 نفحه رطيبه وبارده ومعطره
 اسعدكم الله بجميع اوقاتكم بكل خير ومسره
نفحه رطيبه وبارده ومعطره
هلا بالرذاذ اللي يجي معـه ريحـة ورد=ألا ماانعـش النفحـه رطيبـه وبـارده
على جاش من مايناسبه غير فصل البرد=أحـب الشتـا واخلـي الـشـرد وارده
أحب المطر واحب أملك سمـان الشـرد=تجيني مطيعه عقـب ماهـي بشـارده
تجيني تبارا ليـن تاصـل بليـا طـرد=ألا مااطعـم الصيـده بليـا مـطـارده
بعضهن فريـد ولاتدانـي لثانـي فـرد=سوى اللي يشابهها مع الشكـل فـارده
طوال المعانق واسعات العيـون وخـرد=الـى شافهـا القنـاص يجيـه قـارده
تبي راميٍ راكد يحوي الطـوال السـرد=ولاتمل من قافـه ولـو كـان سـارده
تبي ماهرٍ مايحـط حرقـان والا عـرد=صعاب القوافي ماتجـي معـه عـارده
تبي فكر حر ومنجرد مايبي لـه جـرد=يعبر المحيـط وعـده الشـط جـارده
تبي من يسوق الصادرات ويقود الـورد=علـى منهـلٍ ياقـل شعـار تــارده
مهو كل حاجه ياجماعه تسـوى ثـرد=وهـو كـل نـوعٍ لازم يجيـك ثـارده
يكسر بزود ونقص يالين تطلـع حـرد =وهو كنه عريمان ( نـارت وحـارده
تقديري للجميع
بليهيد العتيبي
|
جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
بليهيد العتيبي - القسم :
منتدى الشعر الشعبي
- رابط الموضوع الأصلي : نفحه رطيبه وبارده ومعطره
التعديل الأخير تم بواسطة ذكرى الغالي ; 10-06-2012 الساعة 01:13 AM,
| 
الإهداءات
العرض الشجري
