|
الشــوق مجهــدني إهداء لمن أسماه العاشق " راوية القلب والروح" ومن أسماه العاشق " هوى روحي" بسم الله أبدأ :::: الشوق مجهدني ولابي جَـهَـد شوق والقلب مسرف به كثير إشتياقه أسباب من زوّد على الطاق مطبوق مالي على فرقــاه صبر ٍ و طاقه غرو ٍ سبق حبه ولاهوب مسبوق عـنده من فــنون المحبه لباقه لا ينفهق قربه ولا هوب مفهوق اللي سرق كل الموده سراقه ابو العيون الدعج والنعّـس الروق زودٍ على دعج العيون الرواقه غض القوام الغض والعنق منـتوق عوده صخيف و زاد صخفه رشاقه يمشي غنج لو كان ما يشتكي عوق فـديت ذاك العـود شر الإعاقه وإذا هرج كنه على الهرج مسيوق رغم إن في همسة كلامه طلاقه لو كان ما يصدق مصدّق و مصدوق يخلف وعوده رغم طول الصداقه قولوا له إني حافظ ٍ كل موثوق من العهود اللي توثــّــق وثاقه والصد يقطع كل ما كان معلوق أحـدّ من شفرات موس الحلاقه ويحط في وسط الحشى جرح وحروق و يعيق سريان الهوى كسر ساقه هو ما درى إن الهجر ما ربّحه سوق؟ ما يغــني الجــلّاب عــن كل فــاقه وهو ما درى إن الحب له حكمه وذوق؟ إن كان ما هانت عليه العـــلاقه وهو ما درى إني دم واحساس وعروق؟ وإني على شــوفــته كلي شـفـاقه حفظت أنا سر الهوى وسط صندوق و ما بحت به بين الربع والرفاقه كله لأجل من غض موق ٍ على موق و أسترسل الدمعات لحظة فراقه |
رد: الشــوق مجهــدني سلمت يداكـ صـ√ـح لـسـانـكـ مدد بلياا عدد تقديري واحترامي لشخصك الكريم وبوحكـ الراقي ذكرى الغالي http://kll2.com/upfiles/Ofa42788.gif |
رد: الشــوق مجهــدني الرائع عادل الدوسري صح الله لسانك وأجـدت في بيانك وبقي التمـــيز والاقتدار عنوانك وأعلى الرحمــن شــأنك وكيانك وهذا البيت : يمشي غنج لو كان ما يشتكي عوق =فـديت ذاك العـود شر الإعاقه يذكرني ببيت لافي الغيداني : مـدام لامعـوق ولا صايبـه عـوق= وراه يمشـي مثـل مشـي المعـوق |
رد: الشــوق مجهــدني الغالي عادل الدوسري صح الله السانك واعلى شانك تقبل الورد سامي احمد |
رد: الشــوق مجهــدني الشاعر القدير عادل بو بدر صح إلسانك و فكرك وجملت في حرفك وشعرك |
رد: الشــوق مجهــدني صح السانك وعلا شانك والله يعطيك العافية على القصيدة الرائعة |
رد: الشــوق مجهــدني صح إلسانك وسلم بنانك ونص أكثر من رائع تسلم أخوي عادل |
رد: الشــوق مجهــدني الأخ الشاعر عادل بو بدر قصـــــيدة جميله وإحساس رائع صح السانك وعلا قدرك و شانك |
| الساعة الآن 12:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011