يفداك قلبي و التعب و المسافه

يفداك قلبي و التعب و المسافه


دام آخر المشوار شوفة عيونك


و يفداك عمر ضاع كله حسافه


على الزمان اللي قضيته بدونك


جيتك بقايا حب هذا إعترافه


أهواك أحبك أعشقك ما أخونك



يعني أحبك حب أسمه خرافه


لطروا أساطير الهوى يذكرونك


و لو خفوقي كتاب تقرا غلافه


قسم قسم بالله أعشق جنونك


جيتك على رغم الزمن و اختلافه


كل الطرق عندي توصل جفونك


مليت من شح الغرام و جفافه


ضميان حب و بارتوي من مزونك


قلي أحبك خل عنك الكلافه


ريح ظنوني ريح الله ظنونك


يا سيد قلبي و الحلا و اللطافه


كل المشاعر في خفوقي يبونك


خلص كلامي بس عندي إضافه


أهواك أحبك أعشقك ما أخونك

احلام

عاشت ايدج
وسلم احساسج
كلمات جميله معبره
احلام لطفا غيري لون الكتابه ممكن

دمتي بخير

شيم

الغالية أحلام
خاطرة تمثل المعنى الجميل

وتجسد روح الحرف الأصيل

احلام

خاطرة رائعه وبوح جميل

سلمت اناملك

تحيتي لك