صح الله السانك

صح الله السانك عزيزي غرامـي=واحساسي اللي باشتياقٍ كتبهـا
الناس هي للناس و افهم كلامـي=مشاعر ٍ تنقـال عـذبٍ نسبهـا
ما هو خطا يا صاحبي في نظامي=و نفسٍ وفت ماهي تخالف عصبها
ما هي غريبه ارتخيلـك دوامـي=راعي محبه ما حدن بي غصبهـا
يا صاحبي نفسي تبـادل سلامـي=وش صار بين الناس تبدي عتبها
كنت انتظر منك معانـي تسامـي=لكن لقيت انسـان بايـع خربهـا
ماقلت لك وش فيك زدت بحطامي=ولا رضيت اشعل لنـارك حطبهـا
مو مشكله املي الحياة ابتسامـي=واللي كتب للروح محـدٍ غلبهـا
ماترتضي للغبن نفس العصامـي=وقلبي إلى من كل حـالٍ حسبهـا
لا تحسب انك صغتني في ظلامي=ياما نجوم الليل صاحـب طلبهـا
ماني من اللي بان هايـم هيامـي=ولا عشقت اللي تطقطـق كعبهـا
كنت احسب انك فاهمٍ في مقامي=لكـن سلامـي للمغالـي ذهبهـا
قلبي ترى مرتاح ناظـر قيامـي=دام المحبة في شمـوخٍ كسبهـا
مني ترى مسموح وانسى خصامي=من يوم يالمحبوب تشعل لهبهـا