بـــــنت السناعيس

اخفيت شوقي من لمحتك مع الناس=وازريت اداري والليالي معابيس
لين انطلق من داخلي عذب الانفاس=يرسم معاني فالشعر لك احاسيس
واليوم انا بيحت لك سد الاحساس=عذبٍ زلالٍ فيه هب النسانيس
لاتحسبنه شعر يكتب بقرطاس=اللي يعيب القول كثر المطاريس
اللي تمايل فالغلاماهو نوماس=يثني علي درب المحبه تماليس
يصب لك ريق الغلاكاسٍ ورى كاس=هذا الهوى لو ذاق عذب التوانيس
حكمتني يازيين حكمك علي الراس=ياسيدي يازين كل المجاليس
لوتبتعد عني ترى ذقت الاتعاس=والفكريلطم من فجوج المنافيس
وان جيتني تبقى كما لمعه الماس= انسان راقي عن جميع الدنافيس
لك هيبةٍ ثارت علي الوقت من بأس=حرٍ ليادبت عليه النواميس
ولوغبت عني في دجى الليل انحاس=وليالفتني من طيوفك فوانيس
انااشهد ان الحب مايعرف اجناس=احساس واحد والنوايا مداسيس
احدن يشيع الحب في كف قرطاس=واحدن يموت ولايفك المحابيس
والقوت مايرحم كما هوية الفاس=الياحطب لك من ضلوعي هواجيس
هو صاحبه يبقي علي الوقت نبراس=والاغدت به والليالي مقابيس
امسي علي ذكراه واغفي بهوجاس=وارجع اهوجس به مير العن ابليس
ريحٍ غدت تعصف علي شهقة انفاس =تزفر علي حدب الحنايا محاميس
انااشهد ان الحب مايعرف الياس=ياتل قلبي تل حر القرانيس
ليت الغلا ينقاس فالكف مقياس=تشهد غلاتك يوم فاقت مقاييس
سبحان من سواك ياطيب الساس= ياللي سكنت ابقلب بنت السناعيس