|
رد: مما سمعته من أمي الليلة كنت مع الوالدة اطيب خاطرها بعد قفلها الخط في وجهي تلك الليلة سالفنا دردشنا في امور كثيرة قلت لها يمه ابوي غيص ولا سيب قالت لا ابوك غيص وعمك سيب وفجاة بدون اي محفزات مني قالت امي عافني الخلان والصاحب بعد ملني واتكدرت عيشتي من يوم زادي هني الله يرحم أبوك قلت وش السالفة يمه قالت يابوك مافي سالفة ولا شي خلاص خلني بروح اصلي وقوم انت صل صلاتك بس هذه سالفة الليلة مع امي سيب/غيص/ وبيت شعر الله يرحمنا برحمته قرب موعد الرحيل عن دنيا السفاهة |
رد: مما سمعته من أمي الله يحفظ لنا الغاليه نوره ولايحرمنا من حلو سواليفها بو بدر لك من الشكر وآآآآفره http://kll2.com/upfiles/Pw689057.gif |
رد: مما سمعته من أمي غيص هو الغواص السيب هو من يقوم بـ مساعدة الغواص عادل جميل جداً ماتطرحه هنا تنير العقول وتثري رصيدنا المعرفي ، واصل الأبداع بلهجتكـ المحليه ،المناطقيه جعفر |
رد: مما سمعته من أمي اقتباس:
جعفر لله درك يامستفرد الابداع اصبت القول والتوضيح في الغيص والسيب وكم انا فخور ان ابي غيص والوالدة عن خمسة مئة شاعر او يزيدون لو اردت محلية تعطيك ولو اردت بدوي تغنيك الله يحفظها لي موسوعة مرورك شرفني وأهديك صوت وصدى الدواسر لعلها ترتقي لذائقتك في الشعر الاصيل ولك مني وردة ثانية يالغالي |
رد: مما سمعته من أمي أخوي جعفر عباس أقبل مني هالوردة دام البقا بك ياسليل المجد سرٍ وجهرا عد النجوم الساريات اللي يقدي نورها نسل الكرام الماجدين الصاملين أسد الشرى عون الرفيق أما الأعادي شوكةٍ في زورها خوة وسيعين المعرفة ماتباع وتشترى تبقى لنا كنز ٍ على مر الزمن ودهورها صحبه على وضح النقا ماهي تلصق بالغرا ترسي كما يرسي لعاتي الريح عالي قورها :: :: :: :: :: وباقي علومي كان تبغيها وتعرف ماجرى بيني وبينك لاتسمع عميها مع عورها أخوك عادل الدوسري |
رد: مما سمعته من أمي الليلة اتصلت بالوالدة وبعد السلام قلت لها يمه صج وش قصدت بهالمقولة عافني الخلان والصاحب بعد ملني واتكدرت عيشتي من يوم زادي هني قالت شفيك هذه مقولة مثل غيرها كلام في كلام قلت لازم لها سبب قالت مثلها مثل عافوك ياقلب المحبين عافوك وتبدلوا في شف غيرك وخلوك قلت لها هذا غير وذاك غير قالت صبه حقنه لبن.....عنبر خو بلال وبعدين وش لك انت بهالكلام قلت لا بس الكلام يكون احيانا بلسم على القلب والمقولات اللي اسمعها منك يمه بلسم قالت وبعض الكلام ياولدي جرح مايبرى ماسمعت اللي يقول جرح السيف ياسيف على الدواء يبرى إلا جرح الكلام ياسيف ماله دواء وبعدين اذا تبيني ارضى عليك اترك الشعر قلت ليش يمه قالت اولا يدعو للنفاق وثانيا انت وش له تشعر اول قلنا معليش...عشان زوجتك الحين زوجتك هدتك وراحت في حال سبيلها خلاص هد هالسالفة وهد الشعر من له تشعر قلت لك ولي ولمتذوقي الشعر قالت عني انا اقول لك اتركه وارحل لاتكتبه لي اذا تبيني ارضى عنك ابعد روح بعيد وارجع سالم وخل الخبز لأهله لو كلوا نصه قلت يمه انا من اهله وانت تدرين اني من اهله قالت اقول لك ارحل يابوك وش لك بهالخواع هالايام صار خواع قلت ابشري يمه قريبا ارحل قالت متى قلت قريبا ومالك إلا طيبة الخاطر قالت خلاص سكر الخط انا بنام جك....جك( صوت التلفون وهي تسكره في وجهي) |
رد: مما سمعته من أمي سلمت يمنــآآك أخي عادل... من مــتابعييينك دوومــآآ ... |
رد: مما سمعته من أمي أختي أحلام اشكر مرورك و جميل قولك عادل |
| الساعة الآن 09:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011