همس روح

ياسيدة كل الحرف
الأوله والآخره
الى متى هذا الألم
وإلى متى هذا الوله
لو تصفحي
بتنور الدنيا زهور
وبتورد خدود الحروف
وتبتسم روحك فرح
لو تصفحي
ياسيدة كل الحروف
لو تصفحي وتتسامحي

ودك تسير علي ..؟
ودك أخذك لأمانك
واستفزك
واستثير الشوق للشِعر بعروقك
ودك اسير عليك..؟
واستمع نبضك
وارتب آخر أبياتي عليه..؟!!
لا غفــا جفنك تعب ..
مد كفك للسحب
واحمل فؤادي معك..
واعتبرني مثلما أنا اعتبرتك
نبض روح
وبوح روح
وصمت روح
ونلتقي
لو بالأحلام السعيدة
دام ما تقدر حبيبي
أنك تسير علي

لمني بيديك أبي اغـرق واتـوه / / عن دروب.ن كلها ظلـم وتعـب
ومن سئل عني ياناسي خبـروه / / لملم جروحه ومع خلـه ذهـب
كانوا أصحابه معه لكـن نسـوه / / ورغم حزنه قال أنا صمتي ذهب

بتعطر بالشِعر
ولك برتب من كلامه كل نبض
وكل صدق
يترجم الشوق لحروفك
نبرة الشوق بكلامك
كم أنا أحسد حروفك

ماتمر الإ شفاهك ولا تناجي
الإ خيالك
كم أنا أحسد حروفك

ياللي غيابك طال
سامحني غيرتك..
حبيت ... بدلتك
بحبيبي الأوفى
الغالي الأصفى
اللي معي ساكن
في روحي ودمي
اللي معي ساكن
عايش على همي
أسف ولا تحاول
خلاص بدلتك
حبيت بدلتك
تدري حبيبي بمن ..؟
بك قبل لا تقسى
بك قبل لا تنسى
يوم المواني صمت
وحديثك الأعلى
وأحساسك الأقرب
لروحي وعمري
وبديت رحلت حب
معك أنت مالأول
معك أنت مالأول
ياللي غيابك طال

ياسيد الغالين
لا تعجب من الحزن
الحزن بثيابك
الحزن بظلوعك
والحزن داء الروح
مهما نسيت جروح
باقي بروحك نبض
بس أنت لو تدري
أنا دواء حزنك
آقف مع قلبك
واصارع جروحه
أوعدك مهما
كان حزنك اكون اكبر
أكبر واكون اقرب
لك من هدب عينك