|
Spirtual bankrptcy بسم الله أبدأ :::::::: يا قلب ياللي من الايام بك لوعه إن بحت ملتاع وإن غبيت ملتاعي من هاجس ٍ يصطفق بالفكر ويصوعه في غبته حطني مجداف و شراعي والنفس مابين ماموره وممنوعه والقلب من عادته ماهوب مطواعي ما سارت الرجل والاقياد مربوعه والفكر محتار بين اخماس و ارباعي و أرزاق ربي ترى ماهيب مقطوعه لو حال من دونها مليون قطـّــاعي واللي يحسب انه يسقينا بقرطوعه حنا قبل شوفته راهين وشباعي غره غروره و قاده غصب في طوعه ما يدري إن الذمم ماهيب تـنباعي دنيا الفلس عندنا ماهيب مطموعه أما على عز وإلا مالها داعي واللي على جوع يصبر خير له جوعه من شبعة الهون من كفين طماعي عشنا و شفنا من الصدمات والروعه لو كان نفسي قبل ماهيب ترتاعي والناس مابين موضوعه و مرفوعه يضيع عمر الرجل والطيب ما ضاعي واللي على حربنا محتاط بدروعه يرتاح مادام حنا فكرنا واعي واللي يزل القدم لا ينكسر كوعه لو مد قنطار نجزا الصاع بالصاعي واللي على الطيب والاخبار مذيوعه لو هو تقدم شبر نجزاه بذراعي يقوله اللي سبح موجه قبل قوعه والغيص ما غره الامواج والقاعي والشعر مشروع والابيات مشروعه لكن تبغى لها حكم ٍ و شرّاعي بعض الشواعير موهوبه و مطبوعه و بعض الشواعير تمشي بالتطـبّاعي والبعض متكلف ٍ طرحه و موضوعه والبعض متميز ٍ في كل الاوضاعي والبعض ما ينعرف شكله ولا نوعه والبعض يمشي من الإبداع في إبداعي و صلاة ربي من الاعماق مسموعه على النبي احمد عدد ما هبّ ذعذاعي عادل بوبدر |
رد: Spiritual bankruptcy اقتباس:
ماعرفت وش اقتبس منها من حلاوتها صح لسانك مليون ولا يكفون سجل اعجابي |
رد: Spiritual bankruptcy القدير والغالي عادل الدوسري صح الله السانك واعلى شانك قصيده رائعه ملاحظه : يفضل كتابة عنوان النصوص باللغه العربيه ونتمنى ذلك في المرات القادمه تقبل الورد اخوك ابو احمد |
رد: Spiritual bankruptcy اقتباس:
مشكلتي وانا اخوك ماأحب اشوف الخطأ واسكت .. مدري ميزة فيني ولا عيب [IMG]http://www2.0zz0.com/2011/09/27/18/875886016.png[/IMG] [IMG]http://www2.0zz0.com/2011/09/27/18/735718654.png[/IMG] تناقض بين الحالتين !!! |
رد: Spiritual bankruptcy الرائع عادل الدوسري صح الله لسانك وأجـدت في بيانك وبقي التمـــيز والاقتدار عنوانك وأعلى الرحمــن شــأنك وكيانك |
رد: Spiritual bankruptcy اقتباس:
وانا يالغالي ماعرفت كيف أحييك لكن شكرا لعطر حضورك وجميل قولك اخي عادل |
رد: Spiritual bankruptcy اقتباس:
اخي جعفر عباس بارك الله فيك واشكر مرورك اخوك عادل |
رد: Spiritual bankruptcy عادل الدوسري ماهذا الاحساس وهذا الجمال في الطرح من جد ابيات ساحرة وجميلة رائع ما نثرته هنا من احساس جميل وطرح راقي سلمت اناملك عزيزي تحيتي لك |
| الساعة الآن 12:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011