يقولون مالك قصتك مالها تفسير
بعيد النوايا غايتك غير معروفة
فقلت اتركوا من هو خذا باله التفكير
ولو هي دموع العين يا ناس مذروفة
وقالوا تصبر يا عسى عاقبتها خير
وليام يا مخلوق بالخير مخلوفة
فقلت الحقيقة يا مخاليق وضعي غير
وكم عاش ناس خلف لاسباب محذوفة
وقالوا ترى ليام طارت وطار الطير
ولارزاق مقسومة ولوضاع مكشوفة
فقلت الحقائق تنكشف والصحيح يسير
ولابد تظهر غاية الشخص وظروفه
وقالوا تنشد عن قصص عنترة والزير
وخذ عبرة من سالف الوقت واسلوفه
فقلت المعاني ياعرب ما تبي تبرير
بالحساس مكتوبة وبالصدق موصوفة
وقالوا ترى بعض المعاني تبي تحرير
نراها بحس الوجد بالحيل مكتوفة
فقلت الكلام الزين ما يقبل التزوير
ويصعب على رجل من الغير مصروفه
وقالوا هنا وقف وغيّر في التعبير
ترى كل نفس تطلب العدل منصوفة
فقلت القضية وضعها يطلب التطوير
وعيب على من للخلائق رجف جوفه
وقالوا لي اسرع يا محمد بدهن السير
وخلك سنافي والبطل يرفع كفوفه
فقلت المذلة ما يوافق بها النحرير
شراء عز نفسه لو على كاهل اكتوفه
الإهداءات
قالوا وقلت 
العرض العادي
المواضيع المتشابهه الموضوع: قالوا وقلت 
