تقول يا عمري وانا اقول لبيه

تقول يا عمري وانا اقول لبيه=وش الذي تبغيه يا بعد حالي
تقول يا عيني ترى الخل يكفيه=شوفة حبيبه لو مثيل الخيالي
ذكرالوداع ارجوك لا عاد تطريه=اخاف ياجيني الهوس والهبالي
وصلك يابن ( ) بالعمر نشريه=روحي فدا رجليك يابن الرجالي
حبك سكن بالقلب داخل محانيه=من قبل عشره اعوام زاد انشغالي
لا تحسب ان اللي مضى كنت ناسيه=حبك نحته بالحشى وانت غالي
عليك دمعي ينتثر من مجاريه=رغم المشاغل والتعب والعيالي
اسمك الى من جابوا الناس طاريه=افز وابحث عنك في كل جالي
انته نظر عيني وغيرك فلا ابيه=وانت العزيز اقرب قريب موالي
واحلف بربي القلب محدٍ سكن فيه=غير انت سيد للورى اشغلت بالي
جمر الحشا ما غيرك احدن يطفيه=ارجوك عجل قبل وقت الزوالي
حبك جرح قلبي ولا يمكن اخفيه=والعلم لايخفاك يابن الحلالي
وفاك بين الناس لايمكن نحصيه=غطى على اهل البيت مثل الظلالي
داخل عيونك حبنا العام قاريه=وحنا على ذاك لعهد ما نزالي
قلت انتهيتي من كلام حكيتيه =قالت كلامي فيك مثل الجبالي
ابو جلال يقول يا بنت يكفيه=يكفيه منك صورتن واتصالي
والحب الاول كيف يا بنت نمحيه= ما ينمحي في مقبلات الليالي
جمال خدك كنك اللي رسمتيه = سبحان ربً حط فيه الجمالي
طيفي الى من جاك بالليل ضميه=وستانسيبه لااصبح الجو خالي
وطيفك ليا من مرني بحتفي فيه=وافرح الى من شفت زولك قبالي
احمد ولي العرش الارزاق بيديه =مادام فالعشاق واحد صفالي
قلب الكثيري يا الله انك تشافيه= سايلك ياالله ياعظيم الجلالي