامه يحفظك والي البيت= وعلى القصور امانتك سامحيني