اعلم علم اليقين اني اخسر ماتبقى لي من قبول القليل
من القلة القليلة المتبقية من اهل الشموخ
واعتذر لكل شامخة حرة ابية وكل شامخ حر ابي
ان ما ارتقى لاأطراف ذائقته هذا الطرح
ولكن هذه القصيدة هي هدية لصاحبي الامتياز
في تلك الشركة بمناسبة
تمثيلهما الفاشل والمفضوح والغير متقن
واصل القصيدة وحقيقتها ستجدونه في قسم الخواطر في " طرح فوضوي" لعادل بوبدر
يا مخرج التمثيل عندي لك شروط
من قبل تسجيل البروفه والشريط
انا ادري انك صرت مثل الأخطبوط
ما عاد يكفيك الخليج ولا المحيط
ماتنتفع من ضحكة السن البقوط
ياللي تبقّط وش جنيت من البقيط
خذيت لك في ساحة التفحيط شوط
وفي كل ليله صادم ٍ لك عرض حيط
هشمت بيبانك و عفّجت الجنوط
والبدي كله من خليط ٍ في خليط
ان كان سقت من الدراهم نوط نوط
وان كان صفصفت السوالف والخريط
ثـبّـت خطاك و لا تزل ولا تلوط
وإلا نعلمك العباطه يالعبيط
واللي معاه جنون عندي له سعوط
يداوي المجنون لو هو مستـشيط
واللي بلاه الغش والطب مخلوط
ماني خشيره في حصاد القرنبيط
إخذ الخبر والعلم خابط و مخبوط
حتى نميز في الهدير من الوغيط
بقلم
عادل بوبدر
الإهداءات
مخرجي التمثيل 
العرض الشجري
المواضيع المتشابهه الموضوع: مخرجي التمثيل 
