|
المشرق الثاني الاحبة ال شموخ لتواصل معكم لاعدمتكم سحابةٍ لآح للضميان بارقها = ياما تمنى مطرها كل ضمياني جتني وحاولت اخاويها وارافقها = وشفت القهر يوم ماطرها تعداني قلبي عشقها وكل الروح تعشقها = مفتون في حبها يوم الله اشقاني من شافها وده انه مايفارقها = واللي خسرها يموت وهو خسراني مشيت مع دربها ود إني الحقها = ورجعت مدري طريقي وين وداني اظن جاها عجاج ً قام يصفقها = وانا شربت القهر والياس وأحزاني ياليتها وقفت لي لين اعانقها = واسمعتها صادق الاحساس بلساني ويضمها الصدر وضلوعي تطوقها = واحطها فوق احاسيسي ووجداني لكن راحت عسى ربي يوفقها = وانا جلست بعناي اعيش وحداني ياكثر مابه طورائ قمت اصدقها = يوم الزمن خصني باالشوق واضناني احيان اقول الزمن با الود مغرقها = واحيان اقولها انها مثلي بحرماني واحيان اقول ان غدر الوقت ضايقها = وجاها عذاب السنين القشر مجاني واجمع هجوسي من الضيقه و افرقها = حتى ومليت قول احيان واحياني يا كامل الزين حسناتك تصدقها = تراه مايندم اللي يفعل احساني عطني عهود الغلاء الصافي ووثقها = لاتاخذ اذنوب فيني وانته الجاني يا وردة ً هفهف الغربي بمطرقها = ما كن لي غيرك احباب ً ولا اوطاني ويا شمسي اللي يرد الروح مشرقها = انا اتحراك عند المشرق الثاني |
رد: المشرق الثاني الشاعر المهدي بن تركي مبدع يا رجل صح لسانك تحياتي لك |
رد: المشرق الثاني الرائع المهدي بن تركي صح الله لسانك وأجـدت في بيانك وبقي التمـــيز والاقتدار عنوانك وأعلى الرحمــن شــأنك وكيانك |
رد: المشرق الثاني اقتباس:
القدير المهدي بن تركي صح الله السانك واعلى شانك تقبل الورد سامي احمد |
رد: المشرق الثاني سلمت يداك التي صاغت هذه الرائعه صح لسااااااااااانك مليووووووون تقديري واحترامي لشخصك وبوحك الراقي ذكرى الغالي |
رد: المشرق الثاني عودة مرة أخرى للإرتشاف من شهد الحرف شكرا لك مهدي على امتاعنا بالشعر الحقيقي الأصيل |
رد: المشرق الثاني |
رد: المشرق الثاني نص يمثل أصالة الشعر وجودة الصور وروعة المفردات والمــــــعاني |
| الساعة الآن 03:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011