شبكة الشموخ الأدبية - ستة عشر برقٍ يلوح بمخايله

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - ستة عشر برقٍ يلوح بمخايله (http://www.alshmo5.com/vb/t3013.html)

ستة عشر برقٍ يلوح بمخايله

ستة عشر برقٍ يلوح بمخايله=في صدر منهو لاتغنى مثايله

منها يسيل القاع واتهدر شعبانه=وينطم جحرٍ لابدٍ فيه شايله

الي تشيل السم في وسط نابها=وتلدغ رجول رجال عزٍ وطايله

ماتدري ان القوم توحي فحيحها=لو انها من حدر قشعه ومايله

لو انها من حدر حرمل ورمثها=جرت جنوب الداب بانت دلايله

ويالله يلي عارفٍ ويش معنايه=وعارفٍ كل عبد وش هي عمايله

سايلك ياربي تحقق مطالبي=انت الوحيد الي يتمم لسايله

الاوله يالله طالبك سترها =نفسٍ تحرى قبرها مع هوايله

ان حطها فالقبر اغلى ربوعها=وقفى ودمع العين فالخد سايله

والثانيه طالبك عفوك وغفرانك=وترضى على عبدٍ غدتبه خمايله

نفسه تزيّن له ذنوبه وجالها=كما وليفٍ شاف خله يخايله

والثالثه في امي وابويه طلبتها=مابكي عليهم حي بقبور هايله

وانك تسخرني لهم عبدٍ مطيعي=ياطون كفي دون قيض وقوايله

واخفض لهم ذل الجناحين كلها=ولاانطق بهرجٍ يمهم فيه عايله

والرابعه يالله جمل فعايلي=ف الي علي مجملاتٍ فعايله

فالصاحب الي يمينه تجملت=ماهو بقول لسان خيرة جمايله

الي اليا جيته من الوقت محتاجه=يسبق كلامه فعل ياحيي قايله

والخامسه في بنت مابان خدها=لابليس وابليس الهواء ماتحايله

صانت شرف عود وشرفها وعارها=ولااحدٍ طمع فيها يدور حصايله

تمت وصلى الله على محمد النبي=الهاشمي الي علينا فضايله

[/poem]

وسلامتكم

الرائع نادر الروقي
صح الله لسانك وأجــدت في بيانك
وبقي التمـــيز والاقتـــدار عنوانك
وأعلى الرحمــن شــــــأنك وكيانك

قصيييده آبياتها قمة في الروعه

صح لساانك

وعلا شانك

يعطيك ربي العافيه

.... }

اللهم صلي وسلم على سيدنا محمد

صح لسانك يا نادر وبيض الله وجهك

من اجمل ما قرأت لله درك

بأنتظار ما يفيض به قلمك

صح لسانك ولا هنت

دمت بود

اللهم صلي وسلم على سيدنا محمد

وصح لسانك وفكرك علي الرائعه

تحياتي لك

صح الله لسانك

وأعلى من شانك

لا خلا ولا عدم ... على هالرائعة

تقبل مني أغلى تحية فيلسوف الكويت

الله لايهينكم جميعا

وصحت ابدانكم

اقتباس:

المشاركة الأصلية كتبت بواسطة نادر الروقي (المشاركة 56713)