أمثال مأثوره ...!!!

قالوا ~ اللي ما يْعَرْفِكْ ~ ترى والله ~ ما يْثَمّنْكْ=واللي للصقر يجهل ~ إذا صاده غدى يشويه.!
واللي ما ~ يوقّر خلق ~ الله ~ دوم خله عنْك=واللي ما يعز نفسه ~ سفيه وحقه التسفيه
وأيضاً قالوا ~ خشمك منْك ~ ولو هو عتّك وأعفنْك=واللي يسبّك ويشتمْك ~ إبعد عنْه ~ لا تْجاريه .!
واللي دوم ينقل لك ~ كلامٍ شين ~ ينقل منْك=هو نمّامٍ ومغتاب ~ نصيحه مني ~ اتجافيه
واللي قد غدر مرّه ~ ترى في ظهرك بْيطعنْك=يخونك ثاني وثالث ~ ولا ينفع به التنبيه
وبخيل النفس لا تزوره ~ وإذا زرته ترى بْيلعنْك=تضيق الدنيا بعيونه ~ وقرشه دايم امخبّيه
وأول غيثنا قطره ~ وقطره ~ ربّما تْطمّنْك=و(1000) المِيل لِخطواتك ~ بخطوه ثابته تبديه
وعِشْرة (40) ليله ~ بين القوم ~ قد تضمنْك=وحسبة (40) شخصٍ ~ بين الناس في تشبيه
وناس ~ أجناس لهم معدن ~ وانت اتخيّر لْمعدنْك =فيه ~ نْحاس ~ وفيه ~ ألماس ~ وغيره يجري التنويه
ولا كل طير ٍ بْيوكل ~ مهما أشْبَعَك وآسْمَنْك=ولا كلْ صاحبٍ يصلح ~ إنّك دايم اتماشيه
واحذر من شعاراتٍ ~ تخدع نفسك وتفْتِنْك=وحق الخلق يا ويلك ~ ياللي تعتدي وتسبيه
وكلام الزور والتلفيق ~ حذاري أيُّهم يشحَنْك=تخسر دينك ودنياك ~ وجُرْمك كلٍ بْيرويه
ودرب الظلم أساسه وهْنْ ~ تنبّه منْه لا يوهِنْك=ولا تتبع خُطى الظالم ~ أو في يومٍ اتباريه
ومن الشيطان ~ أنا آحذّرْك ~ ترى في سجنه بْيسجنْك=يزيّن لك أمور الشر ~ بس لآجل إنّك اتواليه
وابعد عن فضا الأخباث ~ لا يْعقّدْك ~ لا يْجنّنْك=جميع أطرافه بْخُسران ~ وذنوبه كلها اتغطّيه
ومثل ما تْدين ترى تندان ~ وفعلك دائماً يرهنْك=وكلاً يُجزى بآعماله ~ وكلاً ينضح بْما فيه
وْ رِدِيّ الطبع لا تنخاه ~ تراه بْفضله يْمننْك=أمّا راعيَ الإحسان ~ فآحرص إنّك اتخاويه
وبعض الصحب في الدنيا ~ كأنك تدمنه وآدمنْك=أخوّه في طريق الخير ~ فداك بروحه وتفديه

جوهر الراوي