بامي وابي يارسول الله

يااعين من واجبك هلي عبايرك=ابكي وتبكي معك كل الملايين
مادام جووا القلب شئ يحرك=حتى البكى ماهو يكفيك ياعين
ابكي ولو تبكين ماني بعاذرك=ابكي رسول الله شفيع المصلين
سلام ياللي عن وحي ربك آمرك=رب الجلال ومرسلك تنصر الدين
وسلام ياللي على المخاليق طهرك=اطهر بشر على الكون سابق وذلحين
وسلام ياللي نفتخر في مأثرك=فيك الوفاء والعطف والطيب واللين
وسلام ياللي مرسلك تمحي الشرك=وتنبه اللي بالملذات لاهين
حطمت الأصنام وتتالت مفاخرك=من غزوة الابواء الى غزوة حنين
فتحت للإسلام نصرا يناصرك=على اليهود ومن تبعهم شياطين
في يوم بدروجاك من جاك يخبرك=عن قافلة سفيان ماقلت بعدين
فتحت بدر وما وقف من يناظرك=كلَ معك حتى الشيوخ المسنين
واليوم واجبنا وحنا نئأزرك=نقمع هل الفتنه ونعطي براهين
انك رسول الله ربح من يجاورك=هذا صحيح ووارد في الصحيحين
من نال من ذاتك نزل باسفل الدرك=عاشوا ملاعيين وماتوا ملاعين
بارواحنا نفداك والله ناصرك=والكفر واهل الكفر حصد البراكين
ويالله ياللي خالق الخلق نشكرك=تنزل عليهم لعنتك ..قولوا امين
وياللي على سيد هل الكون ناظرك=الله رفع قدره ونزلك بالطين
يالكافر اللي كل فعلك من الشرك=اللي تقوله ما انطلى على الملبين
الكذب والتاوئل هي من ذخايرك=وإحنا ذخايرنا فعول السلاطين
الكفر في قلبك ومعمي محاجرك=وقلوبنا رطبه على الحق والدين
وختامها ياللي على الدين نخبرك=اثبت على دينك وربك لك معين
وصلي على اللي بالوحي جاك ينذرك=عد الحجيج وعد ماترمش العين