حبيبي يا نظر عيني يا نور الروح والأشواق
يا بلسم يشفي جروحي يا وردةْ فل معطاره
أحبك حب ما يوصف حب ٍ كامل الإشراق
تنعش روعته روحي وأحيا من ندى امطاره
يناديني بهمسه دوم همس ٍ يطرب العشاق
حبيبي لا تجافيني فقلبي زادت أخطاره
عرفت الحب من حبك ما غيره شي لي قد راق
أحس إنك هوى بوحى ونبض القلب وأسراره
ألا ليت الهوى يدري إنك مهجة المشتاق
وإنك غاية الغايات يا مزنة ود مدراره
سل الأحباب عني كيف عانت مني الأحداق
عانت من همايل دمع ونار الشوق سعّاره
حبيبي إلتفت يمّي وناظرني بْنظر براق
لعلّك ترأف بْحالي وتزيل الهم واطواره
حبيبي خلّك بْجنبي ترى الهجران صعبْ وشاق
وآنا ما أقوى على الفرقى أو إنّي أحتمل ناره
صبرت كثير من أجلك وصبري فيك ما ينطاق
لعل الله يجيب الخير ويجمع شملنا تاره
وتذهب كل هواجيسي ووقت ٍ علّني عوّاق
وتبدأ رحلة الإسعاد ويْغور الهَم في غاره
لأني أعتبر نفسي أكثر شخص ذاق افراق
وقلبي ذايب ٍ لوعه بْخَطو هقوات غداره
وحيث إني أعَرْف البعد مذاقه صعب ٍ وحرّاق
ولا يطفيه غير الوصل ولمّه في بهو داره
’،
جوهر الراوي
الإهداءات
بلسم جروحي ...!!! 
العرض العادي
