قصة وقصيدة الفارس والشاعر والشيخ عقاب العواجي
 

السلام عليكم ورحمة الله وبركاته
http://www.sadanajd.com/voices-action-show-id-6121.htm

الكل يعرف الفارس والشاعر والشيخ عقاب العواجي واخوه حجاب ابناء الشيخ والشاعر والفارس سعدون العواجي الله يرحمهم جميعا وهم شيوخ
فخذ ( ولد سليمان ) من قبيلة عنزه ذائعة الصيت ، وفي غزوه من غزوات عقاب العواجي صادف ثلاثمائة فارس من فرسان حرب وكان معه ثمانون فارسا فوقع الطراد بينه وبينهم وحصلت خسائر بين الجميع ولم يغنم إبلا من حرب ، رغم انه لم يغز الا من أجلها ، وأثناء رجوعه وعند وصوله الى أحياء قبيلته ، اعترضته فتاة تسأله عن حليلها ، وكان من الفرسان المرافقين له فقالت :
ياعقاب ياحبس الضعن باللقا الشين *** ياللي حريبك بالهزيمه يمنّا
ماشفت ذيب الخيل يوم الأكاوين *** نور العيون بغيبة الشمس عنا
هو سالم ولا رموه المعادين *** يا عقاب خبرني تراي اتمنا
فأجابها عقاب قائلا :
يا بنت ياللي عن حليلك تسألين *** حنا لنا حيّي يسألون عنا
خمسة عشر ليله على الوجه مقفين *** ندور وضح بالأباهر تحنا
وشفنا هل البل شاربين الغلاوين *** من دون رخم للحويّر تحنا
جونا ثلاثمية وحنا ثمانين *** مثل المحوص الشلف منهم ومنا
وبانت رديتهم وشفنا الرديين *** وكل عرفنا عزوته يوم كنا
ليتك تراعي يا عذاب المزايين *** يوم أن عيدان القنا يطعننا
منا حليلك طاح بين المثارين *** في ديرة فيها الوضيحي تثنا
ومنهم جدعنا عند شوقك ثلاثين *** وكم خير من راس رمحي يونا
في ساعة فيها تشيب الغلامين *** انطح نحور الخيل يوم اقبلنا
ياما نقلت الدين والحقته الدين *** وحريبنا في نومته ما تهنا
أرسي لهم يا بنت وانتي تعرفين *** لياما حمام النصر رفرف وغنا


بهذه القصيده أخبرها عقاب بأن زوجها قد قتل .

جـــهودك محل الثـــــناء والاجلال والتقدير
ولك في نوافذ العطاء المتميز وجود وتاثير

مشعل

الله يعطيك العافيه

على جهودك الرائعه

تحيتي لك

ألف شكر لـــكـ

إختياراتك مميزة جدا

رائع دائما بـما تقدم من موضوعات

مـــــشـــــعـــل الــــــحـــــــبلانـــي

جميل ما قرأت ياامير القوافي

عساك ع القوة

رد: قصة وقصيدة الفارس والشاعر والشيخ عقاب العواجي