|
رد: مما سمعته من أمي عاد في هذا الحوار اللي كان بيني وامي ياجماعة تحملوني للاخير الوالدة البارحة كلمتها في التلفون وقالت ها يابوك ماتركت الشعر قلت وبصوت مستحي ومنخفض لا يمه قالت القطو العود مايتربى قلت: يمه عسى ماشر ليه تقولي لي هالكلام قالت عودت لسالفة الشعر وقالت: ياولدي انت ماتسمع الكلام الف مرة وانا اقول لك اترك الشعر ...اترك الشعر...اترك الشعر قلت لك يدعو للنفاق ويجلب العداوة من الناس والبغضاء والكره وبعدين تكتبه عشان من اول كنت تكتبه عشان زوجتك اللي تموت فيها الحين انت وزوجتك انفصلتوا وتم الطلاق وزوجتك صارت اجنبية لك تكتبه حق من اذن؟ قلت اكتبه لك ولنفسي اقلها قالت عن نفسي انا لا تكتب عشاني برضاي عليك ياولدي برضاي عليك ياولدي برضاي عليك ياولدي اتركه وانا الان بين نارين ومحتار ارضاء امي اولى اكيد ولكن الشعر نوعا ما القى فيه نفسي اقلها الان وافقت الوالدة ان استمر شاعرا بضعة من الشهور وبعدها خلاص اوقف يسمونها بالانجليزي Grace period يمكن هالموضوع مايعني احد لكن ودي اسمع رايكم وان كان الامر واضح ومايبي له خيارات لكن مايمنع ان استأنس بارائكم نسيت اقول لكم ان قبل لا تقفل الخط قالت امي خلنا من الشعر الحين وخذ هاللغز وحاول تحله بس لاتروح لي لخويكم هذا اللي مدري وش اسمه جوجل مدري قوقل أنشدك عن بنت صافحت كف يسراك وان صافحت يمناك عيب وخطيه وقفلت الخط الوالدة هل احد يعرف الحل بس بدون الرجوع لقوقل مثل ماطلبت الوالدة شكرا لمن مر هاهنا وقرأ |
رد: مما سمعته من أمي حتى لو لم يتجاوب الاخرون لسبب وجيه او غيره فجواب اللغز هو الدلة....دلة القهوة حفظ الله والدتي لي حفظ الله لي شيخة الدواسر |
رد: مما سمعته من أمي معليش يالربع هذا حجي يمكن محد يعرفه الا جماعة اهل الخليج ولربما هذا الطرح فرصة ذهبية تؤصل ثقافة المناطقية!!!!.....وان كان ردي على ذلك هو قصيدة "الشوق مجهدني" لانها اكبر دليل وابلغ حجة تدحض المناطقية.......ماعلينا من سالفة مناطقية وخزعبلاتها وخلافها البارحة دشت امي معاياة مع وحدة من ربيعاتها كل وحدة تعاير الثانية وتدعي ان ولدها افضل واحسن المهم في الموضوع ان امي الله يخليها لي ولا يحرمني منها واثناء سياق الحديث مع ربيعتها قالت مثل عجبني المثل يقول تحندب وتشيب مثل ولدي ماتجيب لله درك يا امي وان شاء الله اني عند حسن ظنك ولنا عودة مع سوالف امي سلام |
رد: مما سمعته من أمي نعم صدقت يا امي وصدق حدسك وظنك نعم صدقت يالغالية لم اجني من شعري وادبي الا كره الناس وبغضهم وحقدهم والعداوة معهم اقولها وكلي اسف لان ماكان هذا طموحي ورغبتي لم اجني الا كره وحقد البعيد وقطيعة القريب نعم يا امي لم اجني الا كثرة الاعداء بسبب مني مباشر او بدون سبب مني وصدقت يامن تنبأت وأصبت نعم يا امي وعدتك ان اترك الشعر وانا عند وعدي وعلى فكرة يا امي سألني احد الاخيار من اصدقائي لماذا انت تقتل قصائدك؟ فقلت كيف ذاك؟ قال انت تطرح قصائدك تترى تترى لا تعطي كل قصيدة حقها من الوقت وهذا ظلم بحق كل القصيدة فقلت صدقت يا اخي لكن مالحيلة وامي ربطت رضاها عني بخروجي من مجتمع الشعر كليا ابتعادا عن النفاق وكسب عداوة الناس وبغضهم واعطتني بضعة اشهر لتسوية وضعي انا مجبر ان انتهج هكذا نهج واخيرا اقول ماقيل في صدر الاسلام مع الفارق الكبير في المقارنة حيث في صدر الاسلام قيلت هذه المقولة في امر جلل وعظيم وبطريقة مباشرة وانا اقولها في امر هامشي وبطريقة مجازية اقول: صبراً يا ال ياسر (قاطبة ببطانتها واحلافها ) فإن موعدكم مع فراقي قريب كلها بضعة اشهر ويختفي قلمي للابد فتهدأ القلوب الوجلة وترتاح النفوس المتعبة تاركا هذه الساحة لاهلها ولمن هم اكفؤ مني في التعايش فيها ::: :::: ورزقي على الله |
| الساعة الآن 02:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011