أحبّك حبّ جهراوي=إذا يجرح ترى يْداوي
وقربي للهوى راوي=أصيل ومنبعي صافي

بديت الحب وتْعرْفين=لأني من عرَب وافين
تراهم للوفآ لافين=وآنا منهم ترى وافي

تبين اثبات أو برهان=يطمّن قلبك الولهان
أنا لك عزّ واطمئنان=والأعظم بعَد خافي

ثواني قعدتك ويّاي =تسوى عندي كل دنياي
وعمري اللي مضى والياي=ولو يزداد مو كافي

جميع الربْع يشهد لي= بأني مُنصف وعدلي
وطبعيٍ طيّع وسهلي=ولاني قاسي وجافي

حبيبي دايم أخلص له= وآحرص دوم في وصله
وسيفي عاشق ٍ نصْله=يماري بستره الضافي

خريف العمر ما آعرْفه=وديكي يفخر بْعُرْفه
واذا طليت من شُرْفه =توقّظ همسي الغافي

دموعي صعب ٍ آذرفها=وشموعي بالدفا آصرفها
ودروبي الكل عارفها=بْآواسطها والآطرافي

ذقت المرّ والحالي=ولا آحد ٍ يدري عن حالي
ماغيره ربّي الوالي=ولاني للفضل نافي

رقيت سْنود عقْب سْنود=لأني واثق ومسنود
وميثاقي يضم بْنود=ترسم خط ميلافي

زمام الحرف في يدّي=وبوحي بيّحه سدّي
أرومه من سنة جدّي=وآنا غارفْه مغرافي

سقيت الحُب من حرفي=وعطيت الود من عطفي
ورميت الحِمْل عن كتفي=وجميع حْروفي آحلافي

شربت الشّعْر في صغري=وهضمت القاف من بدري
وآنا سرّي كما جهْري=فعولي تزيّن آوصافي

صعدت المَرقب الشمروخ=وفيني عزة ٍ وشْموخ
لأني شاعر ٍ مطنوخ=وطول العمر آنا سْنافي

ضد الضعف أنا دايم=وعقلى بالعُلا هايم
ضابط قاعد وقايم=قليلين ٍ على آصنافي

طلبت الله ولا غيره=يبشّرني بْتباشيره
ويرزقني فضِل خيره=هذي غايتي وكافي

ظلم الناس آنا آهابه=لأنّا ما آحنا في غابه
وكلْ حق وله اطلابه=حتى لو مشى حافي

عليم الله أنا محبوب= لأني واضح وطيّوب
وحُضُوري بينكم مرغوب=وحكيي عاطر ودافي

غلاي بْدنيتي انتي=وعندي انتي ما هنتي
لأنك للعهَد صنتي = ومهما قلت مو كافي

فديتك يا آروع احساسي=ترى بُعدك عليْ قاسي
لأنك عشقي الماسي=وروحْ لْشعري وقافي

قليل اللي مثل قلبي=ونادر من مشى دربي
تعالي واقعدي قربي=يا حبي اللي غدى خْرافي

حروفي تْصوّر آشواقي= وعشقي دائماً باقي
وصبري ماهو ينطاقي=وقربك بلسمي الشافي

لو كل ٍ يجي ويروح=ويبني في هوايا صْروح
انتي اللي هوتها الروح=قارب ضم مجدافي

مرامي وغاية آحلامي =ومهما طالت آيّامي
ضروري تبقي .. إلزامي=ويبقى حبك اغلافي

ناداني الهوى كلّه= يوم انْ زادت العلّه
وخل ٍ يرقب لخلّه=طيّب ما من خْلافي

هذي القصه بالإجمال = وطول العمر مهما طال
أحمّلها على الآمال=وآغطيها بْذرى لْحافي

ومسك القول في معناه=يطرب من سمع مغناه
على يسراه أو يمناه=من هو اللي له يْعافي

يسلم من قرآه و رد=له مني عميق الود
وله أزكى عبير الورد=لأنّه نوّر اتحافي

السلطانه

لله درك ما أروعك

وما أروع ردك العاطر الماطر
كلك ذوووق
كل الود والورد لك

عماد السرحان
لله درك
صح لسانك
وما عليك زود
مرورك يسعدني دائما

كل الود والورد لك

الجفول
لله درك

صح بدنك
أسعدني مرورك العاطر

كل الود والورد لك

نبض الشمال
بارك الله فيك

كل الود والورد لك

مبارك الطومي
لله درك
بارك الله فيك

سعدت بمرورك الراقي

كل الود والورد لك

انتظار الشمال
بارك الله فيك

كل الود والورد لك

لميس الخليج

بارك الله فيك

كل الود والورد لك

نوارة الرياض

بارك الله فيك

كل الود والورد لك