صابر و الامال افتحت كل الابواب=يوم التلاقي انجبرت انكسارك
لجل الوفا والتضحيه بين الاصحاب=كل ٍ لقى خله و انا فانتظارك !
ولجل الجفا والتسليه بين الاحباب=شوقٍ يتـيـّه بين بردك و نارك !
ستة سنين و خاطري عنك ما طاب=رغم انتظاري ما رجيت اعتذارك
شفني على حدسي تخاذلت الاقراب=ما همني نفسي ولا جار جارك
من حب يتحمل مخاليب و انياب=حتى ولو كلف بالامر انتحارك !
كني من اللبس متعري و في داب=يدبي على جسمي قراره قرارك !
دثر خفوقي يا خفوقي و انا شاب=حاول على مهلك تجي باقتدارك
يا فاتن عيون العذارى و الالباب=الزين زينك و الحلا باحتكارك
شفني اذا تحيّرت زولك او منصاب =شفني اذا ضعت بليالي نهارك !
لا تعتبرني مذنبٍ ما بعد تاب=ولا تعتبرني تايب ٍ من ديارك
صابر و الامال اغلقت كل الابواب=يوم اللقى ما جاني الا احتضارك !
الموت لو قدّر مواعيد الاحباب=ماكان موتني وانا فانتظارك!
عماد السرحان
حسابي على تويتر
اتشرف بتواصلكم
الإهداءات
فانتظارك ! 
العرض العادي
