رسالة خاصة ...!!!

جتني رساله من صديق ٍ ذكرْني= تحمل سلامه وامتنانه وعرفان
يثني على المجهود ثمّ ٍ شكرْني=بآجمل عبارات ومودّات الآخوان
ٍ فيها كلام ٍ يا عرب قد أسرْني=ممّا دفعني للتواصل والآحسان
وهذا التفاني يا حبايب ضمرْني =معْه الدليل الواضح يضيف برهان
لي مدة ٍ بالمنتدى وكيف مرْني=كنّه ثواني في جناين وبستان
وموقعنا هذا ما يسرّه يسرْني= منكم وفيكم كلنا فيه سيّان
أخوان بالله والمحبّه تجرْني=إلى التآلف والتكاتف على شآن
الله يوفقنا يآجركم يآجرْني=ويسدّد في خُطانا من غير نقصان
والقلب في غلاكم صدقاً آمرْني=يقول يا جوهر ترى الكل خلاّن
واللي يكدّر للخواطر قهرْني=لكننا نتعوّذ من كل شيطان
حب القوافي في رُباكم جبرْني=حيث المعاني جايله كل ميدان
نذرت أنا شعري وشعري نذرْني=والشعر ديوان العرب بحر والحان
من مفردات القاف بوحي قطرْني=ينهب أحاسيسي على كف ميزان
أستورد الفكره بذهن ٍ صهرْني=واسكب سبايك كل معنى بتحنان
ومن دون هذا وذاك شوقي خبرْني=يعرف مواعيدي ومن غير تبيان
وآسمى الحروف الوافيه تعتبرْني=مهد ٍ لها هاوي على قدر الامكان
وعشق الكتابه في حشايا حشرْني=وحرفي مدادي والقلم فيه هيمان
أكتب شعوري دون حرف ٍ عسرْني=وارسم سعاده حتى لو كنت زعلان
ربّي على حب البشر قد فطرْني=سبحان ربّي خالق الإنس والجان
وهذا التواصل مع بعَضْنا غمرْني=بالطيب والإحسان والقلب ولهان
وآنا أنتظر كل صاحب ٍ ينتظرْني=وعسى التوفيق دَيْدَن ٍ طول الآزمان
والشكر للي عن قصوري عذرْني=حيث الكمال لربّنا رب الآكوان