http://www.lylmd.com/upload/uploads/...2773526383.jpg
أبا آعتذر
إن كان يكفيك العذر
عن كل كلمه
تحتوي سوء الظنون
أسحب كلامي
واحذِفِه
شَطِر
شَطِر.
إن اجْرَحَتْ مشاعرك
لحظة جنون
هي غيرتي
نار ٍ تأجّج
كالجمر
تثيرني
نظرهْ لغيري
لو تكون
مهما تكون
هي عابره أو تستقر
دمّي يفور بْفورته
بعد السكون
يِطْلِعْ كلام ٍ غاضبْ
بْليّا فكِر
أحاول إنيّ أمنعه
أو لِهْ أصون
لكنْ.!
يا مسرع فلتته
مثل الصقر
ماله صبر
ممّا يسبّب لي شجون
يا صاحبي
يا أغلى عندي
مْنَ النظر
هذا العذر
وأنتَ على روحي تمون.!
’،
جوهر الراوي
http://www.worthview.com/wp-content/...07/apology.jpg

ليتني دم بْوريدك أدخل لقلبك واشوف =هل أنا ساكن بوسطه أو أحد غيري لفاه
ليتني حبر بْيدينك أقلب آفكارك حروف =أكتب اللي قد كتمته ما تبي غيرك يراه
ليتني ظل بْنهارك ليتني بْليلك طيوف =أسهر الليل بْخيالك وآسمعك لا قلت آه
ليتني بعضك وكلك.. ليتك بحالي تروف =غيرة العاشق مُصيبه والمُصيبه في هواه
ليتني ساكن بِقربك رغم تأليب الظروف=آتمعّن فيك وآنسى كل همّ ٍ بالحياه
ليتني قاعد بجنبك والكفوف تفرك كفوف=وآسمع لدقات قلبك وآتأكد من غلاه
ليتني أشهق عبيرك يوم تزفر يا هنوف=لآجل أحيا طول عمري يوم ينعشني شذاه
ليتني لصدري أضمك بالمحبه يا عطوف=لين أغفي ثم أحلم ثم أصحى من حلاه
ليتني أصبح حلالك والله إني ما أعوف=أنسعد بك وانت تسعد والسعد حقق مناه
هي أماني والأماني ربما تجني القطوف=وما على الله شي معجز لا بأرضه أو سماه
’،=’،