:: % :: مباركــ عليكــم الشهـر ،، وكل عام وأنتم بخير :: % ::

هلا يا شهر فيك الخير فاق الوصف والتحليل = هلا شهر الكرم والجود والرحمات والغفران
هلا بك يا عسانا بالهُدى والذكر والترتيل = نتوق لــ / أفضليات المكارم فيك والإحسان
هلا بك وأنت من رب الخلائق تحمل التبجيل = ليالي عامره بالنور والإصلاح والإيمان
وليله في عبادتها تعادل ألف شهر وقيل = يُقدّر كل شي فيها بِلا زود ٍ ولا نقصان
الأعمار وحدود الرزق والتشديد والتسهيل = تبارك أسم خالقها الكريم الواهب الديّان
هلا بك شهر ما ينقص عطاءه جيل بعده جيل = هلا بك ركن من أركان دين الحق يا رمضان
نهلي بك وحنّا نحتري جيّتك بالقنديل = هدفنا نفوز بجنان الخلود ونخسر العصيان
هُداك وبينّاتك واضحه في مُحكم التنزيل = ولا ينصّد عنها غير محروم وشقي غلطان
تفتح فيك أبواب الجـِنان ويثمر التحصيل = وتتضاعف أجور الصائمين ويرجح الميزان
ورايات التسامح فيك تنسف رؤية التنكيل = يسود الحب بــ / أرواح البشر ويصفـّد الشيطان
نعم شهر وثلاثينه تفوق أعوام بالتفضيل = سعادة بال في الدنيا ويوم العرض عــ / الرحمن
تعلا فرحة الصائم بصومه فوق نجم أسهيل = لا والله فوق تصوير الخلائق أنسها والجان
جنان الخلد والرحمة وعفو ومكرمه فــ / الكيل = شفاعة سيد الخلق الحبيب المصطفى العدنان
تعالو يا مُحبي الخير نزرع خيرنا ونشيل = ثماره بآخر الموسم هبات الرازق المناّن
نحدد وضعنا ونجدد إنجازاتنا ونميل = لـــ / صوب الحق سبحانه بدون إخلال أو خذلان
على صدق التعامل نعقد النيّه وعــ / التبديل = من الأفضل إلى الأفضل ومن يائس إلى فرحان
ونرمي بالحسد والحقد والتنغيص والتذليل = بعيد ونرمي ظنون الإساءة في طي النسيان
ولا نجعل نهاره نوم والتلفاز طول الليل = فوازير وحكايات وسوالف ما بها سلطان
ما غير إتضيّع الوقت الثمين وتنشر التظليل = وتتجاوز حدود الله بها عالم عظيم الشأن
ونتباها بترتيب السفر حشوات ومعاميل = حنيذ وشوربة الحب وكبيبة تسحر الأعيان
وعيش الصاج والكبسة ومشروبات مثل السيل = وحلويات يا كافي! من الأشكال والألوان
يحطم جام سطوتها مدا التركيز والتأويل = يتوه اللي مخبصها ويصبح منهك وتعبان
تمر أيام وليالي الشهر تسلايه وتعطيل = وأكل وشرب وإهدار المشاعر في هوا خسران
وحنّا ندرك أن حجم الخساره به تهد الحيل = ومن يخسر ثوابه عاش يحصد خيبة الحرمان
تعالو نحيي أوقاته مع التسبيح والتهليل = ونستمتع بلحظات الخشوع برفقة القرآن