شبكة الشموخ الأدبية - الناس في الماي العكركم يصيدون

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - الناس في الماي العكركم يصيدون (http://www.alshmo5.com/vb/t27638.html)

الناس في الماي العكركم يصيدون

السلام عليكم
كل عام والجميع بخير هذا النص المتواضع اضعه بين يديكم امل ان
يحوز على رضا الجميع وهذا ليس الا احاسيس شخص طلبني في كتابة هذا النص

وش تستفيد إن جيت تبكـي عليـه=لاماتسامحنا وحنـا علـى الكـون
يامسنـدي ياعـزوتـي ولحمـيـه=وش يعذرك يـو الخلايـق يعـزون
وانتـه تقبلنـي وتمسـك يـديـه=يمناك تمسح جبهتي وش يفيـدون
تقـول هـذا اخـوي مافيـه زيـه=وفي خاطرك مليون حسره يجولون
من فضل خالقنـا عزومـي قويـه=وابشـرك ماهمـنـي مايقـولـون
طاوعت بي اهـل العلـوم الرديـه=اهل الوشاه اللي يفوقـون مليـون
ياخـوي ياراعـي العلـوم الوفيـه=عامين قلبي من الهواجيس مطعون
صدقت من يحكـي وقلبـه لضيـه=من ماحكوا اصبحت انا شبه مجنون
انا اعتـذر لاصـار منـي خطيـه=واعيش في فرحه ولا اعيش محزون
لا انته ولانـا عامليـن(ن) قضيـه=لكن هـل النمـات قامـوا يكيلـون
ارجوك كب اهـل الحسـد ولاذيـه=الناس في الماي العكر كم يصيـدون
يامـن صفاتـه ترفـع المعنـويـه=خلك من الـي فـي قفانـا ينمـون
اللـي كوونـي كيـة فـوق كيـه=خلوني اسهـر والخلايـق ينامـون
ان كان لي عنـدك بقـى مقدريـه=فسمح وانا ياخوك شاكر وممنـون
ياخوي ياللي مسكنـك وسـط ذيـه=انا تراني بيـن الاظـلاع مطعـون
اطلب عظيـم الشـان رب البريـه=عـداد منهـم بالمشاعـر يلبـون
يغفرلنـا ياصاحبـي كـل سـيـه=اعداد من طافوا ومنهـم يـزورون