باب الهوى

يا صاحبي لا تهاجر بالبلـد محبـوب=والناس لا تشغلك خلك هنـا حاضـر
حبك اسرني ولا ني بالهوى متعـوب=مهما المسافات طالـت بالغـلا كابـر
خليتني في عذابي والهـوى مغلـوب=وانت الذي بالهوى وحدك علي قـادر
كيف الملامه علي وانت الذي ماتـوب=ياصاحبي في ملامـك دايـم ٍ شاطـر
وين المحبه اذا فيك الجفـا عـذروب=ما ني بخابر بحبـك والوفـا قاصـر
يا كافي الشر مالي مقصـد ٍ بذنـوب=يعني كلامك على الفاضي بلا باصـر
ما بيننا صار كنه بالقلـم مشطـوب=حب وغرام ومعاني تجبـر الخاطـر
متى تصون العهود و تفهم المكتـوب=وميثاق حبـي وحبـك بيننـا ساتـر
ترى اللهب في ضميري سبتك مشبوب=أطف اللهب لو تشوف المهتوي صابر
باب الهوى لا تصكه والوصل مطلوب=ما دام خلـك بخلقـك والوفـا نـادر