حب الوطن

بمناسبة يوم الوطن يا بــــــــــــــــــلادي=أهديت لك من شعري أجمل قصيـدة
قصيدة تشرح سعادة فـــــــــــــــــــؤادي=واحساسي الصادق يقدم جديـــــــده
حب الوطن شفي وغاية مـــــــــــــرادي=وأكتب شعوري في فرائد فريــــــدة
يا موطني كل بصيتك ينـــــــــــــــــــادي=مقدساتك بالفضائل شهيـــــــــــــدة
يحميك ربي من شرور المعـــــــــــــادي=اللي سعالك بالحسد والمكيـــــــــدة
حنا جنودك في نهار الجهـــــــــــــــادي=عدونا لو عاد نقطع وريــــــــــــده
في ساعة الصيحة نشد الزنــــــــــــادي=إما نرد الخصم والا نبيــــــــــــــده
بارواحنا عن مملكتنا نفـــــــــــــــــادي=لجنودنا مرت تجارب عديـــــــــــدة
معارك الخوبة ختام الحصـــــــــــــادي=خلت جواميس الراوفض شريـــدة
جونا جميعا وانثنوا بانفـــــــــــــــرادي=ضلت كتايبهم للبطال صيــــــــــدة
رغم إن وضع الجيش كان اقتصــادي=ما كلف أفواج هممها مجيــــــــدة
والا لو إنه صاح في كـــــــــــل وادي=كانت جيوش الفرس عادت زهيدة
لكن وضع الحرب بالحيل عــــــــادي=ما كان يستدعي عددنا نزيـــــــــده
هذا بفضل اللي لمن تاب هـــــــــادي=خلا العدو يرجع بما لا يريــــــــده
في عهد أبو متعب عدوالفســـــــادي =قامت ركائز في وطنا شديــــــــــد
كل سعى فيها بكل اجتهــــــــــــادي=فيما يفيد المملكة والعقيـــــــــــدة
حكامنا قاموا بنشر الــــــــــــودادي=من بعد تكبيت النفوس العنيـــــدة
أخفوا سراديب الجهل والسـوادي=الشعب واعي والحكومة رشيــــدة
واللي تنحى عن طريق السدادي=يرجع وناره وسط جوفه وقيــدة
يا الله رحمان رب العبــــــــــادي=تجعل سعادة مملكتنا مديــــــــــدة

يا موطني نفديك بالروح والمـال=نحميك من كيد النفوس الشريـــــــرة
حب الوطن حق على كل رجــال=واللي نسى فضله هو أعمى بصيــرة
مكة وطيبة ذكرها يشرح البــال=في موطني يا جعل ربي يجيـــــــــــره
أجدادنا قدامنا عاشوا أبطــــــال=في ظل حكامك أسود الجزيــــــــــــرة
حنا جنودك ضد تحريض لنـــذال=عدونا يرجع يدينه كسيــــــــــــــــــرة
جيش السعودية له أقوال وأفعال=متميّز في قوته والذخيـــــــــــــــــــرة
عدو دولتنا رجع طايح الحـــــال=بالسيف خليناه عبرة لغيــــــــــــــــره
عبد العزيز أسس منارات لجيال=خلّف رجال سيرهم في مسيـــــــــــره
تاريخ حافل بالبطـــولات لا زال=مشهود له بالخير في كل ديـــــــــــرة
في عهد أبو متعب تحاقيق لامال=أعطت يدينه كل ناس فقيـــــــــــــــرة
عم الرغد شيخان شعبه ولاطفال=والكل يمشي في مرابيع خيـــــــــــره
هذا وطنا يعتبر مضرب أمثـــــال=بقيادة اللي بالسماحة تديــــــــــــــــره