سلام يا اللي معذبني

سلام يا اللي معذبني وحبيته = اغليك واعشق عذابك يا نظر عيني
يا اللي عشقتك وعنك الحب خبيته = لو قلت بابعد ترى ماعاد يمديني
تدري ويش اللي من امس وجاي حسيته = حبيتك اكثر واخاف انك تخليني
دار الغلا اللي ماشوفك جد داريته = اعذارك الاوله ماعاد ترضيني
يا قو قلبك على اللي في سويته = الله حسيبك على ما تعمله فيني
حطيتني في مكان ً ماتعديته = كنك على اللي تبي مني موصيني
وفي كل لحظة تمراقول ياليته = اظن به يوم احس انه يراضيني
وتدري ويش اللي بعد هذا تمنيته = اما انك تميتني او عاد تحييني
يا حاضر معي ماعمري تناسيته = كنه مثل دمي اللي في شراييني
ولا اروح مع شارع الا مر بي بيته = كل الشوارع على بيته توديني
واثر اني اعطي طريقه كل ما جيته = وانا احسب ان الشوارع لاعبة فيني
ولا مني ابطيت عن بيته ومريته = كنه على بابه الخلفي يناديني
واحس كنه يكلمني وضميته = ضمة من الروح بين الصدر و ايديني
واجيه لوكان ما جاني ولا جيته = اثرة خيال ً لعب في حسبة اسنيني