شبكة الشموخ الأدبية - أخـــر أخبــــــــــارك هنــا قــولهــــــــا لنــا ...

"أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساسٍ..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هاذي روعة اشواقي..
أبعثرها قصيد وحرف..
أجيك ململم "جروحي"
وصوتي تخنقه "عبره"
أجيك بخاطرٍ مكسور..
وعينٍ ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق لشمسي..
بعد من صفرها للألف.!!
بحط ايدي على خدّي..
واقول امتى يجي بكره.!!
بكحّل ناظري بشمعة..
جبينك يالغرام العف..
ويسعد لي صباح الّلي..
تصبّح بك على الفطره..
أنا أدري ماعرفتيني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا أدري البشر عمله..
رخيصه في بنوك الصرف..
أنا أعَرْف البشر معدن..
ثقيل يرجّح الصخره..
سألتك بالذي زانك..
أنا ويني بذاك الصف.؟
أشوف المعجبين كثار..
واخاف تطول هالنطره..
رجيتك لاتجي بدافع..
مايسمّى كذا "بالعطف"
تراين مااملك إحساسي..
إذا قلبي بدا يشره..
"هاذي آخر اخباري"
وآخر ماورد بالكف
وانتِ وشهي اخبارك.؟
عقب الّلي سبق ذكره.!!؟