 
الإهداء
إلى رجل المواقف والعمل بصمت النائب السابق
عسكر عويد العنزي
لما له من مواقف تستحق الإشادة والثناء
وردا على من نذر ذبح حاشي إبتهاجا بعدم فوزه بعضوية مجلس الأمة
يا ناذر الحاشي عليك الملامه = ومثلك على مكنون حقده نلومه
تبيّنت من فيض غيظك علامه= وسو ّ التصرف منك بانت رسومه
بيّن دفين المتقي بالغمامه = لو برر المنجوم خاطي وهومه
يا مدعي في عز ّ جمع الجهامه = بيان نذّرك بالخطأ وش لزومه
لا يأخذك موج الزعل والغشامه = خل الشماتة وإرتفع بالخصومه
لا يجرفك سيل الغضب بإحتدامه = وبحر الفتن والزعزعة لا تعومه
من يزرع الأشواك يحصد ندامه = ولا يترك الماجوب نبراس قومه
ما ودّك الرجّال يجرد حسامه = ويعيب بين الناس داني لحومه
الفاهم العاقل يثمّن كلامه = وعسكر تشرف يا القرابة إعلومه
رجل ٍ فرض بين الجميع إحترامه = ويسعى بجد وكل عز ّ ٍ يرومه
واصل مسيره والمعالي مرامه = ولأجل الوطن والناس يا قل ّ نومه
على شموخ المجد ركّز خيامه = رمز الوفاء والطيب يا بُعد حومه
حر ّ ٍ وفا في كلمته وإلتزامه = ولا زلزلت بعض المواقف إعزومه
في عزّته للذات يرفع مقامه = حتى بصرح العز ّ بانت إنجومه
يعمل بصمت ٍ والصراحة وسامه = وفي موجب الطولات ترجح سهومه
|
الإهداءات
عسكر المواقف ؟ 
العرض العادي
المواضيع المتشابهه الموضوع: عسكر المواقف ؟ 
