هاك ذكـراك مـن ذكـراك ويـش أستفيـد
كـافــي أن الـمـشـاعـر هـايـمــه كـلـهــا
ودي انـسـاك والنسـيـان مـاهــو اكـيــد
كيـف ابنسـى عيـون(ن) رمشهـا ظلهـا
من هك اليوم وانت اللي بعينـي وحيـد
ماخـبـرت الـعـيـون تـمــل مـــن خـلـهـا
مير نفسـي عزيـزه وانـت رايـك عنيـد
والـنـفـوس الـعـزيــزه مـاتـبــي ذلــهــا
مابرى الجرح الاول كيف يبرى الجديد
شـوف حالـي نـزيـف جروحـهـا سلـهـا
كـل ماشفـت لـك ذكـرى وربــي شهـيـد
كـــن نـــزاع روحــــي بـالـحـفـا تـلـهــا
انـدفـعـت لـغـرامـك يـالـغــزال الـفـريــد
والــغــلا لــــه دروب خــاطــري دلــهــا
وش بقى يالسراب اللي قريب(ن) بعيد
الـمـحـبـه وراحــــت وانـتـهــى حـلـهــا
لـــو كـــل بكـيـفـه يـاخــذ الـلــي يـريــد
كـان ماشفـت نـاس تـمـوت فــي غلـهـا
هـاك فـرقـاك خـذهـا خــل قلـبـك شـديـد
خـلــهــا مـاشــيــه بـحـمـولـهـا خـلــهــا
كـــل مـــازاد تعـذيـبـك ذنـوبــك تــزيــد
الله اعــلــم صــلاتــك بـاطــلــه كـلــهــا
متعب التركي
الإهداءات
العرض العادي
المواضيع المتشابهه الموضوع: ماهو البيت الذي تردده إذا ضاق صدرك ؟ 
