اقتباس:
المشاركة الأصلية كتبت بواسطة جوهر الراوي
  سلطانة الشعر .! ’، من باب تحريض الشعور وباب تقييض الزعل بحاول أتعرف على إحساس ما كنت أعرفـه ومن منطلق مبدا الدعابه والتمـازح والحيّـل بشعل شموع الغيره العمياء بصوره مجحفـه قرأت عن أشياء كثيره فـي دواويـن الغـزل منها خيالي وإنفعالي وبعضهـا مالـه صفـه مهمته يـزرع بـذور الشـك ويمنتـج خلـل ويثير بركان الغضب فوق الضميـر ويجرفـه حبيت أجرّب وآدخل بعالم غريـب ومشتعـل صاخب مزاجه يزعج التفكيـر ثم ٍ يقصفـه عادي بحاول كود ألقى الوضع ميسور وسهـل ثم آندمج في الدور واحساس التراضي أرشفه أحب من حكيه جميل وعذب وأسلوبـه عسـل وآموت باللي ينثر أكليـل الزهـور بأحرفـه ما آحب أنا من يمتدح نعراتـه ويعمـل بطـل على حساب الماضي اللي قبل يولـد يقطفـه إن كان جِدّي في هواه وصادق بكـل الجمـل يثبت وجـوده بالأدلـه والحجـج والتكلفـه وش له بتاريخ انقضى وآصبح بُعد كوكب زحل ولا يمكن يأثّر على حاضر ظروفـه تعصفـه هذا الفكر مغلوط ماله في فضآ الواقع محـل ولا يندرج ضمن التطور والرقـي والمعرفـه طبيعتي تعشق هوا من كـان للطيبـه مثـل من في كلامـه وادعائـه منطقيـه منصفـه مير البلا لا صار من تهواه ميئـوس الأمـل " الله يكون أبعون حالك " لين فالـه يسعفـه
’،
الشاعره ( السلطانه ) .!  ______ صدى الصوت ’، وآنا من باب إعجابي بِحرفك اللي ما يُمل بحاول إنّي أقراه بعيون نهمه مُسرفه لأنّ شعرك له مكانه بالشعور المستهل وشبْه هبّات النسايم دون حاجز يخْلفه وكل حرف ٍ من حروفك حاوي جزلات المُثل كمَاءِ سيل ٍفي شعيبه كل خير ٍ يرصفه نلتي الشموخ المرتفع في عرش ربّات الحُلل كمثل شمس ٍ في سمانا كلّ لبّ ٍ تخطفه تراك بالشعر النسائي مثل غيث ٍ منهمل ابينتشي منْه الفؤاد وكل ضيق ٍ ينسفه وانْتي بحر ٍ للمشاعر وانْتي مُلْجِمْةَ الجُمل بل إنتي شلاّل الأحاسيس النقيّه المُرهفه صدقيني كل شعرك فاق وصف المُحتمل ولا أجامل بس آحاول إني أعدل وآنصفه وكل وجدان الأوادم يأسره شعر الغزل وكل عذق من الرُّطب يجيه من هو يخرفه وكل قلب ٍ صادق ٍ ينبض بِما بهْ يعتمل يسحر مباهيج الحياه إذا المحبّه تعصفه يفزّ كنّه منلدغ من لوعته ولا يكل والشوق دوم يحمّسه والصبر دايم يعسفه والحرف في فيّ الشعر بانيه شاعر مشتعل يبني القصايد كالمهندس مع براعة فلسفه وإحنا هِنا وْشموخنا كما الزّهَر عنده نحل نستمتع بعطر الحروف اليانعات الوارفه للهِ درّ الشّعْر ذا اللي يبني جسر ٍ للوصل وتسطّرَه سِلْطَانَةَ الشِّعْر الجميل وتعزِفه  ’، جوهر الراوي |
شكرا على هذا المرور الاجودي والمكتمل = شكرا على طله جميله رائعه ومشرّفه
مرور شعري وارف أضفا النور بأرجاء المحل = الجوهر أوفا كلمته والراوي اللي ألفه
اخي الشاعر القدير جوهر الراوي
اولا صح لسانك مليون
ثانيا الشكر الجزيل لحضورك الجميل
وتشجيعك الدائم الوفي
النابع من جوهرك الاصيل
تقديري واحترامي لشخصك الكريم
الإهداءات
رد: ×× اللــــه يكـــون بعــــون حـــــالك ××
العرض العادي
المواضيع المتشابهه الموضوع: ×× اللــــه يكـــون بعــــون حـــــالك ×× 
